الشينوا
الشينوا (ب شّينوية: 中国؛ پينيين: Zhōngguó؛ كتنطق: تْشُونْݣْ-خْواَ؛ كتعني حرفيا: "الدولة المركزية" ولا "المملكة الوسطى")، رسميا جمهورية الشينوا الشعبية، هي دولة ف شرق آسيا ؤ هي الدولة اللي فيها أكبر عدد ديال الناس فالعالم، وساكن فيها 1.428 مليار واحد ف2017. الشينوا كتغطي تقريبا مساحة 9,600,000 كيلومتر مربع، ؤهاكا كتعتابر تالت ولا رابع أكبر دولة من ناحية المساحة.[نوطة 1] الدولة كيحكمها الحزب الشيوعي الشينوي، ؤكدير تشريعاتها على 22 ويلاية،[نوطة 2] خمسة د لمناطق متمعة ب لحكم الداتي، ربعة البلديات مدارة بشكل مباشر (پيكين، تيانجين، شانݣهاي، ؤتشونݣتشين)، ؤ لمناطق الإدارية الخاصة ديال هونݣ كونݣ ؤ ماكاو.
الشينوا تعرفات على أنها من حضارات لوالا العالم، ؤ بانت ف لحوض الخصيب ديال لواد الصفر ف سهل شمال الشينوا. ل آلاف السنين، النضام السياسي ديال الشينوا كان معتامد على لملكيات لوراتية، ولا السلالات، بداية من سلالة شيا لعلاين أسطورية ف لقرن 21 ق.ح.ع. من تما ؤ الشينوا بقات كتوسع، كتقسم، ؤ كتعاود توحد بزاف ت لمرات.
نوطات[بدل | بدل لكود]
- ^ ترتيب المساحة الكلية ديال الشينوا بالنسبة للميريكان كيختالف على حسب القياسات ديال المساحة الكلية ديالهم بجوج. شوف(ي) ليستة د الدول و التبعيات علا حساب لمساحة لمعلومات كتر.
- ^ هاد العدد ما كيتضمنش لويلاية التالتة و العشرين ديال تايوان اللي مدابزين عليها و اللي كطالب بيها الشينوا ولكن ما عندهاش شي سيادة عليها. شوف(ي) §التقسيمات الإدارية.
عيون لكلام[بدل | بدل لكود]
|
تقدر تزيد شوف بزاف د تّصاور و لمعلومات ديال People's Republic of China ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |