تركيا

مقالة ناقصينها عيون لكلام:

لمعلومات لّي ف هاد لمقالة ناقصين ف توتيق، خاصّ يتزادو فيها عيون لكلام باش تكون موتوقة

تركيا
Türkiye Cumhuriyeti (tr) Türkiye (tr)
نشيد	نشيد الاستقلال
لعاصيمة	أنقارا
الساكينة
شحال دالسكان	83,614,362 (2020)
اللوغات الرسمية	تركية
متوسط ديال لعمر	75.755 (2016)
لجغرافيا
لميساحة	783,562 كم²
لقمة لعالية	جبل أرارات (5,137 م)
لبلاصة الطايحة	لبحر لكحل (0 م)
لإدارة
نضام الدولة	جمهورية، دولة مركزية و نضام رئاسي
رئيس تركيا	رجب طيب أردوغان
رئيس تركيا	رجب طيب أردوغان
لبرلمان	البرلمان التركي
لقتيصاد
لبيطالة (شوماج)	9 % (2014)
مؤشر التنمية لبشرية	0.82 (2019)
لفلوس	ليرة تركية
معلومات خرا
توقيت ديال لبلاد	ڭرينيتش + 3
رمز لبلاد	TR
رمز لانترنيت	‎.tr‎
رمز التيليفون	+90
نماري د ليرجونس	112، 110، 155 و الدرك الملكي
جيهة د صوڭان	ليمن
السيت الرسمي	turkiye.gov.tr

لجمهورية د تركيا (ب تركية Türkiye Cumhuriyeti) هي واحد لبلاد جات ما بين لغرب د آسيا والشرق د أوروپا. هاد الطراف بجوج مفروقين بيناتهم بلبحر د مرمرة و لمضايق د لبوصفور والداردانيل. لعاصمة التاريخية د تركيا وأكبر مدينة فيها هي إسطنبول. ولكن لعاصمة د لبلاد دابا هي أنقرة. تركيا تاتحدها من الشمال ليونان وبلغاريا ولبحر لكحل، من الشرق جورجيا وأرمينيا وإيران، من لجنوب سوريا ولعراق ولبحر لبيض لمتوسط، ومن لغرب لبحر د إيجي.

دازو بزاف د لحضارات على لبلاصة اللي فيها تركيا دابا، بحال لأناضول ولآشوريين وليونانيين ولبيزنطيين والسلاجقة ولعثمانيين. لإمبارطورية لعثمانية اللي كانت لعاصمة ديالها هي إسطنبول، كانت فواحد لوقت هي أكبر إمبراطورية فلعالم وكانت عندها أراضي فإفريقيا وأوروپا وآسيا. ف 1923، طاحت لإمبراطورية لعثمانية وتأسسات لجمهورية د تركيا، اللي قادها مصطفى كمال أتاتورك. هاد لجمهورية هي لأصل د تركيا د دابا ووقعات فيها تبديلات بزاف مقارنة مع لوقت لعثماني، بحال أن تركيا دابا دولة علمانية وتيكتبو التركية بلحرف اللاتيني.

لفلوس اللي كيتخدًمو فتركيا هوما الليرة التركية واللغة الرسمية هي التركية. تقريبا 70 تال 80% د لمواطنين د تركيا تيعًرفو راسهم باللي هوما أتراك، ومابين 15 و 20% تيقولو على راسهم باللي هوما أكراد. تركيا عضو فبزاف د لمؤسسات بحال لأمم لمتحدة والناطو وصندوق النقد الدولي ولبنك الدولي ومنظمة التعاون لقتيصادي والتنمية و جي 20. الرئيس ديال تركيا دابا هو رجب طيب أردوݣان.

علاش تسمات

يمكن لينا نقسمو السمية ديال تركيا على جوج ت المكونات؛ (Türk) اللي كتعني دولة ديال قومية الترك، ؤ(iye) اللي كتعني "ديالنا".

لجغرافيا

تركيا جاية فواحد البلاصة استراتيجية؛ ما بين آسيا وأوروبا، اللي كيفرق بيناتهم هو بحر مرمرة ؤمضايق البوسفور ومضيق الدردنيل

لمناخ

تركيا جاية فالشمال الشرقي ديال لبحر دّخلاني، هادشي علاش فيها لمناخ لمتوسطي. ف فصل شّتا كيكون رطب، ؤ ف فصل صّيف كيكون سخون ؤ ناشف.

عيون لكلام

تقدر تزيد شوف بزاف د صور و معلومات ديال Turkey ف ويكيميديا كومنز.