هومو هابيليس

هومو هابيليس (سّميتو لعلمية Homo Habilis و لّي كاتعني: هاداك لّي كايعرف يصاوب شي حوايج ب يديه) هو واحد لگنس د لقرودا لفوقانيين لّي عاشو بين هادي 2.4 و 1.6 د لملاين دسنين. أول حفرية تلقات د هاد لگنس كانت ف موقع أولدوفاي ف طانزانيا ف 1960 و لّي كان لقاها لعالم جوناطان ليكي. لهومو هابيليس كان كايعيش ف شّجر و ميخالي نباتي غير هو كان أول گنس د لقرودا لفوقانيين لّي قدر يخدم يديه مزيان باش يصنع دوزان و لعيبات من لحجر، كان كايتعملهوم ب دّات ف تقطاع الشجر و نّباتات سوا باش ياكلهوم و لا يصاوب لعشاش ديالو.

لحفريات و لعضوما لّي تلقاو د هومو هابيليس (كتر من 200 فرد) كايرجحو أنو كان عايش ف جّوايه ديال شّقة لكبيرة د ريفت لّي غادا من إتيوبيا ل جنوب إفريقيا.

لفورمة و تّاقيدة ديالو

راسو كان كبير و وجهو ما كانش خارج ل قدام بزاف (ب لمقارنة مع لگنوس لّي سبقوه بحال لوسطرالوبيتيك)

• لوسع د لجمجمة: بين 500 و 850 سم مكعب
• طّول: من ميترو و 15 سانتيم ل ميترو و نص
• لوزن: بين 30 و 40 كيلو

تقدر تزيد شوف بزاف د صور و معلومات ديال Homo habilis ف ويكيميديا كومنز.