أمزميز

أمزميز
‫أمزميز‬ (ar) ⴰⵎⵥⵎⵉⵥ (tzm)
لبلاصة
لبلاد	لمغريب
لإقليم	إقليم لحوز
السكان
شحال دالسكان	11,919 (1994)
شحال دلفاميلات	3,506 (2014)
لجغرافيا
لعلو	1,004 م
معلومات خرين
الرمز لجغرافي	6546607

أمزميز مدينة مغريبية و جماعة ترابية حضرية كاينة ف إقليم الحوز، جهة مراكش آسفي، ساكنين فيها 14299 واحد، على حسب لإحصاء لعام 2014.

صورة لمنطقة أمزميز من الفوق

كتميز امزميز بـطبيعتها لـخضرة. و تابعة إدارياً لـعمالة إقليم الحوز وجبالها لـعالية لـي كتمتد من سلسلة جبال لأطلس لكبير، ولـي كتعطي لهاد لـمدينة الـصغيرة واحد لجمال من لـقديم. ​وكتعتبر هاد لـمدينة من أقدم لـمدن لـمغربية حيت عرفت للقرار ديال مجموعة من لـقبائل ولـأجناس لـمختلفة من مسيحيين ويهود سكنو فيها ومارسو مجموعة من لـحرف ولـمهن لـي جابوها لـلـمنطقة. عانات لـمنطقة وما زال كتعاني من لـفقر والـتهميش وانعدام لـبنية الـتحتية فيها.

تعليم

• نسبة لأمية (نّاس لّي ما كايعرفوش يقراو ولا يكتبو): 29,2%
• نسبة سّكان لّي قاريين فوق الليسي (ليسي و جامعة): 15,2%

تقسيم إداري

كتكون الـدائرة ديال أمزميز من مجموعة ديال لـجماعات لـقروية منها:

محطة طاكسيات امزميز

أمزميز

سيدي بدهاج

تزكين،

أمغراس

أزكور

،وزكيتة

أنكال

دار لـجامع

فـلـإطار ديال لـأنشطة لـي كتنظمها جماعة أمزميز، كاين لـمهرجان الـسنوي لـي كيتدار فـشهر يوليوز من كل عام، بـداية من لـمهرجان لـأول لـي تنظم فـعام 2003-2004 ولـمهرجان لـتاني فـ 2004-2005

لـمناخ

كتتميز منطقة أمزميز بـطبيعة خلابة حيت جات لـمنطقة ورا سلسلة ديالا الـجبال لـي كتمتاز بـغطاء نباتي متميز ولـوجود ديال لودان ولعيون، ثروة مائية غنية ما كيتم لـإستغلال منها غير لـقليل، وكتلبس لـجبال لـكسوة ديالها لـبيضا فـفصل الـشتا فاش كيكون الـتلج غطى كولشي.

عرفات لـمنطقة تـتابع ديال سنوات لـجفاف لـي عندها واحد لأثر ناقص على لـإقتصاد ديال لـمنطقة، وهادشي ساهم فـلـخسائر ديال لـفلاحة فـالـسنوات لـلخرة بـسباب لـإعتماد على الـشتا.

لإقتصاد

​ منطقة أمزميز معروفة بـالـنشاط لـفلاحي حيت كتميز بـغطاء نباتي متنوع من شجر لـڭرڭاع والـزيتون والـصنوبر. كيعتمدو سكان أمزميز على مهن وحرف متنوعة، فـبـلـإضافة لـلـفلاحة كاين فن لـخزف وشي حرافي تقليدية بحال الـزرابي ولـماكن ولـأدوات الـتقليدية، وتربية الـنحل حيت كاينة فـلـمنطقة جمعيات ديال لـمجتمع لـمدني مهتمة بـهاد لـمجال. بـلـإضافة لـلـموظفين لـعموميين فـمختلف لـقطاعات لـحكومية.

• نسبة نّاس نّشيطين (لّي يقدرو يخدمو): 45,4%
• نسبة شوماج (نّاس لّي ما خدامينش و تايقلبو على خدمة): 14,4%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 15,4%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو): 49%

لـخدمات

كاينين مجموعة من لـمصالح لـإدارية من لـمقر ديال الـدائرة ولـقيادة و لـجماعة لـقروية ومركز ديال الـدرك لـملكي و صبيتار ودار لـأمومة،

بـلـإضافة لـجوج ثانويات:

ثانوية لـفراهيدي الـتأهيلية

وثانوية ابن ماجة

لـي تدارت وحدة منهم فـلـبدية ديال عام 2002-2003م

بـلـإضافة لـمجموعة من لـمدارس لـإبتدائية:

مدرسة مارية لـقبطية

مدرسة لـأطلس

مدرسة ابن لـونان

​

لـمراجع

أمزميز ف لمشاريع لخوت

---

• صور وملفات صوتية من كومنز

​== مصادر ==

ويكيميديا كومنز عندا تصاور و معلومات على أمزميز.

هادي زريعة ديال مقالة خاصها تّوسع. تقدر تشارك ف لكتبة ديالها.