جهة مراكش آسفي
مراكش آسفي (ar)
ⵜⴰⵙⴳⴰ ⵏ ⵎⵕⵕⴰⴽⵛ ⴰⵙⴼⵉ (zgh) | ||||
| ||||
.jpeg)
| ||||
| التقسيم لإداري | ||||
| لبلاد | لمغريب | |||
| لعاصيمة | مراكش | |||
| لأقاليم | ||||
| التأسيس | 2015 | |||
| تسمات على | مراكش و آسفي | |||
| لجغرافيا والسكان | ||||
| لميساحة | 39,167 كم² | |||
| بلاصة لعالية | جبل توبقال (4,167 م) | |||
| لبلاصة طايحة | لمحيط لأطلسي (0 م) | |||
| محادية معا | جهة سوس ماسة جهة درعة تافيلالت جهة بني ملال خنيفرة جهة الدار البيضاء سطات | |||
| شحال دالسكان | 4,520,569 (2014) | |||
| لإدارة | ||||
| والي الجهة | محمد مفكر | |||
| رئيس الجهة | أحمد خشيشن | |||
| معلومات خرى | ||||
| التوقيت | ڭرينيتش + 1 | |||
| اللوغات | ||||
| السيت الرسمي | لموقع الرسمي[1] | |||
| كود إيزو 3166-2 | MA-07 | |||
| خريطة لجيهة | ||||
| ||||
جهة مراكش آسفي (بلأمازيغية: ⵜⴰⵙⴳⴰ ⵏ ⵎⵕⵕⴰⴽⵛ ⴰⵙⴼⵉ، بالفرانساوية: Marrakech-Safi) وحدة من لجيهات ديال لمغريب اللي تصايبو عام 2015، من مورا ما نقصو عدد لجيهات من 16 لـ 12.[2] لجيهة كاينة فلوسط الشمالي ديال البلاد، ولعاصيمة ديالها هي مراكش، و مابين لمدون اللي كاينين فلجيهة: آسفي والصويرة وشيشاوة وقلعة السراغنة وليوسوفية. عدد السكان على حساب لإحصاء اللي تدار فـ2014 وصل فهاد لجيهة لـ4.520.569.[3] لميساحة ديال لجيهة هي 39,167 كم².[4]
هاد لجدوال كايبين لأقاليم ديال لجيهة والسكان ديالها:[3][5]
| لأقاليم أولا لعمالات | شحال دلفاميلات | شحال دالسكان |
|---|---|---|
| إقليم لحوز | 111,627 | 573,128 |
| إقليم شيشاوة | 73,928 | 369,955 |
| إقليم قلعة السراغنة | 97,874 | 537,488 |
| إقليم الصويرة | 95,520 | 450,527 |
| عمالة مراكش | 302,137 | 1,330,468 |
| إقليم الرحامنة | 57,514 | 315,077 |
| إقليم آسفي | 144,490 | 691,983 |
| إقليم اليوسفية | 45,030 | 251,943 |
| جيهة مراكش آسفي | 928,120 | 4,520,569 |
| 1994 | 2004 | 2007 | 2014 | ||
|---|---|---|---|---|---|
| 2,724,204 | 3,102,652 | 3,310,994 | 4,520,569 | ||
| 1994 و2004 و2014: إحصاء رسمي ديال الدولة، 2007: تقديرات. | |||||
جهة مراكش محاديها من الشمال جيهة كازا سطات ومن لجانوب جيهة سوس ماسة ومن الشمال الشرقي جيهة بني ملال خنيفرة ومن لجانوب الشرقي جيهة درعة تافيلالت. هاد لجيهة فيها بزاف ديال لخصائص لجغرافية بحال أنه دايز منها جبال لأطلس لكبير وراس جبل توبقال ؤويدان بحال واد نفيس، زيادة على شلّة سهول وتلال. لميساحة ديال لجيهة واصلة لـ39,167 كم². هاد لجدوال كيعطي لمعلومات على لحرارة والشتا فمدينة مراكش اللي هي لعاصيمة ديال لجيهة.
| لموناخ ديال مراكش (مطار مراكش الدولي) | |||||||||||||
|---|---|---|---|---|---|---|---|---|---|---|---|---|---|
| الشهر | يناير | فبراير | مارس | أبريل | ماي | يونيو | يوليوز | غشت | شتنبر | أكتوبر | نونبر | دجنبر | |
| أكبر درجة دلحارارة تسجلات بـ C° | 30.1 | 34.3 | 37 | 39.6 | 44.4 | 46.9 | 49.6 | 48.6 | 44.8 | 38.7 | 35.2 | 30 | |
| معدّال لحرارة لعليا بـ C° | 18.4 | 19.9 | 22.3 | 23.7 | 27.5 | 31.3 | 36.8 | 36.5 | 32.5 | 27.5 | 22.2 | 18.7 | |
| معدّال لحرارة بـC° | 12.2 | 13.8 | 15.8 | 17.3 | 20.6 | 23.8 | 28.3 | 28.3 | 25.3 | 21.1 | 16.3 | 12.6 | |
| معدّال لحرارة السفلانية بـC° | 5.9 | 7.6 | 9.4 | 11 | 13.8 | 16.3 | 19.9 | 20.1 | 18.2 | 14.7 | 10.4 | 6.5 | |
| أدنى درجة دلحارارة تسجلات بـC° | −2.3 | −3 | 0.4 | 2.8 | 6.8 | 9 | 10.4 | 6 | 10 | 1.1 | 0 | −1.6 | |
| معدّال الشتا فالشهر بلميليميتر | 32.2 | 37.9 | 37.8 | 38.8 | 23.7 | 4.5 | 1.2 | 3.4 | 5.9 | 23.9 | 40.6 | 31.4 | |
| معدل الروطوبة % | 65 | 66 | 61 | 60 | 58 | 55 | 47 | 47 | 52 | 59 | 62 | 65 | |
مطار مراكش الدولي (مطار مراكش لمنارة) هو مطار كاين فمدينة مراكش وكايسيرڤي لجيهة ديال مراكش آسفي. كيبعد لمطار على الصونطرڤيل ديال مراكش بـ9 دلكيلوميتر وكيتعتابر تاني أكبر مطار فلمغريب من ناحية عدد لمسافرين، ومنو كايمشيو بزاف ديال الرحلات فالداخل وحتى فلخارج. تفتاتح لمطار فعهد ليستيعمار وتجدد بزاف دلمرات وكايقدر يهز 9 دلملاين دلمسافرين.
كاين مطار آخور فجيهة مراكش آسفي واللي هو لمطار ديال الصويرة الدولي (مطار الصويرة موݣادور) وكيبعد لمطار على الصونطرڤيل ديال الصويرة بـ16 كيلوميتر. كيتعتابر عاشر أكبر مطار فلمغريب من ناحية عدد لمسافرين، وكايقدر يهز 300.000 مسافر.
فلمجال ديال الطرقان كاينين جوج أوطوروطات اللي دايزين فلجيهة ديال مراكش آسفي واللي هوما لوطوروت ديال الرباط - آسفي و لوطوروت ديال الدار البيضا - أݣادير. الطرقان لوطنية اللي دايزين فلجيهة هوما الطريق لوطنية 1 و الطريق لوطنية 7 و الطريق لوطنية 8 و الطريق لوطنية 9 و الطريق لوطنية 11.
واخا لمواريد ديال لما قليلة بالنسبة للسقي مقارنة مع لارض ديال لبور، جهة مراكش آسفي عطات 72 مليون نهار ديال لخدمة فلعام. لميساحة ديال الزراعة فلجيهة واصلة لـ 2 دلمليون دلهكتار، ولمساحة اللي كاتسقى من هاد لارض واصلة لـ351 ألف هكتار.[6] وصل لينتاج ديال الزيتون للعام فلجيهة لـ300 ألف طن[7]، وكاينين غراس فلاحية خرى بحال لمشماش ولبطيخ اللي كاتشد لميساحة ديالهوم 1.800 هكتار والزيت ولعسل ولخضرة والديسير ولغلة واللحم.[8]
جيهة مراكش آسفي معروفة بالصيناعة التقليدية اللي فيها، واللي كاتعطي واحد لقيمة زايدة ليقتيصاد دلجيهة. لجيهة عطات 11.4% من لقيمة ديال لبلاد فهاد لمجال فعام 2015، وخدّمات فهاد لقطاع 8.9% من الشغيلة ديال لبلاد (حرايفية وصناع تقليديين). هاد الصناعة فيها الدباغة ديال الجلود ولحديد لمطروݣ ولخزف. لجيهة جاتها 10 دلمليار ديال الدرهم من ليستيثمارات فلبلاد.[9] كاينين بزاف ديال لمناطق الصيناعية فجيهة مراكش آسفي فمدون مراكش، آسفي، الصويرة وقلعة السراغنة. مدينة آسفي فيها بزاف ديال لمصانع ديال تعليب السرديل، ومقاليع ديال لحجر، لكاياس والرملة.[10]
قطاع لخدمات فجهة مراكش آسفي كايعطي 65.3% ديال لقيمة الزايدة فلجيهة و12.6% فلبلاد. هادشي عندو علاقة بجيهة مراكش حيتاش كاتهز لجيهة من ناحية السياحة. كاينة مساهمة ديال مدينة الصويرة بنفس لحاجة، غير أوكان لمساهمة ديالها متعلقة لخدمات اللي ماشي تيجارية أولا اللي هي تيجارية ولاكين خارج لمجال ديال السياحة.[11]
- ^ regionmarrakechsafi.com
- ^ "le maroc compte desormais 12 regions (بلفرانساوية)". مأرشيڤي من لأصل ف 5 يونيو 2015.
- ^ a b "لجريدة الرسمية عدد 6354 بتاريخ 23 شهر 4، 2015 - الصفحة 3" (PDF). مأرشيڤي من لأصل (PDF) ف 2021-09-25. تطّالع عليه ب تاريخ 2020-09-29.
- ^ "قائمة جهات لمغريب ولعواصيم ديالها ولميساحات ديالها - موقع sport-histoire.fr". مأرشيڤي من لأصل ف 2023-06-08. تطّالع عليه ب تاريخ 2020-10-07.
- ^ "النشرة الإحصائية السنوية لجهة مراكش آسفي 2015 - الصفحات 14-15-16-17-18". مأرشيڤي من لأصل ف 2021-10-25. تطّالع عليه ب تاريخ 2020-09-30.
- ^ "مؤرشفة بتاريخ 30.09.2020: الفلاحة، قاطرة التشغيل بجهة مراكش أسفي "يوميات مساهمة جهة مراكش أسفي في المعرض الدولي للفلاحة بمكناس" - صباح مراكش، 18.04.2020". مأرشيڤي من لأصل ف 30 شتنبر 2020.
- ^ "مؤرشفة بتاريخ 30.09.2020: إنتاج أزيد من 300 ألف طن سنويا من الزيتون بجهة مراكش-آسفي - المحيط الفلاحي - 26.01.2017". مأرشيڤي من لأصل ف 30 شتنبر 2020.
- ^ "الفلاحة بجهة مراكش آسفي مؤهلات طبيعية ومنتجات متنوعة في قلب سيام 2019 - أنوار بريس - 20.04.2019". مأرشيڤي من لأصل ف 2022-12-01. تطّالع عليه ب تاريخ 2020-09-30.
- ^ "مراكش-آسفي ثالث جهة بالمغرب في مجال المساهمة في خلق الثروة - وكالة المغرب العربي للأنباء - 20.12.2019". مأرشيڤي من لأصل ف 2022-12-03. تطّالع عليه ب تاريخ 2020-09-30.
- ^ "رهان تطوير الصناعة بآسفي في ظل الجهوية الجديدة - مغرس - 28.03.2016". مأرشيڤي من لأصل ف 2021-10-21. تطّالع عليه ب تاريخ 2020-09-30.
- ^ "مراكش-آسفي ثالث جهة بالمغرب في مجال المساهمة في خلق الثروة - ماپ مراكش - 20.12.2019". مأرشيڤي من لأصل ف 2022-12-05. تطّالع عليه ب تاريخ 2020-09-30.
|
تقدر تزيد شوف بزاف د تّصاور و لمعلومات ديال Provinces of Marrakech-Safi ف ويكيميديا كومنز. |
