رومانيا
رومانيا
| ||||
|
România (ro)
| ||||
.svg)
| ||||
| نشيد | نشيد رومانيا الوطني
| |||
| لعاصيمة | بوخاريست | |||
| الساكينة | ||||
| شحال دالسكان | 19,053,815 (2022) | |||
| السمية ديال السكان | روماني، رومانية، رومانيين, رومانيات | |||
| اللوغات الرسمية | الرومانية | |||
| متوسط ديال لعمر | 75.0122 (2015) | |||
| لجغرافيا | ||||
| لميساحة | 238,397 كم² | |||
| لقمة لعالية | قمة مولدوفينو (2,544 م) | |||
| لبلاصة الطايحة | لبحر لكحل (0 م) | |||
| تاريخ | ||||
| توارخ مهمة | توحيد ولاشيا ؤ مولدوڤا (24 يناير 1859 (يولياني)) الحرب الروسية العثمانية (10 ماي 1877 (يولياني)) يوم الوحدة (1 دجنبر 1918) الثورة الرومانية 1989 (22 دجنبر 1989) معاهدة برلين (13 يوليوز 1878) | |||
| لإدارة | ||||
| نضام الدولة | نظام شبه رئاسي | |||
| رئيس رومانيا | كلاوس يوهانيس | |||
| رئيس وزراء رومانيا | Marcel Ciolacu | |||
| لبرلمان | البرلمان الروماني | |||
| لقتيصاد | ||||
| الناتج الداخلي لكامل | 285,404,683,025 $ (2021) | |||
| لبيطالة (شوماج) | 7 % (2014) | |||
| مؤشر التنمية لبشرية | 0.821 (2021) | |||
| لفلوس | ليو روماني | |||
| معلومات خرة | ||||
| توقيت ديال لبلاد | ڭرينيتش +2 | |||
| رمز لبلاد | RO | |||
| رمز لانترنيت | .ro | |||
| رمز التيليفون | +40 | |||
| نماري د ليرجونس | 112 | |||
| جيهة د صوڭان | ليمن | |||
| السيت الرسمي | guv.ro | |||
رومانيا (بالرومانية: România) رسمِياً جمهوريَّة رومانيا هي بلاد جات ف لجنوب الشرقي د ؤروپا. تاتحدّها من الشمال أوكرانيا، من الشمال الشرقي مولدوڤا، من الشرق لبحر لكحل، من لجنوب بلغاريا، و من لغرب صربيا و هنݣاريا.
لبلاصة اللي فيها رومانيا عندها تاريخ طويل و حكموها بزاف د لبلدان. ف 1541 حكمات الدولة لعتمانية لمنطقة، و بقات فيها تال 1699، من مورا حرب طويلة دخلات فيها لأراضي د رومانيا مع لإمبراطورية النمساوية لهنݣارية. ف 1866 تأسسات رسميا دولة سميتها رومانيا، و ستاقلات كاملة من الدولة لعتمانية ف 1877. ف وسط لحرب لعالمية التانية، مشاو ل رومانيا شي أراضي لي ولاو طرف من هنݣاريا، و أراضي آخرين خداهم لإتحاد السوڤياتي (و اللي ولاو هوما الدولة د مولدوڤا مبعد). من مورا لحرب ولات رومانيا ديكتاتورية شيوعية، و بقات هاكاك تال 1989 فين وقعات تورة و تعدم فيها الرئيس تشاوشيسكو و مراتو.[1] من ديك الساعة ولات رومانيا ديموقراطية كتر و تبعات النضام الليبيرالي.
تيسكنو ف رومانيا تقريبا 19.5 مليون د الناس، و لعاصمة ديالها هي بوخاريست. اللغة الرسمية د لبلاد هي الرومانية، و لفلوس اللي كاتخدّم هي اللّيوْ. رومانيا داخلة مع بزاف د لمنضمات دولية بحال لأمم لمتحدة، لإتحاد لأوروپي (دخلات ليه ف 2007) و الناطو (دخلات ليه ف 2004). لأغلبية د السكان د لبلاد متبعين الديانة لمسيحية، و بالضبط لأورطودوكسية الشرقية.
سّمية د رومانيا تشتقات من كلمة "رومن" (ب الرومانية: român) و اللي كتعني الرُومان و اللي ب داتها مشتقة من لكلمة اللاتينية "رُومانُوس" (ب اللاتينية: romanus)، و معناها "مواطن من روما".[2]
-
لإمبراطورية الرومانية سنة 117م
أقدم بقايا بشرية ف أوروپا لقاوها فواحة لكهف مع عظام فرومانيا لعصرية. و كاترجع ل كتر من 42.000 عام و كتبقى أقدم أتار بشرية من قارة أوروپا، و يمكن يكون أول شعب دخل لأوروپا. لبقايا كاتّعتابر متيرة للهتيمام حيتاش فيها خليط من لأثار.[3]
ف لعصور لوسطانية عاشو الرومانيين فتلاتة د لمناطق: ڤالاكيا، مولداڤيا و طرانسيلڤانيا. من لقرن حضاش رجع جزء كبير من طرانسيلڤانيا تحت لحكم الداتي تابع ل مملكة هنݣاريا، و رجعات مستاقلة بسمية إمارة طرانسيلڤانيا ف لقرن سطاش حتى 1711. ف ڤالاكيا و مولداڤيا بانو بزاف ديال لإمارات ف لقرن ربعطاش تابعة لهم باش يكافحو التهديديات لعتمانية. ف 1541 ݣاع لجزيرة لبلقانية و جزء كبير من هنݣاريا رجع تحت السيطرة لعتمانية. ڤالاكيا، مولداڤيا و طرانسيلڤانيا رجعو تابعين للعتمانيين حتى هما. و بقاو بحال ولايات عتمانية حتى نص لقرن تسعطاش (طرانسيلڤانيا حتال 1699). ف لّخر ديال لقرن سبعطاش، هنݣاريا و إمارة طرانسيلڤانيا رجعو جزء من لإمبراطورية النمساوية لهنݣارية. و ف 1718 ؤلتينيا اللي هي جزء مهم من لأراضي الرومانية تزادت حتى هي ل لإمبراطورية النمساوية لهنݣارية.
رومانيا لعصرية تنشئات باتحاد إمارة مولدوڤا و إمارة والاشيا عام 1859، و ففترة انتخابات لحاكم موحد لهاد زوج الإمارات، تجبر ل أليكسندرو أيوان كوزا على مغادرة الأراضي الرومانية. و ف 1881 تّوج كارول اللول ك ملك د رومانيا، و ف عام 1913 دخلات رومانيا ف لحرب لعالمية اللولة مع دول الحلفاء عكس جارتها المجر، منين تسالات الحرب تاحدات ترانسيلڤانيا مع رومانيا ف 1 دجنبر 1918.
-
رومانيا ف 1924 -
تطور الحدود الرومانية من 1859
ف 30 دجنبر 1947 تعلنات الجمهورية الشعبية الرومانية. رجع نيكولاي تشاوشيسكو رئيس الحزب الشيوعي الروماني عام 1965 و رئيس للدولة عام 1967. عانى الشعب فيها فترة من الجوع و الفقر حيتاش كان خاسهم يشدو الصف لسوايع باش ياخدو الخبز و الفرماج و غيرهم. واخا هاكا، كانت رومانيا قوية اقتصاديا فالصناعة و الزراعة.
-
علم رومانيا الشيوعي
.svg)
ستامرات الفترة الشيوعية من 1964 حتى عام 1989 تحت قيادة الديكتاتور نيكولاي تشاوتشيسكو، و ف هاد العام ناضت الثورة الرومانية اللي كملات بقتل الديكتاتور نيكولاي تشاوتشيسكو و مراتو إلينا تشاوتشيسكو ب لقرطاس، تبث الإعدام ديالو ف التلفازة الرومانية و العالمية.[4]
-
الديكتاتور تشاوتشيسكو -
مرات تشاوتشيسكو
مورا الثورة اللي طيحات بالديكتاتور تشاوتشيسكو رجعات رومانيا دولة ديموقراطية و بدات تقرب كتر ل لمعسكر الغربي، حيت حتى عسكريا دخلات ل حلف الناطو ف 2004 اللي كيجعلها تحت حماية ݣاع الأفراد ديال الحلف بحال ميريكان.
-
دول حلف الناتو
.svg){kind=small}
دفعات رومانيا باش تدخل للاتحاد الأوروپي ف1995، و دخلات نيشان هي و بلغاريا نهار فاتح يناير 2007م[5]، مورا ما نفدات متطلبات الاوروپية بحال محاربة الفساد اللي كان متمثل بالرشوة داخل المؤسسات الحكومية و زيد لها بزاف ديال الإصلاحات الاقتصادية لي دارتها.
-
تطور الاتحاد الأورپي
مصاص الدم "دراكولا" هي شخصية كيرجع أصلها ل رومانيا، و كان سميتو ڤلاد لخوازقي (بالرومانية:Vlad Țepeș)، سماوه ب "لخوازقي" حيتاش كان كيستعمل الخازوق فتعديب و قتل لعديان و الأسرى ديالو.
-
دراكولا ولا ڤلاد لخوازقي
اللغة الرومانية هي خامس أكبر اللوغات اللاتينية من حيت عدد لهاضرين بيها. كيهضرو بيها ك لغة أم 24 مليون شخص، و هي لُغة رَسمِيّة فجُمهُورِيّة رُومَانِيا وجُمهُورِيّة مُولدُوڤا. يمكن لك تلقى بزاف اللي كيتكلمو الرومانية ف صربيا و الجبل الكحل (مونتينيݣرو)، الطاليان، سپانيا، ميريكان، كانادا، فرانسا، ألمانيا، روسيا، ؤكرانيا، هنݣاريا، و البلقان. و اللغة الرومانية عندها مكانة رسمية فجمهورية رومانيا و جمهورية مولدوڤا، و حتى دولة ترانسنيستريا اللي ماشي معتارف بيها و إقليم ڤويڤودينا ف جمهورية صربيا و اللي كاتمتع ب حُكمٍ داتِيّ. و الرومانية وحدة من اللغات الرّسمِيّة ديال لإتّحاد الأوروبّي و لإتّحاد اللّاتِينِيّ.
دخلات بعض الكلمات العربية ل اللغة الرومانية إما على طريق:
- لغات غربية بحال الفرنساوية و الطاليانية و اللي كانو فالأغلب مصطلحات علمية، مثال: algebră (الجّبر)، alcool (الكحول)، elixir (الإكسير).[6]
- ولا على طريق لغات بلقانية و التركية بحال: chef (كَيف، مزاج، و تقدر تعني حفلة)، habar (خبر، علمٌ بالشي)، hambar (عنبر، مستودع)، hal (حال، حالة صحية)، mușteriu (مشتري، كليان)، dugheană (دكّان)، mahala (محلّة، ضاحية)، fitil (فتيل)، băcan (بقّال)، hain (خائن، شرّير، نيتو خايبة...)[7]
_(cropped).jpg)
|
تقدر تزيد شوف بزاف د تّصاور و لمعلومات ديال Romania ف ويكيميديا كومنز. |
- ^ "في ذكرى تشاوشيسكو... 30 عاماً على إعدام الرئيس الروماني - العربي الجديد (2019)". مأرشيڤي من لأصل ف 2023-04-19. تطّالع عليه ب تاريخ 2021-03-18.
- ^ رومانيا (ب لعربية). 2022-08-15.
- ^ Zilhão، João (2006-10-24). "Neandertals and moderns mixed, and it matters". Evolutionary Anthropology: Issues, News, and Reviews (ب نڭليزية). 15 (5): 183–195. doi:10.1002/evan.20110. مأرشيڤي من لأصل ف 2023-05-21. تطّالع عليه ب تاريخ 2022-09-04.
- ^ "The Romanian Revolution". ENRS (ب نڭليزية). مأرشيڤي من لأصل ف 2023-05-29. تطّالع عليه ب تاريخ 2022-09-04.
- ^ "Romania". european-union.europa.eu (ب نڭليزية). مأرشيڤي من لأصل ف 2023-06-01. تطّالع عليه ب تاريخ 2022-09-04.
- ^ Dachez، R. (2006-06). "Livres médicaux ou paramédicaux. Histoire de la médecinede l′Antiquité au XX e siècle". Médecine Palliative : Soins de Support - Accompagnement - Éthique. 5 (3): 170. doi:10.1016/s1636-6522(06)74242-8. ISSN 1636-6522. Check date values in:
|date=(معاونة) - ^ Chirobocea-Tudor، Olivia Chirobocea-Tudor (2020). "Dictionar englez-roman de termeni viticoli si vinicoli". doi:10.5682/9786062810634. Cite journal requires
|journal=(معاونة)