طب
الطب هو صيونص[1] و فن[2] كيهتم ب دراسة ديال صحة ديال بنادم ولّا حيوان ماشي بنادم، و كيفاش يعالج الأمراض و الوقاية منها. لهدف ديالو الرئيسي هو تحسين جودة الحياة و ضمان راحة المريض. الطب يشمل تشخيص الأمراض، تقديم العلاج، و مراقبة حالة المرضى. الشخص اللي كيمارس هاد الحرفة كيتسما طبيب.
الـطب هو مـهنة قـديمة بـحال لـإنسان نـيت، حيت كانت مـرتبطة فـلـبـداية ديالها بـسـحور وشـعوذة فـلـعصور لـقـديمة ولـمـجـتـمعات لـبدائية، فين مـارسوها لـكهان والـسحارة. ومن بعد، تـقـدمات شـوية مع لـحضارات لـقـديمة فـبلاد لـرافـديـن ومصر (لـفـراعـنة لـي تـفـوقو فالتـحـنيط ديال لـموتى)، والهند والصين (لـوخـز بـلإبر الـشـيـنوية).
بـقات هكدا تـل لـوقت ديال لـيـونانيين فين بـان أبقراط (واحد من أشهر لـأطباء فالتاريخ ومـول لـقـسم لـمـعروف بـسـميتو لـي مـلتزم بـأخلاق لـمهنة) وجالينوس ووحدين آخـرين. ومع لـبدية ديال لـحضارة لـعـربية ولـإسلامية وتـطور لـممارسة لـعـلمية، بـدا الـطب كـيـاخد الـشكل لـمـعروف لـيوم بـلـفضل ديال لـعلماء ولـأطباء لـكبار بـحال ابن سينا (الـشيخ الرئيس لـي تـعرف بـأنه أول بـاحـت فـلـمـجال ديال الـطب الـنـفسي وأول واحد عـطى الـدوا بـلـبرا/لـمـحـقـنة)، وابن النفيس (لـمـكتـشـف ديال الدورة الدموية الصغرى)، والزهراوي والـرازي وبزاف آخـرين لـي لـكتـوبة ديالهم بـقاو كـيـتـقراو فـلـعالم كـامـل تـل لـقـرن 17.
كـذلك، كان لـلـمـفاهيم الـمـسيحية فـالـرعاية ولـمـعاونة ديال لـمـراض دور فـتـطور لـأخلاق لـطـبية.[3] لـمـسيحيين ديال لـمشرق داروا مـدارس لـلـمـتـرجمين وزادو لـيهم سـبـيـطارات، ولعبوا دور مـهم فـنـقـل لـمـعارف الـطـبية لـلـلـغة لـعـربية.[3] ومن هاد لـمـدارس لـي بـنـاو، كاين مـدارس مـسيحية فـلـرها ونصيبين وجـنـديـسابور وأنـطاكـية والإسكندرية، لـي تـخـرجـو مـنها فـلاسفة وأطـباء وعـلماء وفـلـكيين، وكانت كـتـحـتـوي على سـبـيـطار، مـخـتـبر، دار لـلـتـرجمة، مـكتـبة ومرصد.[4] وفـلـوقت ديال عـصر الـنـهضة فـأوروبا، تـطـورات بـزاف ديال لـعـلوم بـالـخصوص الـطب، والـتـشريح.[5] فـعـصر الـنـهضة، تـطـورات لـأبحاث الـطـبية والـتـشريح فـعام 1543، فـاش نـشر أندرياس فيزاليوس كـتاب لـتـشريح لـمـصور، وكان أستاد فـجامعة بـادوا. بـلـفـضل ديال لـقراية ديالو لـمـعـمقة لـلـجـتـت ديال لـبـشـر، قـدم أول وصـف دقـيق لـلـجسد ديال لـإنسان.
ومن لـعـلماء ديال لـتـشريح فـبـادوا كاين غابرييلي فالوبيو لـي وصـف لـأعضاء لـتـنـاسـلـية ديال لـأنـتـى، وسـمّـى عـليها قناة فالوب، وجيرالمو فابريزيو لـي عـرّف لـصـمامات ديال لـقـلب. كانت لـجـراحة كـيـمـارسوها للـحـسـانـة (لـحـلـاقـة) فـأغـلب لـوقت، لـي كـيـخدمو بـنفس دوزان لـلـجراحة ولـحـسانة. بـقات لـجـراحة بـسيطة وكـتـضـر بـزاف فـهاد لـوقت، وبـقى الـنـقاش على كـيفاش يـتـعامـلو مع لـجروح، وكان لـكيّ (لـكـي بـلـعـافية) هو الـطريقة لـوحيدة بـاش يـحـبـسو نزيف. وبـدا واحد لـجراح فـرنساوي من لـقـرن 16، سـميتو أمبروز باري، كـيـديـر قـواعد جديدة؛ تـرجم لـكـتـوبة ديال فـيـزاليوس لـلـفـرنساوية بـاش يـوصـل لـمـعـلومة لـلـجـراحين ديال لـحرب. ومن تـجربة لـكـبيرة ديالو فـلـحـرب، بـدا كـيـخـيّـط لـجـروح فـلـبـلاصة ديال لـكيّ، وبـدّل الـزيـت لـي كـيـغـلي بـواحد لـبومادا مـصاوب من لـمح ديال لـبـيض وزيـت لـورد.
هاد الطريقات ما كانتش غـير فـعالة بـوحدها، ولكن كانت مـتـحـضرة كـتـر. ومن الـشـخـصـيات لـمـهمة فـهاد لـوقت كاين باراسيلسوس، وهو كـيـمياوي وطـبـيب سـويسري؛ كان كـيـأمن بلي أمـراض مـعـيـنة سـبابها لعـوامـل لخـارجـية، وداكشي علاش دعـا لـعـلاجات خـاصة، واخـتـرع لـعلاج بـلـمعادن بـحال الزواق، تـطور صيونص الـطب بقـفـزة كـبيرة مع الوقت و جميع العصور تـل لـوقت ديالنا دابا، هادشي لـي خـلّـى كاع لـعـلوم تـزاد لـقـدام ومـنها الـطب والـفـلسفة.
- ↑ Firth, John (2020). "Science in medicine: when, how, and what". Oxford textbook of medicine. Oxford: Oxford University Press. ISBN 978-0-19-874669-0.
- ↑ Saunders, John (يونيو 2000). "The practice of clinical medicine as an art and as a science". Med Humanit. 26 (1): 18–22. doi:10.1136/mh.26.1.18. ISSN 1468-215X. PMC 1071282. PMID 12484313. S2CID 73306806.
- 1 2 تاريخ الطب من الموسوعة البريطانية مؤرشف 2014-10-23 فموقع وايباك ماشين
- ↑ هناك العديد من المدارس والمكتبات السريانية الأخرى انظر المدارس والمكتبات السريانية من القرن الثالث حتى القرن الثالث عشر، بوابة تركال، 9 كانون الأول 2010. مؤرشف 2011-11-03 فموقع وايباك ماشين
- ↑ الكنيسة والعلم، مرجع سابق، ص.220
 هادي زريعة ديال مقالة خاصها تّوسع. تقدر تشارك ف لكتبة ديالها. |
