حجر
لحجر ولّا الصخر هو تشكيل فيه مجموعة ديال المعادن اللي كيتواجدو ف الطبيعة، وكيشكلو جزء أساسي من القشرة الأرضية. كل حجرة عندها لخصائص اللي كتميزها عن الحجرات لخرة. الحجر هو الوحدة الأساسية ف لبني ديال الأرض، أما المعدن فهو جزء من الحجر براسو. الحجرة كتختلف من وحدة لاخرى على نواع المعادن اللي فيها و كيفاش هاد المعادن كترتابط ببعضها ف الحجرة الوحدة.[1]:3 Some rocks also contain mineraloids, which are rigid, mineral-like substances, such as volcanic glass,[2]:55,79
الحجر هي عبارة على رمال ترسبو و تمازجو مع بعضهم، و من بعد بزاف ديال السنوات كتتكوّن هاد التشكيلة من الحجر. كاينين نواع مختالفة من الحجر، بحال الحجر ديال التراب اللي ترسبات بسباب لما د شتا، الحجر الرسوبي اللي تكون بفعل الأمواج المائية، و أخيراً الصخور النارية اللي تكونات من اللاڤا البركانية اللي كيطوّعوها البراكين.
لمصاوبة ديال الحجر هو عملية جيولوجية كتحتاج لوقت طويل و كتدوز عبر مراحل متعددة.
الحجرات كتختلف بزاف على حسب الطريقة اللي تكونو بها و المكونات ديالهم. كاينين تلاتة د النواع الرئيسية د الحجر:
- الحجر الرسوبي: هاد النوع كيتكون من تراكُم الرملة و التراب و المعادن اللي كيترسبو عبر الزمن بفعل الرياح و المياه. هاد الحجرات كتكون عندها طبقات واضحة. مثلاً، الحجرات ديال التراب اللي تكونات بفعل مياه د الشتا، و الصخور الرملية اللي تكونات من الرملة اللي ترسبات ف قاع البحر أولا الصحرا. و حتى الصخور الكلسية، اللي تكونت من تراكم بقايا الأحياء البحرية.
- الحجر الناري: هاد الصخور كايتكوّن من تَجمد اللاڤا اللي كاتخرج من البراكين. كاينين جوج نواع:
- الحجر الناري الدخلاني: هاد النوع كايتكوّن ف قلب الأرض و كيتجمد بشوية، و كايكون قاصح بزاف، بحال الڭرانيت.
- الحجر الناري لبراني: هاد النوع كايتكوّن من اللاڤا اللي كتخرج مباشرة للسطح ديال لارض و كاتجمد بزّربة، و كتكون عندها قلدة مسامية، بحال البازالت.
- الحجر المتحول: هاد النوع كايتكوّن من تحولات حجرات خرة تحت تأثير ديال الحرارة و الضغط الكبير. يعني، حجرات قديمة تحولات ل نوع جديد. مثلاً، الحجر الجيري يمكن يتحول ل حجرة متحولة كتسمى الرخام، و الحجرة الطينية يمكن تتحول ل حجر متحول كيتسمى الشيست.
- ^ Nesse، William D. (2000). Introduction to mineralogy. New York: Oxford University Press. ردمك 9780195106916.
- ^ Blatt، Harvey؛ Tracy، Robert J. (1996). Petrology (طبعة 2nd). W.H. Freeman. ردمك 978-0-7167-2438-4.