انتقل إلى المحتوى

إيلون ماسك

بدل ليانات
من ويكيپيديا
إيلون ماسك
معلومات عامة
زيادة28 يونيو 1971 (54 عام)
پريطوريا (جنوب إفريقيا)
لجنسيةالولايات المتاحدة د ميريكان (2002–)
كانادا (1989–)
جنوب إفريقيا (1971–)
لحرفةپروڭرامور، موهنديس، بيزنيسمان، أنڤيستور، سياسي، موضاف مدني، technology entrepreneur و مخترع
لّوغات لي كيعرفنڭليزية
لكاريير ديال الشخص
شارك ف
لفاميلة
لواليدإيرول ماسك
لواليدةماي ماسك
خوتتوسكا ماسك، كيمبال ماسك، إليوت راش ماسك، أشا روز مسك و ألكسندرا ماسك
شريكدجاستين ماسك (2000–2008), طلاق
تالولا رايلي (2010–2012), طلاق
تالولا رايلي (2013–2016), طلاق
لولادنيڤادا ماسك
ازور ماسك
استريدر ماسك
إكسا ماسك
تاو ماسك
Seldon Musk
إيكس أش إي طناش
ساكسون ماسك
فيفانا جينا ويلسون
كاي ماسك
غريفين ماسك
داميان ماسك
Arcadia Musk
لمحيطليندون ريف (ولد عم / ولد خال)
جانا بيزويدينهوت (أخت غير شقيقة)
معلومات خرى
دينألوهية
لحيزبحزب أمريكا
لجوايز
IMDB: nm1907769 Allocine: 153422 Rottentomatoes: celebrity/elon-musk Allmovie: p444169 TV.com: people/elon-musk
Twitter: elonmusk TED: elon_musk Souncloud: user-209448905 Spotify: 2WUTOhBxG2HjyKYFJrcSPB iTunes: 1497370136 Musicbrainz: e515c7ca-cc78-4bd1-b3c4-aacbf9a0687a Discogs: 7112229 Modifica els identificadors a Wikidata


إيلون ماسك (تزاد ف 28 يونيو 1971) هو بيزنيسمان، مهندس و مستتمر ف الطيكنولوجيا. عندو لجنسية ديال جنوب إفريقيا و كانادا و لميريكان، وهو لمؤسس و رئيس تنفيدي و شاف ديال لمهندسين و لمصميين ديال شركة سپيس إيكس؛ مشارك ف تأسيس شركة طيسلا و مدير تنفيدي و مهندس منتج ديالها؛ شارك ف تأسيس شركة نيورالينك؛ المؤسس ديال شركة ذا بورينݣ كامپاني؛ مشارك ف تأسيس ؤپن إيي آي و كان عضو ف مجلس لإدارة ديالها تال 2018؛ مشارك ف تأسيس شركة پايپال. ف 2022، شرا شركة تويتر (إكس) ب 44 مليار دولار.[1]

ف دجنبر 2016 كان تكلاصا هو 21 ف اللّيستة د فوربس ديال أقوى الناس ف لعالم. إيلون ماسك، ب تروة لي كانت كاتقدّر ف 2020 ب 336 مليار دولار، ماكانش غير أكتر شخص مرفّح ف لعالام، مي ف لغالب أغنى شخص ف تّاريخ د بنادم.[2][3][4] مجموعة د لحرايفيا ديال لبيزنيس كيعتاقدو بلي ماسك غادي يولي ف سّنوات جّاية أول تريلياري ف تّاريخ.[5] ف 2022، إيلون سجل أكبر خسارة د لفلوس ف التاريخ ملي طاحت لقيمة د التروة ديالو ب 200 مليار دولار. دابا (غشت 2025) كاتقّدر التروة ديالو ب 413 مليار دولار و هوّا أكتر شخص مرفح ف لعالم.[1][6]

إيلون كيتّعتابر شخصية متيرة للجدل، حيت دار بزاف د التصريحات متعلقة ب السياسة و الطيكنولوجيا ف السنوات اللخرة، سيرتو ف تويتر، لي تارت خلافات كبيرة بين لمساندين و لمعارضين ليه. و تّنتاقد بزاف حيت كتب شي حوايج ماعندهاش ساس علمي، بحال التصريحات ديالو على الجايحة د كوڤيد 19. ف 2018، هيئة د لأوراق لمالية و لبورصات لميريكانية SEC دعات إيلون ف لمحكامة حيت دار تعليق غالط ف تويتر بلي ضمن الراسمال لكافي باش يتدار ستحواد پريڤي ل شركة طيسلا. لمحكامة فرضات على إيلون باش يحيد راسو من رياسة لمجلس لإداري د تيسلا ل مدة د 3 سنين (وخا باقي مدير عام ديالها)، و باش يخلص خطية ديال 20 مليون دولار.[7] و كانو ردود فعل قوية ضدو بسباب الدور ديالو ف ضودج DOGE ف لحوكومة ديال الرئيس لميريكاني طرامپ.

حياتو

[بدل | بدل لكود]

إيلون ماسك تزاد و تربا ف پريطوريا ف جنوب أفريقيا. مشا ل كانادا ملي كانت عندو 17 عام باش يقرا ف جامعة كوينز، و من بعد عامين تحول لجامعة پينسلفينيا، و تما خدا لإجازة ديالو ف لقتيصاد من مدرسة وارتون، و إجازة خرة ف لفيزيك من مدرسة لفنون و لعلوم. بدا كيوجد دوكتورا ديالو ف لفيزيك تطبيقية و علم لمواد ف لجامعة د ستانفورد ف 1995، ولكن خرج من لقراية من بعد يومين باش يلتاحق ب لمسار ديالو ف لأعمال لحرة.

إيلون ماسك ولـٰد 14 وٰلد، واحد منهم توفى و هوّ باقي صغير.[8] جورنال د وول ستريت نشرات ف 2025 بلي، على حساب مصادر مقرّبة من ماسك، لعدد لحقيقي ديال ولادو غالباً كبر من داكشي.[9] معا مراتو اللولة، لكاتبة لميريكانية دجاستين ويلسون، ولد 6 د لولاد، و كان تلاقاها يامات قرايتهم ف جامعة كوينز ف ؤنطاريو، كانادا، و تجوجو عام 2000.[10] ولدهم اللول توفى على عمر د 10 د السيمانات بسباب ساندروم ديال موت لمومو على غفلة SIDS.[11] دارو موراها تخصيب صطيناعي باش يولدو ولادهم لخرين.[12] ولدو توام ف 2004، و متلوت ف 2006.[12] ف 2008، تطلقو و بقاو مشاركين ف لعناية ب ولادهم.[13][14] لكبير ف التوام دار تحوول جنسي و علن راسو بلي ولّى مرا ف 2020. ف 2022 بدّل سميتو ل ڤيڤيان دجينا ويلسون (خدا لكنية ديال مّو)، حيت مابغاش تبقى عندو علاقة معا بّاه.[15]

ف 2010، تجوج ماسك ب لمومتيلة النݣليزية تالولا رايلي،[16][17] و عاودو تطلّقو عامين موراها، و تجوجو عاوتان ف 2013.[18] ف 2016 تطلّقو للمرة التانية.[19] ف 2017، تصاحب شي شهورا معا لمومتيلة لميريكانية أمبر هورد (لي كانت مجوجة ب دجوني ديپ).[20]

ف 2018، تصاحب ماسك معا لموسيقية لكانادية ݣرايمز.[21] بجوج ولدو 3 د لولاد ف 2020، 2021 و 2022.[22][23][24][25] ف شتنبر 2021، علنو بلي ولاو "تقريبا مفارقين".[26][27] ف أكتوبر 2023، دعاتو ف لمحكامة على ود لحقوق د التربية و لكفالة ب ولدهم "إكس".[28][29][30] إكس بان معا بّاه ف عدد ديال لمناسبات الرسمية ف واشينطون ف ولاية طرامپ التانية.[31]

ماسك عندو 4 د لولاد معا شيڤون زيليس، لمديرة د لعمليات ف شركة نيورالينك.[32][33][34][35][36][37] و يقدر يكون عندو ولد معا لكاتيبة أشلي سانت كلير، وخا هادشي ماشي متوكد.[9][38]

لكاريير ف لبيزنيس

[بدل | بدل لكود]

إيلون ماسك شارك ف تأسيس زيپ-2، واحد شركة متخصصة ف سوفتوير ديال ݣيد د لمدينة ل جورنالات، لي من بعد غاتشريها شركة كومپاك. ماسك من بعد غايأسس شركة إيكس.كوم، واحد لبانكة ؤنلاين، لي تشركات معا شركة كونفينيتي ف 2000 و من بعد ف نفس لعام ولات پايپال، لي غاتشريها إي باي ب 1.5 مليار دولار ف 2002.

ف ماي 2002، أسس شركة سپيس إيكس، لي كتهتم ب تصنيع صوارخ و رحلات ف لفضاء، لي هو لمدير تنفيدي و لمصمم رئيسي ديالها. نضم ل شركة طيسلا، لي كتصايب طونوبيلات كيخدمو ب تريسينتي، ف 2004، عام من مورا ما تأسسات، و ولا هو لمدير تنفيدي و لمهندس لمنتج ديالها. ف 2006 لهم ولاد خالتو باش يديرو إنشاء شركة سولار سيتي، ديال طّاقة شّمسية (لي ولات دابا تابعة ل طيسلا)، و خدم رئيس مجلس لإدارة فيها. ف 2015، ماسك شارك ف تأسيس أوپن إي آي لي كانت شركة د لبحت لاربحية لي كتهدف ل ترويج دكاء صطيناعي ضريف، يعني ماكيشكلش خطر علا لحضارة ؤ لحياة د بنادم. ف يونيو 2016، شارك ماسك ف تأسيس نيورالينك ديال تّقنية لعصبية مركزة علا تطوير أنطيرفاص مخ-أورديناتور (تقنية كتهدف ل تّيصال مباشر بين مخ بنادم و لأورديناتور). ف دجنبر 2016 ماسك أسس ذا بورينݣ كامپاني، لي هي شركة ديال لبنية تحتية و كتهتهم ب حفير لأنفاق.

فوق من لمساعي تجارية ديالو، ماسك تصور نظام ديال طّرونسپور عندو سرعة كبيرة سماه هايپرلوپ، و قتارح لفيكرة ديال طيارات نفاتة سرع من صوت كتطلع و تهبط عموديا ب دفع ديال فرفارات كتخدم ب تريسينتي. ماسك ݣال بلي لهدف ديال سپيس إيكس، طيسلا و سولار سيتي كتدور علا رؤية ديالو ل تغيير لمستقبل ديال بنادم. لأهداف ديالو هيّا نّقيص من لحتيباس لحراري ب لانتاج و سّتيهلاك ديال طاقة لمتجددة و نّقيص من لخطر ديال نّقيراض ديال بنادم ب لبني ديال مستوطنات ف لمريخ.

ف 1995، إيلون معا خوه كيمبال ماسك و ݣريݣ كوري أسسو شركة زيپ 2 (كاتّقرا زيپ تو).[39][40] بّاه إيرول ماسك عطاه 28.000 دولار باش يبدا الشركة ديالو، لي طوّرات ݣيد د لمدينة ب خرائط ف أنتيرنيت، لي كان باقي جديد ديك الساع، و كانت كاتدير لماركيتينݣ ف الجورنالات. ف فبراير 1999، شركة كومپاك شرات زيپ 2 ب 307 مليون دولار، لي خدا منها إيلون 22 مليون.[41]

إكس ضوت كوم و پايپال

[بدل | بدل لكود]

ف 1999، إيلون ماسك كان من بين مؤسسين ديال شركة إكس ضوت كوم X.com، شركة ديال السرابس د لفلوس و لخلاص ب لإيميل.[41] و كانت من أول لبانكات ف أنتيرنيت لي عندها لاصورانص من مركز فيديرالي ميريكاني. ف الشهر اللول ديالها وصلات ديجا ل 200.000 كليان. وخا إيلون كان عضو مؤسس، لمستتمرين ف الشركة عتابرو بلي ماعندوش خبرة كافية، و قبل مايسالا لعام حيّدوه من لمنصب د لإدارة د الشركة، و حطو بيل هاريس بلاصتو.[41]

ف عام 2000، إكس ضوت كوم ندامجات معا شركة خرة كاتدير نفس السربيس لي هيّا كونفينيتي Confinity.[42] إيلون رجع مدير د الشركة الجديدة، ولاكين التفضيل ديالو ل السيستيم د مايكروصوفت على ؤنيكس Unix خلق نقيسام مابين لموضافين د الشركة، و خلا پيتر ثيل لي كان مؤسس د كونفينيتي، باش يستاقل من لمنصب ديالو ف لمجلس د الشركة. بسباب التراكم ديال لمشاكيل، ف شتنبر 2000، لمجلس لإداري ستاغل لفرصة فاش إيلون ماسك مشا ل شهر لعسل معا مراتو اللولة، باش يحيّدو من لمنصب ديال لمدير، و رجّعو پيتر ثيل بلاصتو. و ف 2001 بدّلو السمية ل پايپال (لي كانت السمية ديال السربيس د لخلاص ديال كونفينيتي).[43]

ف 2002، شركة إيباي شرات پايپال ب 1,5 مليار دولار، و إيلون لي كانت عندو أكبر نسبة د لأسهم فيها ب 11,72%، دّا 175 مليون دولار ف نصيبو. ف 2017، شرا السمية د الضومين X.com من عند پايپال "ل أسباب عاطفية"،[44][45] و ف 2022 ݣال بلي بغا يقاد "إكس، لأپليكاصيون ديال كولشي" X, the everything app.[46]

سپيس إكس

[بدل | بدل لكود]
لمدير د نازا تشارلز بولضن كيسلم على إيلون ماسك بعد ما نجحات لعملية د الرسو و لإلتحام ديال مركبة دراݣون د سپيس إكس ف 2012

ف لبدية د 2001، إيلون ولّا مشارك معا مارس صوصاييتي Mars Society (لمجتمع د لمريخ)، لي هيّا مونضامة لاربحية كاتهدف ل الستيكشاف د لمريخ و الستيطان ديالو من طاراف بنادم. إيلون و لأعضاء د لمونضامة ناقشو لفكرة و التمويل ديال لمصيفطة د نبتة ل لمريخ. ف أكتوبر من نفس لعام، مشا ل موسكو باش يشري صاروخ عابر ل لقارات لي يقدر يتخدّم ف ديك لمهمة. الرواسا ماخداوش لقضية ب جدية كبيرة حيت عتابرو ماسك مبتدئ ف هادشي د لفضاء، و لمفاوضات فشلو.

لمحاولة التانية د شّرا د صّوارخ من عند روسيا ف فبراير 2002 تا هيّا فشلات، و إيلون قرر باش يبدا يصاوب صوارخو رّاسو، و ب أتمنة طايحة. ف ماي 2002، أسس شركة سپيس إكس ب راسمال د 100 مليون دولار من فلوسو و كان لمدير التنفيدي و رئيس لمهندسين ديالها.

لمحاولة اللولة ديال لإطلاق د سپيس إكس تدارت ف 2006، ب صاروخ فالكون 1. وخا لإطلاق فشل، وكالة لفضاء لميريكانية نازا دارت كونطرا ديال لمصيفطة ل لفضاء معا الشركة. بعد جوج محاولات خرين فاشلين لي قرّبو سپيس إكس من لإفلاس، لمحاولة الرابعة ف 2008 نجحات ب وصول الصاروخ فالكون 1 ل لمدار د لأرض. ف نفس لعام، الشركة خدات كونطرا د 1,6 مليار دولار من عند نازا باش تستعمل الصاروخ فالكون 9 و لمركبة دراݣون د سپيس إكس، باش يديرو 12 رحلة ل لمحطة لفضائية الدولية، حيت برنامج مكوك لفضاء ديال نازا كان معول باش يحبس ف 2011. ف 2012، لمركبة دراݣون دارت لتيحام معا لمحطة لفضائية، باش تكون أول مركبة تجارية كاتدير هاد لعملية.[47]

ف إطار تقليص لكلفة ديال الصوارخ، سپيس إكس سعات ل تطوير صوارخ ب معاودة د التخدام (يعني كايطلعو ؤ كيعاودو ينزلو باش يتصيفطو مرة خرة ل لفضاء)، حيت قبل كانو الصوارخ كيتصاوبو باش يتخدّمو مرة وحدة. ف بزاف د لحوارات إيلون كان كيشبّه هادشي ب طيارة كاتصاوب و كاتّستعمل مرة وحدة، شّي لي غادي يخلي التمن د التيكي ديالها غالي بزاف مايقدّو عليه غي لملايريا. ف 2015، سپيس إكس قدرات ل أول مرة ف التاريخ باش تنزّل ليطاج اللول ديال صاروخ (فالكون 9) على رجليه.

ف 2018، الشركة دارت أول إطلاق ديال صاروخ فالكون هاڤي Falcon Heavy، لي كانت فيه طونوبيلة طيسلا روودستر خاصة ديال إيلون ماسك باش تمتّل حمولة وهمية د الصاروخ. من 2019، سپيس إكس خدّامة على تطوير سطارشيپ، لي هوّا صاروخ ب معاودة د التخدام بشكل كامل، قادر يهز تقل كبير بزاف، و مديور باش ياخد لبلاصة ديال صوارخ لفالكون و لفالكون هاڤي.

ف 2020، سپيس إكس دارت أول عملية مصيفطة ديال رواد د لفضاء ل لمحطة لفضائية الدولية، باش تولي أول شركة تجارية ف التاريخ كاتحقق هاد لإنجاز.

سطارلينك

[بدل | بدل لكود]

من 2015، بدات شركة سپيس إكس ف تطوير السيستيم ديال سطارلينك Starlink ديال الصاطليتات (أقمار صطيناعية) لي كاتعطي السربيس د لأنتيرنيت ف لعالم كاملو. أول جوج ساطليتات تجريبيين د سطارلينك تصيفطو ف فبراير 2018، لعشرات د الصاطليتات خرين تصيفطو موراهوم، و لمشروع غادي يشد 10 سنين باش يكمل، و يكلّف جوايه 10 مليار دولار على حساب التقديرات.

لإتحاد لعالمي د لفلكيين نتاقد هاد لمشروع حيت غادي يبلوكي الشوفان د لفضاء من لأرض، و يقدر يتسبب ف زديح معا مركبات فضائية لي كيتصيفطو على حساب ماݣالت هاد لمونضامة.

ف لوقت ديال الجتياح الروسي د ؤكرانيا، إيلون عطا لاكصي فابور ل الناس د ؤكرانيا ل أنتيرنيت ب سطارلينك، شّي لي كيكلف الشركة 400 مليون دولار ف لعام.

طيسلا

[بدل | بدل لكود]

بدات شركة طيسلا Tesla Inc، لي كان سميتها طيسلا موطورز Tesla Motors، ف 2003، و أسسوها مارتين إبرهارد و مارك طارپينينݣ. إيلون ماسك أنڤيستا 6,5 مليون دولار ف الشركة باش يولي أكبر مساهم فيها، و ولا عضو و رئيس لمجلس لإداري ديالها. إيلون لعب دور أساسي ف التطور د الشركة، و سهر على الديزاين ديال أول پرودي ديالها طيسلا روودستر، مي ماكانش كيتدخل بزاف ف لخدمة ليومية. بسباب لأزمة لمالية د 2007 و 2008 و خلافات لي كانت بدات من 2007، لمجلس لإداري جرّا على إبيرهارد، و إيلون ولّا لمدير د الشركة. ف 2009، بعد خلاف قانوني معا إبيرهارد، خرج قرار د لمحكامة كيعتابر إيلون ماسك من بين لمؤسسين ديال طيسلا. ف 2019، إيلون حطم الروكور ديال أطول مدة ف منصب ديال مدير د شركة د الطونوبيلات.

صولار سيتي

[بدل | بدل لكود]
صطافيطات ديال صولار سيتي، د لانصطالاج ديال لپانوات د الطاقة الشمسية

إيلون ماسك حط لكونصيپط د الساس ديال شركة صولار سيتي، لي أسسوها ولاد خالتو ليندون و پيتر ريڤي ف 2006. هاد الشركة كاتصاوب لپانوات ديال الطاقة الشمسية و كاتعطيهوم فابور من دار ل دار موقابيل باش لكليان يشري الطاقة لي كيجينيريو من عند الشركة ل مدة 20 عام.

ف 2016، إيلون ماسك شرا صولار سيتي ب 2,6 مليار دولار، و دمجها معا الديپارطومو د الطاقة ديال شركة طيسلا، باش يأسس طيسلا إنيرجي.

نيورالينك

[بدل | بدل لكود]

ف 2016، إيلون ماسك كان عضو مؤسس د شركة نيورالينك ديال النيوروطيكنولوجيا (طيكنولوجيا د الدماغ)، ب ستيتمار ديال 100 مليون دولار. لهدف ديال نيورالينك هوّا باش تدمج الدماغ د بنادم معا الدكاء الصطيناعي، ب لمصاوبة د شقفات إليكطرونية كيتغرسو ف الدماغ. هادشي غادي يخلي بنادم تطور لقدرات ديالو بحال الداكرة، و لقدرة على التواصل معا لماكينات و الصوفتوير. التطبيق اللول ديال هاد الطيكنولوجيا غادي يكون ف لمداوية ديال أمراض بحال الزهايمر.

ذ بورينݣ كامپاني

[بدل | بدل لكود]

ف 2017، إيلون ماسك أسس ذ بورينݣ كامپاني لي لهدف ديالها باش تحفر أنفاق لي يدوز منهوم الطرافيك ديال لمركوب و ينقصو الضغط على الطرقان فوق لرض. الجوج بلانات اللولين لي كانو مخططين ف لغرب د لوس أنجيليس و شيكاݣو تّلغاو ف 2018، ولاكين النفق ديال لاس ڤيݣاس ديجا كمل ف 2021، و كاين واحد أخور مخطط ليه ف مدينة فورت لودرديل ف ولاية فلوريدا.

تويتر

[بدل | بدل لكود]
 Elon Musk تويتر
@elonmusk

14 أبريل 2022[48]

ف 25 أبريل 2022، لمجلس لإداري ديال شّركة د تويتر علن بلي قبل طّلب د شّرا ديالها من طاراف إيلون ماسك ب 44 مليار دولار.[49][50] ف 8 يوليوز، لمحامي د إيلون ماسك علن بلي لغا لقرار د شّرا "حيت شّركة د تويتر ماتبّعاتش لّتيزامات ديالها ف إطار صّفقة".[51] بزاف د اللغا و لماخدة و الرد طراو ف هاد لافير، ولاكين ف 27 أكتوبر 2022، إيلون كمّل الصفقة د الشرا د تويتر بشكل رسمي، باش يولي لمدير و رئيس لمجلس لإداري ديالها. مور ما خدا زمام لأمور فيها، إيلون جرّا على بزاف د لموضافين د تويتر، منهوم لمدير لقديم ديالها پاراݣ أݣراوال، و نقص الرقابة على لمنشورات فيها. مركز قانون لحاجة لجنوبي لي كيتبّع لحقوق لمدنية ف ميريكان، ݣال بلي لخطاب د لكراهية ولا كيتشاف كتر ف تويتر مورما ماسك ولا مدير ديالها. إيلون دار شحال من قرار لي عاود تراجع عليه، بحال لقرار باش يعطي لعلامة الزرقة ل أي واحد خلّص شتيراك شهري.

ف 18 دجنبر 2022، إيلون ماسك دار صونداج ف تويتر كيسوّل لمتابعين ديالو واش يعتازل من لمنصب د لمدير، و 57,5% ڤوطاو ب "أه". ماسك وعد باش يحيّد من لمنصب ديالو "ب مجرد ما يلقى شي مسطي يبغي يشد بلاصتو".

ف 11 ماي 2023، ختار إيلون ليندا ياكارينو بش تخلفو على راس لإدارة ديال تويتر.[52]

أراء ديالو

[بدل | بدل لكود]

الدكاء لإصطناعي

[بدل | بدل لكود]

إيلون كان من بين لي سناو برية مفتوحة كيطالبو فيها جميع اللابوات و لمؤسسات لي خدامين على الدكاء لإصطناعي باش يحبسو لخدمة ديالهوم و مايطوروش سيستيم جديد قوى من شاط جي پي تي 4، ل مدة ديال 6 شهور على ما يتحلو مجموعة د لمعضلات التقنية و لأخلاقية لي يقدرو يسببوها لڤيرسيونات الجايين ديال الدكاء لإصطناعي، بحال بلي يقدرو يديرو لخدمة ديال لملاين د الناس و يردّوهوم ل الشوماج.[53][54]

مصادر

[بدل | بدل لكود]
  1. 1 2 "Elon Musk breaks Guinness World Record for 'largest loss of personal fortune in history'". 13 يناير 2023. مأرشيڤي من لأصل ف 4 يونيو 2023.
  2. ↑ "إيلون ماسك، سيرة ديالو" (ب نݣليزية). مأرشيڤي من لأصل ف 2023-01-18. تطّالع عليه ب تاريخ 2021-03-28.CS1 maint: unrecognized language (link)
  3. ↑ "Elon Musk Is The Richest Person In History". فوربس (ب نڭليزية). مأرشيڤي من لأصل ف 2023-04-16. تطّالع عليه ب تاريخ 2021-11-12.
  4. ↑ "The World's Billionaires - Richest People On Earth, 2021" (ب نڭليزية). مأرشيڤي من لأصل ف 2022-01-21. تطّالع عليه ب تاريخ 2021-11-12.
  5. ↑ "Experts Say SpaceX Might Make Musk a Trillionaire, But Tesla Just Boosted His Worth $25 Billion". ياهو (ب نڭليزية). مأرشيڤي من لأصل ف 2023-04-20. تطّالع عليه ب تاريخ 2021-11-12.
  6. ↑ "THE REAL-TIME BILLIONAIRES LIST". مأرشيڤي من لأصل ف 2023-10-14. تطّالع عليه ب تاريخ 2023-02-25.
  7. ↑ "Tesla's Elon Musk says tweet that led to $20 million fine 'Worth It'" (ب نڭليزية). 27 أكتوبر 2018. مأرشيڤي من لأصل ف 22 ماي 2020.
  8. ↑ Wickman، Kase (March 5, 2025). "Elon Musk's 14 Children and Their Mothers (That We Know Of): A Handy Guide". Vanity Fair.
  9. 1 2 Mattioli، Dana (April 16, 2025). "The Tactics Elon Musk Uses to Manage His 'Legion' of Babies—and Their Mothers" (ب نڭليزية). The Wall Street Journal. تطّالع عليه ب تاريخ April 16, 2025.
  10. ↑ Durand Streisand، Elizabeth. "A Look at Elon Musk's Rocky Romantic History". Yahoo. مأرشيڤي من لأصل ف June 2, 2020. تطّالع عليه ب تاريخ May 29, 2017.
  11. ↑ Vance (2017), p. 117.
  12. 1 2 Crowley، James (September 14, 2021). "Elon Musk's Kids: Meet His 6 Kids From Oldest To Youngest, & Their Moms". Hollywood Life. مأرشيڤي من لأصل ف September 16, 2021. تطّالع عليه ب تاريخ September 16, 2021.
  13. ↑ Musk، Justine (September 10, 2010). ""I Was a Starter Wife": Inside America's Messiest Divorce". Marie Claire. مأرشيڤي من لأصل ف July 30, 2020. تطّالع عليه ب تاريخ September 3, 2020.
  14. ↑ "Elon Musk's Ex-Wife on What It Takes to Be a Mogul". The New York Times. April 27, 2015. مأرشيڤي من لأصل ف June 26, 2022. تطّالع عليه ب تاريخ June 26, 2022.
  15. ↑ "Elon Musk's daughter granted legal name, gender change". Associated Press. June 23, 2022. مأرشيڤي من لأصل ف June 26, 2022. تطّالع عليه ب تاريخ October 7, 2022.
  16. ↑ "Actor Talulah Riley files to divorce billionaire Elon Musk, again". The Guardian. Associated Press. March 21, 2016. مأرشيڤي من لأصل ف June 16, 2018. تطّالع عليه ب تاريخ April 20, 2016.
  17. ↑ Boyle، Alan (January 18, 2012). "SpaceX's millionaire founder tweets about marital split". NBC News. مأرشيڤي من لأصل ف July 1, 2022. تطّالع عليه ب تاريخ September 28, 2013.
  18. ↑ "Elon Musk and Talulah Riley divorce for a second time". The Daily Telegraph. October 22, 2016. مأرشيڤي من لأصل ف June 30, 2018. تطّالع عليه ب تاريخ June 29, 2018.
  19. ↑ Vance (2017), p. 372.
  20. ↑ Jensen، Erin (April 24, 2017). "Amber Heard, Elon Musk make 'Cheeky' public debut together". USA Today. مأرشيڤي من لأصل ف January 30, 2021. تطّالع عليه ب تاريخ January 28, 2021.
  21. ↑ Darville، Jordan (March 20, 2019). "Grimes talks new music, Elon Musk, plans to publicly execute her musical persona". The Fader. مأرشيڤي من لأصل ف October 30, 2019. تطّالع عليه ب تاريخ December 13, 2020.
  22. ↑ Kiefer، Halle (May 4, 2020). "Grimes and Elon Musk's Baby Has Arrived, Just As Legend Foretold". Vulture. مأرشيڤي من لأصل ف May 5, 2020. تطّالع عليه ب تاريخ May 5, 2020.
  23. ↑ Trepany، Charles (May 5, 2020). "Elon Musk shares first photo of his and Grimes' new baby boy: 'Mom and baby all good'". USA Today. مأرشيڤي من لأصل ف May 29, 2020. تطّالع عليه ب تاريخ May 5, 2020.
  24. ↑ Hines، Dominique (September 11, 2023). "Elon Musk confirms third child with Grimes and shares newborn's unusual name". The Standard. تطّالع عليه ب تاريخ February 13, 2025.
  25. ↑ Katie Hawkinson؛ Grace Dean (September 11, 2023). "New Elon Musk biography says he has 3rd child with Grimes named Techno Mechanicus". businessinsider.com.
  26. ↑ Ivie، Devon (September 24, 2021). "Elon Musk and Grimes Took the Red Pill and Broke Up". Vulture. مأرشيڤي من لأصل ف September 24, 2021. تطّالع عليه ب تاريخ September 28, 2021.
  27. ↑ "Elon Musk says he and partner Grimes are semi-separated". BBC News. September 24, 2021. مأرشيڤي من لأصل ف September 28, 2021. تطّالع عليه ب تاريخ September 28, 2021.
  28. ↑ "Grimes Says Elon Musk Evaded Being Served With Child Custody Papers At Least 12 Times". HuffPost. November 11, 2023. مأرشيڤي من لأصل ف February 17, 2024. تطّالع عليه ب تاريخ April 21, 2024.
  29. ↑ "Elon Musk Drags Grimes' Tweets Into Increasingly Nasty Custody Battle". Futurism. December 7, 2023. مأرشيڤي من لأصل ف December 16, 2023. تطّالع عليه ب تاريخ April 21, 2024.
  30. ↑ "Musk Sued By Ex-Girlfriend Grimes Over Parental Rights: Report". NDTV. مأرشيڤي من لأصل ف March 11, 2024. تطّالع عليه ب تاريخ April 21, 2024.
  31. ↑ Chang، Emily (February 12, 2025). "Musk's son 'Lil X' steals spotlight in the Oval Office". ABC News. تطّالع عليه ب تاريخ February 15, 2025.
  32. ↑ "Who is Shivon Zilis, Elon Musk's partner who announced birth of their 4th child?". Hindustan Times. March 1, 2025 – على طريق HT News Desk.
  33. ↑ Ankel، Sophia (August 27, 2022). "Elon Musk and Neuralink exec had twins via IVF, no romance: report". Business Insider (ب نڭليزية). مأرشيڤي من لأصل ف July 9, 2024. تطّالع عليه ب تاريخ July 9, 2024.
  34. ↑ Szalai، Jennifer (September 9, 2023). "Elon Musk Wants to Save Humanity. The Only Problem: People". The New York Times. مأرشيڤي من لأصل ف September 9, 2023. تطّالع عليه ب تاريخ September 19, 2023.
  35. ↑ "Who Is Shivon Zilis? Meet the Mother of 3 of Elon Musk's 12 Children". E! Online. June 24, 2024. مأرشيڤي من لأصل ف July 9, 2024. تطّالع عليه ب تاريخ July 9, 2024.
  36. ↑ Alexander، Sophie؛ Hull، Dana (June 21, 2024). "Elon Wants YOU to Have More Babies". Bloomberg News. تطّالع عليه ب تاريخ June 21, 2024.
  37. ↑ "Elon Musk Welcomes 14th Child, His Fourth Baby with Shivon Zilis". People.com (ب نڭليزية). تطّالع عليه ب تاريخ March 1, 2025.
  38. ↑ "Author Ashley St. Clair Says She Gave Birth to Elon Musk's 13th Child 5 Months Ago". People.com (ب نڭليزية). تطّالع عليه ب تاريخ March 28, 2025.
  39. ↑ ديليڤيت، پيتر؛ هول، دانا (13 غشت 2012). "Greg Kouri, early investor in PayPal, dies in New York". The Mercury News. مأرشيڤي من لأصل ف 6 أكتوبر 2022.
  40. ↑ هادلسطون، طوم جونيور (19 يونيو 2018). "How Elon Musk founded Zip2 with his brother Kimbal". CNBC. مأرشيڤي من لأصل ف 9 نونبر 2022.
  41. 1 2 3 ڤانس، أشلي (2017) [2015]. Elon Musk: Tesla, SpaceX, and the Quest for a Fantastic Future (طبعة 2nd). نيويورك: Ecco. ردمك 978-0-06-230125-3.
  42. ↑ هادلسطون، طوم جونيور (19 يونيو 2018). "Elon Musk slept on his office couch and 'showered at the YMCA' while starting his first company". CNBC. مأرشيڤي من لأصل ف 18 غشت 2020.
  43. ↑ ؤضيل، مارك (30 شتنبر 2014). "Timeline: The rise of PayPal". Financial Times. مأرشيڤي من لأصل ف 22 يونيو 2020.
  44. ↑ هوانݣ، إكو. "Elon Musk bought a web domain worth millions with 'sentimental value' to him". Quartz. مأرشيڤي من لأصل ف 25 يونيو 2020.
  45. ↑ ستات، نيك (10 يونيو 2017). "Elon Musk now owns X.com, the defunct domain of his second startup". The Verge. مأرشيڤي من لأصل ف 25 يونيو 2020.
  46. ↑ كلاينمان، زوي (5 أكتوبر 2022). "Elon Musk, Twitter and the mysterious X app". BBC. مأرشيڤي من لأصل ف 21 أكتوبر 2022.
  47. ↑ واسطلز، Jackie (30 ماي 2020). "SpaceX and NASA launch Crew Dragon in Florida: Live updates". CNN. مأرشيڤي من لأصل ف 29 غشت 2020.
  48. ↑ Elon Musk [@elonmusk] (14 أبريل 2022). "I made an offer
    [www.sec.gov/Archives/edgar/data/0001418091/000110465922045641/tm2212748d1_sc13da.htm sec.gov/Archives/edgar...]"     (Tweet) – على طريق تويتر.
  49. ↑ "44 Milliarden US-Dollar zahlt Elon Musk für Twitter" (ب لالمانية). 26 أبريل 2022. مأرشيڤي من لأصل ف 1 أكتوبر 2023. تطّالع عليه ب تاريخ 26 أبريل 2022.
  50. ↑ "Elon Musk bought Twitter. Here's what he says he'll do next" (ب نڭليزية). 25 أبريل 2022. مأرشيڤي من لأصل ف 2023-04-20. تطّالع عليه ب تاريخ 26 أبريل 2022.
  51. ↑ "Elon Musk notifies Twitter he is terminating deal". 8 يوليوز 2022. مأرشيڤي من لأصل ف 13 أكتوبر 2023.
  52. ↑ "Linda Yaccarino wird neue Chefin von Twitter" (ب لالمانية). 2023-05-12. مأرشيڤي من لأصل ف 2023-10-09. تطّالع عليه ب تاريخ 2023-05-13.
  53. ↑ "Pause Giant AI Experiments: An Open Letter". 2023-03-29. مأرشيڤي من لأصل ف 2023-10-14. تطّالع عليه ب تاريخ 2023-04-02.
  54. ↑ "Elon Musk joins call for pause in creation of giant AI 'digital minds'". 2023-03-29. مأرشيڤي من لأصل ف 2023-09-26. تطّالع عليه ب تاريخ 2023-04-02.
Wikimedia Commons ويكيميديا كومنز عندا تصاور و معلومات على إيلون ماسك.
مرجّعة من "https://ary.wikipedia.org/w/index.php?title=إيلون_ماسك&oldid=449097"