شركة طيسلا
شركة طيسلا
| ||
| ||
| معلومات أساسية | ||
| نوع د لمؤسسة | مؤسسة تجارية، مقاولة و بيزنيس | |
| لبلاد | الولايات المتاحدة د ميريكان و هولاندا | |
| لموضع | أوستن | |
| لمؤسس | مارتن إبرهارد و مارك تاربنينغ | |
| تاريخ د تّأسيس | 1 يوليوز 2003 | |
| عاداد لموضّافين | 140,473 | |
| رئيس | روبين دنهولم | |
| سّيت رّسمي | tesla.com | |
| معلومات إضافية | ||
| عضو ف | LOT Network | |
| تسمّات على | نيكولا تسلا | |
| راسمال | 62,131,000,000 | |
| فروع | ||
| أملاك | ||
| ||
طيسلا هي شركة ميريكانية كتصنع الطونوبيلات د الضو و كتهتم ب الطاقة المتجددة. تأسسات فـ 2003 من عند جوج مهندسين هوما مارتين إبيرهارد و مارك طارپينينڭ. ف 2004، نضمّ ليهم إيلون ماسك، اللي هو واحد من أشهر الشخصيات فـ عالم التكنولوجيا و لي ولّا مستتمر و رئيس مجلس لإدارة ديال الشركة. السمية ديال الشركة جاية من العالم و المخترع نيكولا تيسلا، اللي ساهم ف تطوير تقنيات الطاقة د التريسينتي.
ف 2008، بدات الشركة كاتنتج أول موضيل ديالها لي هوّ طونوبيلة د السپور رودستر. تبعاتو موضيل S ف 2012، موضيل X ف 2015، موضيل 3 ف 2017، موضيل Y ف 2020، كاميو طيسلا سيمي ف 2022، و السايبر كاميو ف 2023. ف يونيو 2021، ولّات طيسلا موضيل 3 أول طونوبيلة د التريسينتي ف التاريخ كايتباعو منها كتر من مليون وحدة.[1] ف 2023، لموضيل Y ولّا أكتر نوع د لمركوب ب 4 د الروايض تباع ف لعالم كامل.[2]
تأسسات طيسلا ف ولاية كاليفورنيا، و بداو ف اللول ب تطوير طونوبيلة د التريسينتي رياضية سموها "طيسلا رودستر". هاد الطونوبيلة خرجات فـ 2008 ونجحات بزاف ف السوق. من بعد، وسعات طيسلا من المنتجات ديالها و ولات كتصنع موضيلات خرة بحال "موضيل S" و"موضيل X" و"موضيل 3" و"موضيل Y".
طيسلا معروفة ب الإبتكارات ديالها ف مجال لباتريات، حيث طورت باتريات قوية ل تخزين الطاقة. و كاين عندهم نظام الصوڭان الداتي (Autopilot) اللي كيخلي الطونوبيلات تصوڭ راسها ف بعض الظروف بلا ما يحتاج تدخل بشري. هاد التكنولوجيا كتعتبر من بين الأكثر تطور ف السوق.[مصدر؟]
بالإضافة للطونوبيلات د الضو، طيسلا كتخدم حتى ف مجال الطاقة المتجددة، حيث كتوفر منتوجات بحال لپانوات الشمسية و نظام تخزين الطاقة "Powerwall". الهدف ديال طيسلا هو تقليل الإعتماد على لفيول لأحفوري و تعزيز تخدام الطاقة النقية.[مصدر؟]
طيسلا حققات نجاح كبير ف الأسواق العالمية، و بداو كيوسعو العمليات ديالهم باش يشملو بلدان كثيرة. الشركة كتكمل ف الإبتكار و تطوير التقنيات ديالها على ود تلبية حتياجات لمستهلكين و تحقيق لأهداف البيئية ديالهم.
- ^ Shahan، Zachary (August 26, 2021). "Tesla Model 3 Has Passed 1 Million Sales". CleanTechnica. مأرشيڤي من لأصل ف September 4, 2021. تطّالع عليه ب تاريخ August 26, 2021.
- ^ Munoz، Juan Felipe (2024-06-13). "These are the world's best-selling cars: The definitive rankings for 2023". Motor1.com. مأرشيڤي من لأصل ف 2024-08-13. تطّالع عليه ب تاريخ 2024-08-13.