دكا صطيناعي
الدكا لإصطناعي (ب نّݣليزية: Artificial Intelligence، مضموصة ب AI، و ب الداريجة نقدرو نضمصوها ب "دص") هوّ مجال ديال لانفورماتيك كيهتم ب تطوير ماكينات و صوفتوير عندهوم قدرات ديال الدكا، لي كيتجلى ف جمع، تركيب، تعميم و ستينتاج لمعلومات، لي ف لعادة كانشوفوها غير عند بنادم و ب درجة قل عند لحيوانات لخرين.[1] من بين هاد لقدرات كاين التعرف على التصاور، لهضرة، و الطرجامة ديال النصوص ب اللوغات الطبيعية، و لقيام ب أعمال معقدة ديال لعقل ؤلا لحاراكة.
التطبيقات ديال الدكا لإصطناعي كاتشمل لموطورات د التقلاب لمتطورة بحال التقلاب د ڭووڭل، سيستيمات ديال التوصية بحال لي مخدّمين يوتيوب، أمازون، فيسبوك، و نيتفليكس، لفهامة ديال لهضرة د بنادم بحال ف سيري و أليكسا، الجينيراتور د النص بحال شاط جي پي تي ؤلا د لأعمال لفنية بحال ميدجورني و ضال إي، الصوڭان لؤطوماتيكي، اللوعاب د السطراتيجية بحال ديپ بلو و ألفا ڭو، و غيرهوم. بزاف ديال التطبيقات لمتطورين ديال الدكا لإصطناعي ماكيتحسبوش "دص" AI حيت ولّاو مفيدين و معمّمين بزاف. هاد لقضية كاتسمى "مفعول دص" AI effect.[2][3]
- ^ "Britannica, Artificial Intelligence". مأرشيڤي من لأصل ف 2023-10-13. تطّالع عليه ب تاريخ 2023-05-17.
- ^ AI set to exceed human brain power مؤرشف 2008-02-19 فموقع وايباك ماشين CNN.com (July 26, 2006)
- ^ Kaplan، Andreas؛ Haenlein، Michael (2019). "Siri, Siri, in my hand: Who's the fairest in the land? On the interpretations, illustrations, and implications of artificial intelligence". Business Horizons. 62: 15–25. doi:10.1016/j.bushor.2018.08.004. ISSN 0007-6813. Unknown parameter
|s2cid=ignored (معاونة)