أورير

أورير
‫اورير‬ (ar) ⴰⵡⵔⵉⵔ (tzm)
لبلاصة
لبلاد	لمغريب
لإقليم	عمالة أݣادير إداوتنان
السكان
شحال دالسكان	46,032 (2024)
شحال دلفاميلات	8,292 (2014)
لجغرافيا
لعلو	81 م
معلومات خرين
الرمز لجغرافي	6545566

أورير جماعة ترابية قروية كاينة ف عمالة أݣادير إيداوتنان، جهة سوس ماسة، ساكنين فيها 36919 نسمة، على حسب الإحصاء العام 2014.

اصل السمية

كلمة «أورير» فـلـوغة لـأمازيغية كتعني «الـجبل»، ولـمقصود بيه هو هاداك الـجبل لـي كيشرف على أَسرسيف من لـجهة ديال الـشرق، وعلى تُوڭمان وإڭروفلوس من لـجهة ديال لـغرب وكيتسمى إِكّي واورير. ​أورير عندها سمية خرى وهي لبحر ديال الـبنان بـسباب الـبنان لـحلو لـي كيتزرع فـلـواد وكيتباع فـلـحاشية ديال الـطريق.

الـسكان

لـعام	1994	2004	2014	2024
لعدد ديال الـسكان	--	21.810	36.948	44.406

الـزيادة بالزربة فلعدد ديال الـسكان فـلـلخر ديال لـقرن 20 وبدية لـقرن 21، الـسبب لـأساسي ديالو هو لـهجرة ديال لـعائلات لأمازيغية من لـمناطق لـجبلية لـي دايرة بـالـأطلس الـصغير.

إحصائيات

• نسبة الأمية: 27,1%
• نسبة السكان اللي قاريين فوق الليسي (ليسي و جامعة): 12,1%
• نسبة الناس النشيطين (اللي يقدرو يخدمو): 44%
• سبة البطالة: 15,2%
• نسبة الناس اللي خدامين في الدولة (أولا البيطاليين اللي سبق ليهوم خدمو): 6,5%
• نسبة الناس اللي خدامين ف لپريڤي (أولا البيطاليين اللي سبق ليهوم خدمو): 65,7%

لـمعالم

لـمدينة ما فيها حتى شي معالم تاريخية ولا ثقافية لـي عندها أهمية كبيرة.

الـتاريخ

بانت لأول مرة تجمعات سكنية فوق جبل إِڭي واورير فـعهد سعديين، ومع لـوقت، هاجرو شي عائلات لـهاد لـبلايص: أسرسيف وتاكمو وتُوڭمان وإڭروفلوس، باش يديرو مجموعات سكنية جديدة فـهاد لـمناطق، وبقاو هاد لـعائلات كيعيشو مع بعضياتهم، وكتجمعهم علاقة اجتماعية فـلـحدود ديال لـمعرفة ديالهم. وبـسباب الـصداعات لـي كانت كدوز منها لـمنطقة مرة مرة، هادشي دفع هاد لـعائلات باش يتحالفو من جديد وديرو قبيلة مشدودة قادرة باش تواجه الـتحديات، وتشكلات قبيلة أورير من جديد على شكل تجمعات سكنية مفرقة، كيفما كانت فـلـول.

لـموقع لـإستراتيجي لـي جات فيه أورير، وبـفضل توفر لـعوامل ديال لـإستقرار لـي فيها أراضي زراعية ومراعي خصبة ومياه موجودة، عاون الـسكان ديال لـمنطقة باش يفرضو لـوجود ديالهم، وكما عاون لـأعيان ديال لـمنطقة باش تكون عندهم سلطة قوية فـلـوسط ديال لـمخزن فـهاداك لـوقت. هكدا بقات كل عائلة مستقرة فـلـبلاصة لـي هاجرات ليها من لـبدية، وتماك كنهضر على تاكموا وأسرسيف وتوڭمان وإڭروفلوس لـحدود عام 1960، فاش لـمنطقة ضربها زلزال قوي خلا 130 واحد ميت فـأسرسيف وحوالي 40 وحدة خرى فـتاكمو وإكرفلوس وريب لـبني كلو.

كيعتبر عام 1960 هي لـبوان ديال لـتحول فـلـحياة ديال لـأوريريين، حيت بدا لـهجير مرة ثانية من لـبلايص لـعالية لـلـوطا، وهادشي خلا لـمساحات لـزراعية تنقص وبان شكل جديد فـلـبني ديال لـديور على لـعكس ديال لـشكل لـقديم ولـموروت، وتفككات لـعلاقات ديال لـعائلات لـي كانت كاينة من قبل وضعافو لـروابط لـعائلية. هاد لـأمر حل لـباب لـلـبيع ديال لـأراضي وهادشي غير لـخريطة ديال لـمنطقة. وكتمتد لـمساحة لـجغرافية ديال هاد لـقبيلة من فونتي (لـمرسى ديال أڭادير) حتى لـلـحاشية ديال جبال إداوتنان. وفـعام 1992 تدارت فيها جماعة قروية من بعد ما كانت تابعة فـلـقديم لـجماعة تيكوين.

مصادر

ويكيميديا كومنز عندا تصاور و معلومات على أورير.

هادي زريعة ديال مقالة خاصها تّوسع. تقدر تشارك ف لكتبة ديالها.