عزيز أخنوش

من ويكيپيديا
اذهب إلى التنقل اذهب إلى البحث
عزيز أخنوش
عزيز أخنوش
معلومات عامة
زيادة 1961 (59/60 عام)
تفراوت
لجنسية لمغريب
لحرفة رائد أعمال و سياسي
لفاميلة
شريك سلوى إدريسي أخنوش
لمحيط عبدرحمان بنعبدلعالي (خال)
معلومات خرى
دين إسلام
لحيزب تجمع لوطني د لأحرار
Facebook: AzizAkhannouch Instagram: azizakhannouch Modifica els identificadors a Wikidata


عزيز أخنوش (1961، تفراوت[1] - ) هو بزناس وسياسي مغريبي. هو دابا عضو فلحيزب د التجمع لوطني د لأحرار ورئيس ديالو من 2016. ف 2020 كان الترتيب ديالو 12 فليستة تاع فوربس ديال لميليارديرات د أفريقيا.[2] و حاليا هو رئيس لحوكومة لمغريبية.

حياتو[بدل | بدل لكود]

تزاد عزيز أخنوش ف عام 1961 ف دوار أݣرض أوضاض لي تابع لقبيلة أملن فوسط الأطلس الصغير ف سوس، بّاه هوا لمقاوم لحاج أحمد أولحاج أخنوش، و مو لحاجة رقية عبد العالي، خت عبد الرحمان عبد العالي أول وزير ديال الأشغال العمومية ف حوكومة عبد الله براهيم ف لّخر د لخمسينيات د لقرن لي فات.

مني كمل قرايتو بلإبتدائي و ليسي، مشا يكمل قرايتو ف كندا باش يشد ديپلوم ديال التسيير لإداري ف جامعة شيربروك لكانادية عام 1986، و إنفوا رجع ل لمغريب شد شركة ديال باه لي هي "أفريقيا غاز". ولي منها تفرعو مجموعة ديال شركات لوخرى.

دابا عزيز أخنوش هو الرئيس المدير العام ديال مجموعة "أكوا" لي فيها 50 شركة خدامة ف مجالات قتيصادية مختلفة من محروقات و إتصالات و خدمات.

لكاريير سّياسية[بدل | بدل لكود]

تنتاخب مابين 2003 و 2007 رايس ديال جيهة سوس ماسة درعة. كان عضو فلمؤساسة ديال محمد السادس د لمحافضة على لبيئة، ولمؤساسة ديال محمد السادس دليدماج دلحبّاسة.[3]

عزيز أخنوش هو وزير ديال لفلاحة والصناعة والصيد د لبحر ولما ولغابات من 8 أكتوبر 2007.

ف 29 أكتوبر 2016 تنتاخب عزيز أخنوش رايس ديال لحيزب د التجمع لوطني د لأحرار بلأغلبية.

ف مارس 2020 تبرع عزيز أخنوش ب مليار درهم مغريبية للصندوق لي دارو لماليك محمد السادس على قبل التدبير ديال جايحة ڤيروس كورونا ف لمغريب.[4][5]

ف 10 شتنبر 2021، عينو لماليك محمد السادس باش يكون د رايس لحكومة و كلفو ب تشكيل لحوكومة جديدة.[6]

عيون لكلام[بدل | بدل لكود]

  1. ^ "Parcours : Les success stories du souss". مأرشيڤي من لأصل ف 19 أبريل 2010. تطّالع عليه ب تاريخ 30 شتنبر 2011.
  2. ^ "Africa's Richest Billionaires 2020". forbes.com. تطّالع عليه ب تاريخ 21 أبريل 2020.
  3. ^ عزيز أخنوش، من هم.كوم
  4. ^ Hekking, Morgan (2020-03-17). "Moroccan Government Members Donate Salaries to COVID-19 Fund". Morocco World News (بنڭليزية). تطّالع عليه ب تاريخ 2020-03-26.
  5. ^ "Morocco to create $1 billion fund to counter coronavirus outbreak". Reuters (بنڭليزية). 2020-03-15. تطّالع عليه ب تاريخ 2020-03-26.
  6. ^ (بالأمازيغية) ⵉⵙⵜⵉ ⴱⴰⴱ ⵏ ⵡⴰⴷⴷⵓⵔ ⵎⴰⵙⵙ ⵄⴰⵣⵉⵣ ⴰⵅⵏⵓⵛ ⴰⴷ ⵉⴳ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵎⴳⵍⵜ ⵙ ⵜⵓⴳⵉ ⵏ ⵜⵏⴱⴰⴹⵜ ⵜⴰⵎⴰⵢⵏⵓⵜ
Wikimedia Commons تقدر تزيد شوف بزاف د صور و معلومات ديال عزيز أخنوش ف ويكيميديا كومنز.



Midori Extension.svg
هادي زريعة ديال مقالة خاصها تّوسع. تقدر تشارك ف لكتبة ديالها.