أݣادير
أݣادير
| ||||
|
أڭادير (ary)
| ||||
 | ||||
| تاريخ التأسيس | 1505 | |||
| لبلاصة | ||||
| لبلاد | لمغريب | |||
| لإقليم | عمالة أݣادير إداوتنان | |||
| لإدارة | ||||
| لعمدة | عزيز أخنوش (24 شتنبر 2021) | |||
| السكان | ||||
| شحال دالسكان | 538,000 (2023) | |||
| اللوغات | عربية | |||
| شحال دلفاميلات | 105,057 (2014) | |||
| لجغرافيا | ||||
| لميساحة | 53,789 كم² | |||
| لعلو | 74 م | |||
| خط الطول بـ ° | -9.58333 | |||
| خط لعرض بـ ° | 30.41667 | |||
| معلومات خرين | ||||
| توقيت ديال لمدينة | التوقيت د وسط أوروپا ڭريتينش ڭرينيتش + 1 | |||
| نمرة التيليفون لمحلية | 48 | |||
| كود د لبوصطة | 80000 | |||
| السيت الرسمي | agadir.ma | |||
| الرمز لجغرافي | 2561668 | |||
| لخريطة | ||||
 | ||||
أݣادير هي مدينة كبيرة فالمغريب وجات تقريبا فالوسط ديال الساحل الأطلسي المغربي، كاينة فعمالة أݣادير إداوتانان ؤ هي لعاصمة ديال جهة سوس ماسة. الناس ديال أݣادير أمازيغ كيهضرو بتَاشلحِيت.
أݣادير هي واحد من لمراكز لحضرية ف لمغريب. لبلدية د أݣادير مسجلة ساكنة تعداد ديالها 924.000 فلإحصاء ديال 2014. حسب لإحصاء ديال 2004، كانو 346.106 ديال السكان فداك لعام و 487.954 ديال سكان فلعمالة ديال أݣادير إداوتنان.
لغات للي كايهضرو بها ف أݣادير هي: تاشلحيت (لوغة لولة ديال لأغلبية), دارجة و لفرانساوية.
لمدينة تدمرات بواحد زلزال ف1960. تعاودات تبنات كولها بمعايير زلزالية إجبارية. هي دابا أحد أكبر المنتجعات لبحرية فلمغريب، للي كايجيو ليها عدد كبير من سياح لأجانب وداخليين للي كاعجبهوم لجو ديالها زوين على مدار سنة.
مقالة متعمقة: إݣودار
أݣادير هي واحد الكلمة من الأمازيغية للي تتعني "لمخزن لمحصن".[1] كلمة "أݣادير" هيّ لي تطرجمات ل الداريجة و لعربية حرفياً ب "لمخزن" و كاتخدّم من عهد لموحدين ب معنى جهاز ديال الدولة ف لمغريب.[2]
كاين بزاف ديال لمدون ف لمغريب سميتهم أݣادير. سمية لكاملة ديال أݣادير بتاشلحيت هي أݣادير ن يغير (ⴰⴳⴰⴷⵉⵔ ⵏ ⵢⵉⵖⵉⵔ), حرفيا لحصن ديال لكاپ (the fortress of the cape), زعما على حساب لخليج لي حداها. إيغير بتاشلحيت كايقصدو بيها كدية ولا جبل. تسمّات أݣادير ببزاف ديال السميات بحال أݣادير لْعَرْبا، لعين لْعَرْبا، فونتي، تِݣْمّي أوݣادير لْعَرْبا، تِݣْمي أورومي، و تسمّات يامات لإستعمار البردقيزي ب سانتا كروز دو كابو دي أݣير.[3]
الناس ديال أݣادير كايتسمّاو بتاشلحيت ݣ أوݣادير، بلجمع آيت أوݣادير. لمؤنت ديالها هو أوت أوݣادير، بلجمع إست أوݣادير.
تاريخ ديال أݣادير لمسجل قبل لقرن 12 مامعروفش عليه بزاف.
أقدم دكر ل أݣادير فلخرائط كايرجع لعام 1325. مع نهاية ديال لقرون لوسطآ أݣادير ولات مدينة مشهورة ومعروفة.
ف 1505، لبرطقيز للي كانو ديجا مأنسطاليين ف ساحل لمغريبي، أسسو واحد لمقر تجاري ف كدية، سميتو Santa Cruz do Cabo de Aguer ف لبلاصة لي معروفة دابا ب فونتي، و كان عندها حاكم.
لبرطقيز ماطولوش بزاف حيت كانو ديما كايهجمو عليهم لقبائل لمحلية. من 1530، كانو محاصرين ف سانتا كروز. الضعف لبرتغالي بان ف 12 مارس 1541 فاش السلطان السعدي محمد الشيخ شد لحصن ديال سانتا كروز دي أݣير. 600 برطقيزي لي بقاو عايشين خداوهم كـ أسرى، من بينهم لحاكم، Guterre de Monroy، وبنتو Dona Mecia, لي راجلها تقتل فلمعركة، ولات زوجة ديال محمد الشيخ لكن ماتت فلولادة سنة 1544. فنفس سنة، محمد الشيخ غادي يطلق Guterre de Monroy, للي ولا عشيرو.
من مورا ما لبرطقيز مشات ليهوم أݣادير، بداو كايخسرو بلايص أخرين، بحال أزمور و آسفي. من مورا 1550، لبرطقيز ما بقاو كايكسابو والو فلمغريب من غير مازاݣان (الجديدة), طنجة و سبتة.
ف عام 1540، غادي يبني السلطان محمد الغالب لقصبة د أݣادير أوفلا بعدما شد لحكم مورا محمد الشيخ السعدي. كانت كتسما هاد لقصبة ب "أݣادير ن يغير"، اللي كاتعني ب لحرف "لحصن ديال الكدية" ب تاشلحيت.
ف لقرن 17، تحت لحكم ديال السلالة لأمازيغية ديال تازروالت، أݣادير كانت مرسى عندو أهمية كبيرة، و كانت عندو تجارة مع أوروپا. أݣادير كانت كاتاجر أساسا ف السكار، الشمع، النحاس و الجلد. لأوروپيين كانو كايجيبو سلعة ديالهم، اللي غالبا ما كاتكون سلاح ولا نسيج. ف لحكم ديال لإمبراطور مولاي سماعيل و اللي جاو موراه، التجارة مع فرانسا، اللي كانت شريك تجاري نشيط تراجعات و خداو بلاصتها النݣليز و لهولانديين.
ف 1731، لمدينة تدمرات كليا بسباب زلزال. لمرسى ديال أݣادير ديك ساع تسد فاش الصويرة تبنات ف شمال ديالها.
ف 1911 كانت أزمة أݣادير بين فرانسا و ألمانيا، حيت ألمانيا غادي تصيفط واحد لباطو حربي للسواحل ديال أݣادير و دارت السبة بلي باغية تحمي لالمانيين لي ساكنين ف أݣادير ولكن ف الواقع ألمانيا بغات تستعمر أݣادير. غاتسالي هاد لموشكيلة بعدما عطات فرانسا واحد شوية من الݣابون و الكونݣو ل ألمانيا.[4]
ف1960، زلزال خايب ضرب لمدينة خلا موراه 15.000 ميت و تدمرات تقريبا أݣادير كاملة.[5]
ساكنين فيها 420،288 نسمة، على حسب الإحصاء العام 2014.[6]
- نسبة الأمية: 17,9%
- نسبة السكان اللي قاريين فوق الليسي (ليسي و جامعة): 27,6%
- نسبة الناس النشيطين (اللي يقدرو يخدمو): 50,8%
- نسبة [[شوماج|البطالة]]: 17,2%
- نسبة الناس اللي خدامين في الدولة (أولا البيطاليين اللي سبق ليهوم خدمو): 14,1%
- نسبة الناس اللي خدامين ف لپريڤي (أولا البيطاليين اللي سبق ليهوم خدمو): 58,8%
- ركبة ل أݣادير Ride to Agadir: غنية ديال مايك باط، لي غناوها من بعد تا موغنين خرين بحال بوني م.
- أݣادير Agadir: رواية ديال لكاتب لمغريبي محمد خير الدين
هاد التصويرة تصورات من أݣادير أوفلا
خريطة ديال المدينة عام 1885
دخلة ديال لقصبة
- ↑ K. Naït-Zerrad, Dictionnaire des racines berbères, Ḍ-G, Louvain: Peeters, 2002, p. 734.
- ↑ محمد شفيق (1999). الدارجة المغربية، مجال توارد بين الأمازيغية و العربية (PDF) (ب لعربية ودّاريجة). الرباط: أكاديمية المملكة المغربية. pp. 52–53. Archived from the original on 2023-06-17. تطّالع عليه ب تاريخ 2025-01-14.CS1 maint: unfit url (link)
- ↑ "ما يجب أن تعرفه عن "أغادير" أجمل مدن سوس المغرب". نون بوست (ب لعربية). 2018-09-13. مأرشيڤي من لأصل ف 2022-12-02. تطّالع عليه ب تاريخ 2022-07-03.
- ↑ "The Agadir Crisis of 1911". History Learning Site (ب نڭليزية). مأرشيڤي من لأصل ف 2023-04-07. تطّالع عليه ب تاريخ 2022-07-03.
- ↑ "AGADIR EARTHQUAKE". مأرشيڤي من لأصل ف 2021-02-27. تطّالع عليه ب تاريخ 2022-07-03.
- ↑ "RGPH 2014 - Site HCP". مأرشيڤي من لأصل ف 2023-07-02. تطّالع عليه ب تاريخ 2020-01-04.
 |
ويكيميديا كومنز عندا تصاور و معلومات على أݣادير. |