لكويت

من ويكيپيديا
اذهب إلى التنقل اذهب إلى البحث
لكويت
Flag of Kuwait.svg Emblem of Kuwait.svg
نشيد النشيد لوطني د لكويت
لعاصيمة لكويت
الساكينة
شحال دالسكان 4,600,000 (2019)
اللوغات الرسمية لعربية
متوسط ديال لعمر 74.694 (2016)
لجغرافيا
لميساحة 17,818 كم²
لقمة لعالية لمطلاع
لبلاصة الطايحة لخليج (0 م)
لإدارة
نضام الدولة ملكية دستورية
اللائحة د لأومارا د لكويت نواف الأحمد الجابر الصباح
رئيس مجلس لووزارا د لكويت صباح الخالد الحمد الصباح
لبرلمان مجلس لأمة لكويتي
لقتيصاد
لبيطالة (شوماج) 3 % (2014)
مؤشر التنمية لبشرية 0.803 (2017)
لفلوس الدينار لكويتي
معلومات خرا
توقيت ديال لبلاد ڭرينيتش + 3
رمز لبلاد KW
رمز لانترنيت .kw
رمز التيليفون +965
نيميرويات دليرجونس 112
الجهة دالصوگان ليمن
السيت الرسمي e.gov.kw

لكويت (رسميا: الدوبة د لكويت) هي بلاد جات ف لغرب د آسيا، و بالضبط ف الشمال لغربي د لخليج لعربي. تايحدّها من الشمال و من لغرب لعراق، من لجنوب السعودية، و من الشرق لبحر ديال لخليج.

لمنطقة اللي فيها لكويت كانو ساكنين فيها ناس كيهضرو لعربية، و كيخدمو إما فالتجارة ما بين شبه لجزيرة لعربية و لهند، ولاّ فلغطيس و الجميع ديال اللؤلؤ من قاع لبحر. كانت لإمارة ديال لكويت مستاقلة، من نهار تأسسات ف 1613 تال 1871، و هو لعام اللي حكموها فيه لعتمانيين، و دخّلوها للإمبراطورية ديالهم. ف 1889، ولاّت لكويت محمية ديال بريطانيا.

ستاقلات لبلاد من بريطانيا نهار 19 يونيو 1961. ف 1990، من مورا ما دخل لعسكر د لعراق للكويت، بدات لحرب اللولا ديال لخليج، اللي كانت حرب قادتها لميريكان، شاركو فيها بزاف د لبلدان ف لعالم، و سالات ف 1991.

تيسكنو ف لكويت تقريبا 4.6 مليون د الناس (70% منهم برّانيين)، و لعاصمة ديالها هي لمدينة د لكويت. اللغة الرسمية د لبلاد هي لعربية، و لفلوس اللي كاتخدّم فيها هي الدينار لكويتي. النضام ديال لحكيم ديال لبلاد هو ملكي دستوري، و هي داخلة ف بزاف د لمنضمات دولية بحال لأمم لمتحدة و لجامعة د الدول لعربية و لمنضمة د التعاون لخليجي و منضمة التعاون لإسلامي. لقتيصاد د لكويت تيضور بزّاف على لپطرول: هي خامس أكبر مصدّر د لپطرول ف لعالم (تكتاشف فيها ف 1936)، و هاد لميدان كيشكّل 80% ديال لمداخيل ديال لبلاد.

عيون لكلام[بدل | بدل لكود]

Wikimedia Commons تقدر تزيد شوف بزاف د صور و معلومات ديال Kuwait ف ويكيميديا كومنز.