رومانيا

	رومانيا
نشيد	نشيد رومانيا الوطني
لعاصيمة	بوكاريست
	الساكينة
شحال دالسكان	19,586,539 (2017)
اللوغات الرسمية	الرومانية
متوسط ديال لعمر	75.0122 (2015)
	لجغرافيا
لميساحة	238,397 كم²
لقمة لعالية	قمة مولدوفينو (2,544 م)
لبلاصة الطايحة	لبحر لكحل (0 م)
	تاريخ
توارخ مهمة	توحيد ولاشيا ؤ مولدوڤا (24 يناير 1859 (يوليوسي)); الحرب الروسية العثمانية (10 ماي 1877 (يوليوسي)); يوم الوحدة (1 دجنبر 1918); الثورة الرومانية في 1989 (22 دجنبر 1989); معاهدة برلين (13 يوليوز 1878)
	لإدارة
نضام الدولة	نظام شبه رئاسي
رئيس رومانيا	كلاوس يوهانيس
رئيس وزراء رومانيا	فلورين سيتو
لبرلمان	البرلمان الروماني
	لقتيصاد
لبيطالة (شوماج)	7 % (2014)
مؤشر التنمية لبشرية	0.793 (2014)
لفلوس	ليو روماني
	معلومات خرا
توقيت ديال لبلاد	ڭرينيتش +2
رمز لبلاد	RO
رمز لانترنيت	‎.ro‎
رمز التيليفون	+40
نيميرويات دليرجونس	112
الجهة دالصوگان	ليمن
السيت الرسمي	guv.ro

رومانيا (بالرومانية :România) هي بلاد جات ف لجنوب الشرقي د ؤروپا. تاتحدّها من الشمال أوكرانيا، من الشمال الشرقي مولدوڤا، من الشرق لبحر لكحل، من لجنوب بلغاريا، و من لغرب صربيا و هنݣاريا.

لبلاصة اللي فيها رومانيا عندها تاريخ طويل و حكموها بزاف د لبلدان. ف 1541 حكمات الدولة لعتمانية لمنطقة، و بقات فيها تال 1699، من مورا حرب طويلة دخلات فيها لأراضي د رومانيا مع لإمباروطرية النمساوية لهنݣارية. ف 1866 تأسسات رسميا دولة سميتها رومانيا، و ستاقلات كاملة من الدولة لعتمانية ف 1877. ف وسط لحرب لعالمية التانية، مشاو لرومانيا شي أراضي لي ولاو طرف من هنݣاريا، و أراضي آخرين خداهم لإتحاد السوڤياتي (و اللي ولاو هوما الدولة د مولدوڤا مبعد). من مورا لحرب ولاّت رومانيا ديكتاتورية شيوعية، و بقات هاكاك تال 1989 فين وقعات تورة و تعدم فيها الرئيس تشاوشيسكو ومراتو.^[1] من ديك الساعة ولاّت رومانيا ديموقراطية كتر و تبعات النضام الليبيرالي.

تيسكنو ف رومانيا تقريبا 19.5 مليون د الناس، و لعاصمة ديالها هي بوخاريست. اللغة الرسمية د لبلاد هي الرومانية، و لفلوس اللي كاتخدّم هي اللّيو. روماتيا داخلة مع بزاف د لمنضمات دولية بحال لأمم لمتحدة، لإتحاد لأوروپي (دخلات فيه ف 2007) و الناطو (دخلات ليه ف 2004). لأغلبية د السكان د لبلاد متبعين الديانة لمسيحية، و بالضبط لأورطودوكية الشرقية.