انتقل إلى المحتوى

عباس بن فرناس

من ويكيپيديا
عباس بن فرناس
معلومات عامة
زيادة 810
رندة
لموت 887 (76/77 عام)
قرطبة
لحرفة مخترع، طبيب، شيميست، فنان موسيقي، شاعير و فلكي
لّوغات لي كيعرف عربية
معلومات خرى
دين إسلام


أبو لقاسم عباس بن فرناس بن ورداس التاكرني، لمعروف ب عباس بن فرناس (مزيود ف جوايه 809 ؤلا 810، توفى ف 887) هوّ عالم موسوعي و موهنديس أندلوسي.[1][2][3] عندو إسهامات ف بزاف د لمجالات بحال لفلك، لهندسة (لانجينيوري)، الطب، الشيمي، و تا لمزيكة و الشيعر ب لعربية.[3] كيڭولو الروايات بلي دار تجارب ديال الطيران.[1][4][5][6]

بن فرناس صاوب آلة لي كاتبيّن لحاراكة ديال النجوم و لكواكب. ختارع تا طريقة د لمصاوبة ديال الجاج بلا لون، زيادة على عدسات ديال التكبار على ود لقراية لي كانو كيتسماو لحجرات د لقراية، و لي كانو مخدّمين قبل مايتّختارعو النضاضر.[5][6]

لأصل ديالو

[بدل | بدل لكود]

عباس بن فرناس تّولد ف رونضة، و كبر د قرطبة.[7] جدودو كانو شاركو ف الجيش لإسلامي لي دخل ل إيبيريا.[8] لمعلومات لبيوڭرافية عليه قليلة، ولاكين أغلب الروايات متافقين بلي كان كيتّعتابر مولى من عند لأمويين، و بلي لأصل ديالو كان أمازيغي من شمال إفريقيا.[9][10][11] التوارخي لمصري صلاح الدين الصفدي ڭال بلي عباس بن فرناس كان تحديداً من أصل مغريبي.[12]

لأعمال ديالو

[بدل | بدل لكود]

عباس بن فرناس معروف ب مجموعة د لإكتشافات و لإختراعات بحال:

  • لحجرات د لقراية: حجرات د الجاج كيكبّرو لكتابة و كيعاونو ف لقراية، لي نتاشر لإستعمال ديالهوم قبل مايبانو النضاضر ف لقرن 13.
  • آلة لي كاتسيميلي لحاراكة د النجوم و لكواكب.
  • پروصي ديال تقطاع لكوارتز لي خلا لأندالوس ماتبقاش محتاجة تصيفطو تال مصر باش يتم التقطيع ديالو.[5][6]
  • عرّف لأندالوسيين ب لكتاب لهندي ديال لفلك السندهند لي كان عندو تأتير كبير ف ؤروپا.[1][13]
  • دار الديزاين ديال ساعة د لما تسمات "الميقاتة".[14]
  • دار پروطوتيپ ديال ميطرونوم (جهاز كيضبط لإيقاع د الصوت).[15][16]

محاولات د الطيران

[بدل | بدل لكود]

التوارخي أحمد لمقري التلمساني كتب على بن فرناس، 7 قرون بعد لموت ديالو،[17] بلي "غطا راسو ب الريش، و ركّب جوج جناوح، و نقز من بلاصة عالية باش يجرب يطير بحال الطيور". التجربة على حساب لمقري فشلات و تّضرب ف ضهرو حيت بن فرناس نسى بلي يركّب زنطيط. لمقري ڭال بلي عتامد ف لكتابات ديالو على "بزاف د لمصادر لقدام لي مابقاوش متوفرين"، ولاكين هاد الرواية ب التحديد ماعطا عليها تا شي مصدر، من غير مقطع ف قصيدة ديال شاعر أندالوسي سميتو مؤمن بن سعد. ماكاين تا شي مصدر أخور كيتبت بلي عباس بن فرناس دار هاد التجربة كيما وصفها لمقري.[17][18]

تأتير ديالو

[بدل | بدل لكود]

ف 1973، تدار تمتال ل عباس بن فرناس من تصميم النحات لعراقي بدري السمرائي ف لمطار الدولي ديال بغداد.[19] ف 1976، لإتحاد لعالمي د لفلك قرر باش يسمي حفرة ف لقامار على بن فرناس.[20] ف 2011، واحد لقنطرة على واد لوادي لكبير (ب السپنيولية Guadalquivir) تسمات على عباس بن فرناس.[21] و كاينة تا شركة "فرناس للطيران" Firnas Airways لبريطانية لي مسمية عليه.[22]

عيون لكلام

[بدل | بدل لكود]
  1. ^ a b c Lévi-Provençal، E. (1986). "ʿAbbās b. Firnās". ف Bearman، P.؛ Bianquis، Th.؛ Bosworth، C.E.؛ van Donzel، E.؛ Heinrichs، W.P. (إيديتورات). Encyclopaedia of Islam. I (طبعة 2nd). Brill publishers. ص. 11.
  2. ^ "Ibn Firnas ('Abbâs)" by Ahmed Djebbar, Dictionnaire culturel des science, by Collective under the direction of Nicolas Witkowski, Du Regard Editions, 2003, ردمك 2-84105-128-5.
  3. ^ a b Lynn Townsend White, Jr. (Spring, 1961). "Eilmer of Malmesbury, an Eleventh Century Aviator: A Case Study of Technological Innovation, Its Context and Tradition", Technology and Culture 2 (2), p. 97-111 [100]:

    "Ibn Firnas was a polymath: a physician, a rather bad poet, the first to make glass from stones (quartz), a student of music, and inventor of some sort of metronome."

  4. ^ How Invention Begins: Echoes of Old Voices in the Rise of New Machines By John H. Lienhard
  5. ^ a b c John H. Lienhard (2004). "'Abbas Ibn Firnas". The Engines of Our Ingenuity. حلقة 1910. NPR. KUHF-FM Houston. Transcript.
  6. ^ a b c Lynn Townsend White, Jr. (Spring, 1961). "Eilmer of Malmesbury, an Eleventh Century Aviator: A Case Study of Technological Innovation, Its Context and Tradition", Technology and Culture 2 (2), p. 97-111 [100f.]
  7. ^ Lévi-Provençal، Evariste (1999). Histoire de l'Espagne musulmane (ب لفرانساوية). Maisonneuve et Larose. ردمك 978-2-7068-1386-3.
  8. ^ Nicolas Witkowski (dir.) et al., , Paris, Editions du Regard ; Éditions du Seuil, 2001, 441 p.
  9. ^ Elías Terés (2019). "ABBAS IBN FIRNAS". The Formation of al-Andalus, Part 2 Language, Religion, Culture and the Sciences. Routledge. pp. 234–244. ردمك 978-1-351-88958-2.
  10. ^ Lévi-Provençal، E. (24 Apr 2012). "ʿAbbās b. Firnās". Brill. تطّالع عليه ب تاريخ 5 Aug 2023.
  11. ^ Samsó، Julio (5 Aug 2023). "ʿAbbās ibn Firnās". Oxford Reference. تطّالع عليه ب تاريخ 5 Aug 2023.
  12. ^ صلاح الدين خليل بن أيبك بن عبد الله الصفدي (2000). كتاب الوافي بالوفيات. shamela.ws. 16. بيروت: دار إحياء التراث. ص. 381. مأرشيڤي من لأصل ف 2023-02-05. تطّالع عليه ب تاريخ 2023-02-05.
  13. ^ Vernet، Juan (1981) [1970]. "Abbas Ibn Firnas". ف Gillespie، C.C. (إيديتور). Dictionary of Scientific Biography. 1. New York: Charles Scribner's Sons. ص. 5.
  14. ^ Marshall Cavendish Reference. Illustrated Dictionary of the Muslim World. Marshall Cavendish, 2010 ردمك 9780761479291 خطأ پاراميتر في {{ردمك}}: ردمك ما دايزش. p.106.
  15. ^ Roth، Norman (2017). Routledge Revivals: Medieval Jewish Civilization (2003): An Encyclopedia (ب نڭليزية). Taylor & Francis. ص. 465. ردمك 978-1-351-67698-4.
  16. ^ Tsuji، Kinko؛ Müller، Stefan C. (2021). Physics and Music: Essential Connections and Illuminating Excursions (ب نڭليزية). Springer Nature. pp. 40 (see footnote). ردمك 978-3-030-68676-5.
  17. ^ a b Lynn Townsend White, Jr. (Spring, 1961). "Eilmer of Malmesbury, an Eleventh Century Aviator: A Case Study of Technological Innovation, Its Context and Tradition", Technology and Culture 2 (2), p. 97-111 [101]
  18. ^ Lynn Townsend White, Jr. (Spring, 1961). "Eilmer of Malmesbury, an Eleventh Century Aviator: A Case Study of Technological Innovation, Its Context and Tradition", Technology and Culture 2 (2), p. 97-111 [101]:

    The Moroccan historian al-Maqqari, who died in 1632 A.D. but who used many early sources no longer extant, tells of a certain Abu'l Qasim 'Abbas b. Firnas who lived in Cordoba in the later ninth century. […] No modern historian can be satisfied with a source written 750 years after the event, and it is astonishing that, if indeed several eye-witnesses recorded Firnas's flight, no mention of it independent of al-Maqqari has survived. Yet al-Maqqari cites a contemporary poem by Mu'min b. Said, a minor court poet of Cordoba under Muhammad I (d. 886 A.D.), which appears to refer to this flight and which has the greater evidential value because Mu'min did not like b. Firnas: he criticized one of his metaphors and disapproved his artificial thunder. […] Although the evidence is slender, we must conclude that b. Firnas was the first man to fly successfully, and that he has priority over Eilmer for this honor. But it is not necessary to assume that Eilmer needed foreign stimulus to build his wings. Anglo-Saxon England in his time provided an atmosphere conducive to originality, perhaps particularly in technology.
  19. ^ "Curious Questions: Did an Englishman called John Stringfellow really invent powered flight half a century before the Wright Brothers?". Country Life. 15 ماي 2021. تطّالع عليه ب تاريخ 24 أكتوبر 2021.
  20. ^ "Planetary Names: Crater, craters: Ibn Firnas on Moon". Gazetteer of Planetary Nomenclature International Astronomical Union (IAU) Working Group for Planetary System Nomenclature (WGPSN). 18 أكتوبر 2010. تطّالع عليه ب تاريخ 24 أكتوبر 2021.
  21. ^ "Abbas Ibn Firnás Bridge". Structurae. 14 يناير 2011. تطّالع عليه ب تاريخ 24 أكتوبر 2021.
  22. ^ Harding، Nick (14 يونيو 2018). "Firnas Airways: How not to start an airline". UK Aviation News. تطّالع عليه ب تاريخ 10 فبراير 2021.
مرجّعة من "https://ary.wikipedia.org/w/index.php?title=عباس_بن_فرناس&oldid=353161"