توارخي
تّوارخي ؤلا لمؤرخ هوّا شخص لي خدمتو ؤراسمالو لمعرفي دّراسة ؤ لكتابة د تّاريخ، ب معنى لمجموع د لأحدات لي طراو ف لماضي، ؤ كيتّعتابر سلطة ف هاد لمجال لأكاديمي.[1] تّوارخيا كيهتمو ب لقراية لمنهاجية د لأحدات د لماضي ف علاقتها ب لجنس د بنادم، ؤ ب لبحت فيها ؤ تّحليل ؤ لفهم ديالها، ؤ تكوين تعاويدة متسلسلة ل دوك لأحدات. تّوارخي ماكيدرسش ب ضّارورة غير تّاريخ لمكتوب، مي حتا تّاريخ لي ماتّكتبش بشكل موباشير، بحال لي نقدرو نستنتجوه من لأتار ؤ لبني ؤ لحوايج لي كيلقاوهوم لأركيولوجيين، ؤ حتا لأحدات لي طراو قبل ماتّختارع لكتابة. ف هاد لحالة لّخرة، كيتّعتابر توارخي ديال لقبلتاريخ. كاينين توارخيا لي كيتخصّصو ف فترة زمانية محددة (متلا تّاريخ لقديم)، ؤلا منطقة محددة (متلا تّاريخ ديال طانجا)، ؤلا مجال محدد (متلا تّاريخ تّقافي ؤلا لفيكري ؤلا لعيلمي).[2]
لحرفة د تّاريخ ؤلا تاتوارخيت ولّات حرفة معروفة ؤ مستاقلة ف لأكاديميا ف لقرن 19، فاش بانو لجامعات لعصرية، سيرتو ف ألمانيا ؤ بلدان خرين. قبل داكشي كانو تّوارخيا ؤلا لمؤرخين عادة كيمارسو شي حرفة خرة، سوا أكاديمية ؤلا غيرها، ؤ كاتكون تاتوارخيت غير هواية ؤلا غير وحدة من بين لهتيمامات لأكاديمية ديالهوم.
 مقالة ؤلا فقرة خاصها تّقاد. هاد لمقالة ؤلا هاد لفقرة مرونة شوية، خاصّها تّقاد ؤ تزيد تّنضّم. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
لخدمة ديال المؤرخ كتعتامد على دراسة لماضي و التقلاب ف كتوبا قدام لي كيتسماو "المراجع التاريخية" لي كتبوها مؤرخين فايتين، و لي كيحللها المؤرخ باش يعطي واحد نتيجة معاودة ديال تدوين التاريخ يحطها ف كتابو.[3]
يقدر المؤرخ يأرخ فترات زمنية قبل 200 عام حتى ل 500 سنة ولّا كتر، و كيعتامد على الروايات الشفوية ديال سكان المنطقة المستهدفة ؤلا الروايات المكتوبة لي كتبوها مؤريخين قدام وبعض لمرات كيمشيو الوثائق. لي كتطلب عقود باش تجمع المعلومات التاريخية لي جمعها باش يحطها ف كتاب واحد ؤلا موسوعة بحال المؤرخ المختار السوسي ف موسوعة المعسول والمؤرخ الناصري ف كتاب الاستقصا.
كاين لي كيأرخ التاريخ الاقتصادي والجغرافيا والتاريخ القبلي وكاين "مؤرخ الدولة" لي كتكلفو الدولة يدون تاريخ لبلاد، وكاين ثاني المؤرخ لي كيأرخ الاحداث العسكرية بحال المعارك والحروب ولي كيكون فقلب لمعركة باش يكتب كل تفاصيلها الدقيقة و خاص هاد المؤرخ يكون مستاقل من أي جهة و محايد يعني يكتب شنو لكاين بالظبط فالمعركة بلا اي تحيز و كيكتب داكشي ف كتابو ولا وثيقة و بحال هاد الخدمة ديال هاد المؤرخ ديال الأحداث العسكرية كتشبه لخدمة ديال الصحفي لي كنقل الاخبار و الاحداث.[4]
المؤرخ خاصو يكون كيعرف على الاقل 4 لغات وتكون عندو خبرة ف قراية الوثائق و علم الجغرافيا لي خاص تكون من صيفات المؤرخ ؤ هادشي تكلم عليه بن خلدون ف كتوبو فلسفة التاريخ، و كاين ثاني المؤرخ لي كيصحح مغالطات المؤرخين و كينتاقدهم كمثال المؤرخ المغربي عبد الله العروي ف كتابو مجمل تاريخ المغرب لي نتاقد فيه مؤلفات الاستيعمار الاوروپي و لمؤرخين لاجانب لمستشرقين لي كتبو على تاريخ د لمغريب لاسلامي و لي كدرس عوتاني الوثائق. و من بين اشهر لمؤرخين العالميين كاين هيرودوت ؤ بن عساكر ؤ بن كثير ؤ بن خلدون و كاينين لمؤرخين لمغاربة بحال لمختار سوسي فالمعسول لي ولا مرجع لبحاثين والطلاب فتاريخ سوس ؤ هو مول سمية ديال سوس العالِمة ؤ الناصري فكتاب الاستقصا لي ولا مرجع لمؤرخين لمغاربة فتاريخ سعديين ؤ لعلويين وكاين الجزائي والفاسي والمراكشي والفيلالي وكاينين بزاف ديال لمؤرخين لمغاربة لي ساهمو في تأريخ تاريخ أندلوس ؤ لموحدين ؤ لمرابطين ولقائمة طويلة بزاف.[5]
- ^ "توارخي" (ب نڭليزية). پرينسطون. مأرشيڤي من لأصل ف 2023-06-29. تطّالع عليه ب تاريخ 7 يناير 2022.
- ^ HermanAM. Herman, A. M. (1998). Occupational outlook handbook: 1998-99 edition. Indianapolis: JIST Works. ص. 200.
- ^ "https://www.for9a.com/careers/-%D9%85%D8%A4%D8%B1%D8%AE-Historian". تطّالع عليه ب تاريخ 2025-04-13. External link in
|title=(معاونة) - ^ "ما هو مفهوم التاريخ". 2019-12-08. تطّالع عليه ب تاريخ 2025-04-13.
- ^ "من هو ابن خلدون". مأرشيڤي من لأصل ف 2023-03-23. تطّالع عليه ب تاريخ 2022-11-21.
 هادي زريعة ديال مقالة خاصها تّوسع. تقدر تشارك ف لكتبة ديالها. |