لعربية
دول لي ملونين بلخضر هي لغة رسمية الوحيدة ف لبلاد، ب زّرق وحدة من لّوغات رّسمية
مثال د لهضرة بلعربية لفصحى (واحد الراجل تيقرا الشعر ديال أبو لعلاء لمعري)
اللغة لعربية هي واحد اللغة أفرو آسياوية من لفرع د اللغات السامية, و تيهضروها تقريبا 467 مليون واحد, إما حيت اللغة لأم ديالهم هي وحدة من لّهجات ديالها, ولا حيت تعلموها من بعد.[1]
كتعتابر اللغة لعربية من لوغات لعالمية و كتشير الروايات لإسلامية بلي اول واحد تكلم لعربية هو نّبي سماعيل. و تطورات لعربية كثر ف لجزيرة لعربية بعدما بان لقرآن.
لعربية كان عندها تأتير كبير على ؤروپية لي ولّات دابا لوغات عالمية بحال نّݣليزية، لفرانساوية، صبليونية و لبرتغالية ؤ إفريقية بحال لأمازيغية ؤ لهاوسا ؤ سواحلية ؤ تجرية ؤ لأمهرية ؤ صومالية، و ف لوغات خرة بحال صقلية، وعاد تاني التركية ؤ لفارسية و لكردية و لأردية و لماليزية و لأندونيسية و لألبانية. لمالطية لي لوغة رسمية د مالطا ؤ وحدة من لوغات ليتيحاد لؤروپي، كاتّعتابر منحادرة من لعربية.
ولعربية عندها فضل كبير فتطوير لعلوم وتكنولوجيا لي حنا عليها دابا، بحكم لعلماء لمسلمين لي ساهموا ف نتشار لعربية بشكل كبير، بسباب لختراعات ديالهم لي تكتبات بلعربية، و لكتوب ديالهم بحال بن رشد و عباس بن فرناس. وساهمت بشكل كبير فمجال الطب و صيونص و لهندسة و لاداب و لفلك حيت بزاف ديال النجوم ب سميات عربية د عولاما د لفلك لمسلمين بحال الشريف لإدريسي لمغريبي.
و لعريية عندها بزاف ديال سّميات بحال "لغة لقرآن" "لغة الضاد".
كاينين بزاف ديال النقوش تكتاشفو مكتوبين ب لعربية قبل الاسلام بقرون كثيرة، ستخدموها لمماليك لعربية قبل لإسلام.
صنفوها لعولاما و لمؤرخين العالميين من أجمل لغات العالم بحكم جمالية قرايتها وكتباتها ؤ خطوطها من بينها الخط المغربي و لخط لأندالوسي لي مستخدم فقصور لأندالوس،
لأصل ديال لعربية هو شبه لجزيرة لعربية. ملي جا لإسلام تما, نتاشرات معاه لعربية حيث كانت هي اللغة ديال لقرآن و لحديث, وتعلموها الناس د بزاف د لبلايص ملًي كانو تيسلمو. دابا لعربية لغة رسمية ف 26 بلاد فلعالم, و هي وحدا من اللغات الرسمية الستة ديال لأمم لمتحدة.
لعربية فيها 28 حرف وتاتًكتب من ليمن لليصر, ومن لفوق للتحت.
ليوم لعالمي ديال اللغة لعربية على حساب لأمم لمتحدة هو نهار 18 دجنبر ديال كل عام.
- ↑ "لغات العالم: الصينية الأكثر انتشارا والعربية رابعة". Archived from the original on 2023-09-03. Retrieved 2020-02-25.
 |
ويكيميديا كومنز عندا تصاور و معلومات على لعربية. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
