شوماج

جوج ديال لمشومرين ف لمكسيك

الشوماج ولّا البطالة هي واحد ضاهرة قتصادية بدات كاتضهر بواحد الشكل كبير فاش بدات الصيناعة و ماكانش هاد المصطلح معروف فالعروبيات. وعلى حساب لمنظمة الدولية د لخدمة شخص لي شومور ولّا مشومر هو أي شخص قادر يخدم و كيطمح يخدم و كيقلب يخدم ولكن ملقاش خدمة.

و من خلال هاد تعريف كيبان بلي ماشي أي واحد مخدامش راه شومور ولّا بيطالي بحال التلامد و لمعاقين و لي كبار ف سن و لي متقاعدين و لي فقدو لأمل ف لخدمة ولّا لي معندومش لݣانة ديال لخدمة مكيتعتبروش بيطاليين.

شنو كنعنيو ب القوة العاملة

القوة العاملة هي جميع الناس اللي قادرين و راغبين يخدمو، مامحسوبينش معاهم لوليدات اللي تحت 15 عام، و الطلبة، و الشرّاف، و الناس العاجزين، و ربات الديور.

معدل ديال الشوماج

هو النسبة ديال عدد الناس اللي فـ الشوماج مقارنة مع مجموع القوة العاملة، وهاد المعدل صعيب نحسبوه بدقة. وكاين إختلاف فالنسبة حسب الوسط واش حضري ولا قروي، وحسب الجنس، والسن، ونوع التعليم، والمستوى الدراسي.

تقدر تحسبو هكا:

معدل الشوماج = (عدد العاطلين ÷ عدد القوة العاملة) × 100

معدل مشاركة القوة العاملة = (القوة العاملة ÷ النسبة الفاعلة) × 100

أنواع الشوماج

• الشوماج الدوري (البنيوي): كيجي بسباب طبيعة النظام الراسمالي اللي كيدور ما بين الإنتعاش والتوسع الإقتصادي، ومن بعد كيوقع الإنكماش والأزمات اللي كيتوقف فيها التوظيف وكيسرحو العمال باش يخففو الأزمة.
• الشوماج المرتابط بهيكلة الإقتصاد: كيوقع ملي كيتبدل الطلب على السلع، أولا ملي كيدخل التقدم التكنولوجي، أولا ملي الصناعات كتمشي لبلدان خرة باش تلقى ظروف أحسن للربح.
• الشوماج المقنع: كيكون ملي شي واحد خدام فخدمة ثانوية ما كتعيششو مزيان، أولا ملي مجموعة ديال الناس خدامين فخدمة اللي يقدر يديرها واحد ولا جوج.
• الشوماج الإحتكاكي: توقف مؤقت على الخدمة، بحال ملي كتبدل من خدمة لخدمة، أولا كتوقف شوية باش تقلب على خدمة جديدة، أولا باش تكمل القراية.
• الشوماج السلوكي: ملي الناس ما بغاوش يخدمو فخدمات معينة حيت المجتمع كيحتقر هاد النوع ديال الخدمات.
• الشوماج المستورد: ملي الخدمة ديال شي قطاع كيخدوها عمال أجانب بلا ما يخليو الفرصة للي محليين، أولا ملي الطلب كيهبط على سلعة محلية ويرتفع على سلعة مستوردة.

أسباب الشوماج

التفرڭيع السكاني: كيمثل الحجم والتركيب النوعي والعمري ديال السكان المصدر الطبيعي ديال قوة الخدمة ف ظل الظروف الإقتصادية والثقافية اللي كايعيشها المجتمع. ماكاينش شك بلي النمو العددي ف حجم السكان كيعكس الأثر ديالو على حجم الناس الجداد اللي كايدخلو لسوق الخدمة كل عام. وكيتجلى التفرڭيع السكاني ف الزيادة الكبيرة ف عدد الناس اللي قادرين يخدمو بزربة كبيرة بزاف، ف المقابل كيبقى عدد البوستات (الخدمات) ثابت علاين أولا كيزيد بشوية بزاف.

النمو البطيء ديال النشاط الإقتصادي: مع الزيادة الكبيرة ف عدد الناس اللي قادرين يخدمو وباغين يخدمو وكايلقو على الخدمة، النشاط الإقتصادي كايكبر بشوية، وهادشي خلا فرص الخدمة اللي كاتناسب هاد الزيادة ف قوة الخدمة قليلة.

الخلل اللي كاين بين سياسات التعليم وإحتياجات التنمية وسوق الخدمة: من الأسباب اللي كاتدير شوماج للمتقرّيين عامة هو الخلل اللي كاين دابا بين سياسة التعليم وسوق الخدمة، وماشي غير حيت ماكايناش المطابقة بين هيكل التعليم وهيكل الإقتصاد، ولكن حتى حيت كاين الإختلاف ف السرعة ديال النمو ديال القطاعين. بمعنى، التعليم كايخرج خريجين أكثر من القدرة ديال الإقتصاد يستغلهم، وخا المجتمع محتاج ليهم.

إلتزام الدولة بتشغيل الخريجين: كايتعرف بلي الدولة كاتتبنى سياسة تشغيل خريجي الجامعات والمعاهد العليا، ولكن حيت توسع التعليم بزاف ف جميع المراحل وطلعات معدلات النمو السكاني وكاين إقبال كبير على التعليم، زادت المخرجات ديالو بزاف. إلتزام الدولة بتشغيل هاد المخرجات خلا إدارات الدولة عامرين بخدمة زايدة ماكاتزيد الإنتاج، بل غير كاتشد الأجور وكاتزيد ف التضخم وكتنقص الإنتاجية ديال الخدمة. وولات سياسة التشغيل الفوري للخريجين عبء إقتصادي وإجتماعي، وولات كتجبر الخريجين وغيرهم من مراحل التعليم لخرة يستناو سنين حتى يتخلقو فرص خدمة ليهم.

الإتجاهات والقيم السائدة: كاتمثّل الإتجاهات ديال الناس ف قطاعات كبيرة من المجتمع نحو الخدمة ف الحكومة عامل مهم ف زيادة مشكلة الشوماج، حيث كايتغرس ف الدماغ بلي الدخول للخدمة العمومية ماكايتحددش غير بمستوى الأجور (حيت حتى الأجور فالقطاع الخاص طالعة على الخدمة الحكومية) ولكن حتى بالمركز الإجتماعي والسلطة وضمان الخدمة طول الحياة. هادشي كايخلي بعض الناس يرفضو خدمات فالقطاع الخاص أملًا أنهم يلقاو خدمة ف القطاع العام، والنتيجة ارتفاع معدلات الشوماج.

قلة الخدمات

إنتشار الحروب

كثرة الخدمة اللي كاتجي من الخارج

كثرة الشباب اللي باغين يخدمو

مصادر

هادي زريعة ديال مقالة خاصها تّوسع. تقدر تشارك ف لكتبة ديالها.