لحتيباس لحراري
لحتيباس لحاراري ؤلا لمفعول د ڭازات بيت لغرس (نّݣليزية: Greenhouse effect)، هو واحد الپروسيس للي كا يجرا فاش الطاقة الجاية من الشمش د شي كوكب كا تختارق لغلاف لجوي د داك لكوكب ؤ كا تسخن ليه السطح ديالو، ولكن لڭازات د بيت لغرس ف لغلاف لجوي كا تمنع طرف من ديك السخونية ما ترجع نيشان ل لفضاء، ؤ النتيجة هي أن لكوكب كايزيد يسخن. المفعول د لحتيباس لحراري الطبيعي كايخلي لارض ما تهبطش ل درجة حرارة ديال التجمد للي كان ممكن تنزل ليها كون ما كانو فيها حتى ڭازات ديال بيت لغرس. زيد على هادشي، الزيادة على لموعدال الطبيعي د ڭازات بيت لغرس للي كا يتسبب فيها النشاط لبشري كا تخلي لارض تزيد تسخن مع الوقت كثر من ما هي ديجا سخونة.
أكتر ڭاز كيساهم ف هاد لمفعول ف الجو هوّ فوار لما.[1]
مامعروفش تحديداً شكون ختارع هاد لمصطلح ديال "مفعول د ڭازات بيت لغرس"، ولاكين مرجّح بلي لماطيماتيسيان لفرانساوي جوزيف فوريي هوّ اللول لي خدّمو ف 1824، فاش ستنتج بلي لأرض دايرة بحال شي "بواطة سخونة".[1]
- ^ a b "greenhouse effect". تطّالع عليه ب تاريخ 2023-12-09.