ويكيپيديا:ميزان لكلام/أرشيڤ 3

هاد لپاج راها أرشيڤ. عافاك ماتبدّلش فيها. باش تزيد مداكرة ؤلّا تعليقات جداد عافاك سير ل للپاج د لمداكرة د لوريجين.

استعمال الهمزة

كيفاش يكون استعمال الهمزة؟ :

• نحترمو الطريقة العربية : الهمزة فوق ا و ي على حساب صوتها
• نكتبوها ديما ف نفس البلاصة؟ على السطر متلا؟
• الهمزة ف لبدو ديال الكلمة ف العربية كتكب ديما على ا. نتبعو نفس الطريقة؟ الأمور؟ ولا لؤمور؟

--Saad Nabbi (نقاش) 15:36، 23 يوليوز 2020 (+01)

الهمزة فبزاف ديال لبلايص مكتكونش فالدارجة هادشي راجع للطريقة باش كانقراو لقرآن فلمغريب اللي هي رواية ورش مكتنطقش الهمزة وتاحنى تبعنا نفس لقضية فلهضرة لعادية.

كانقولو لومور ماشي الأمور، ليسلام ماشي الإسلام، لبير ماشي البئر...

هادو الهمزات اللي كايكونو فوسط لكلمة اما دو الهمزات بحال "ؤلا" للي كايقولوها شي مناطق فبلاصة "ولا" فعادي تكتبها كيما عجباتك...

لهمزات للي كايكونو فلّخر ديال لكلام تاهوما ماكانطقوهومش ولكتبة بلا بيهم مفهومة بحال حمراء=حمرا، خضرا، السماء=السما... Daas sam (نقاش) 15:56، 23 يوليوز 2020 (+01)

سلام @Daas sam @Saad Nabbi. تقدرو تشوفو لمداكرة و لڤوط لي كاينين دابا على لقاعدة د لهمزة: الهمزة في اللخر ديال لكلمة Ideophagous (مداكرة) 11:41، 1 يناير 2024 (+01)

التعريف

التعريف فدّاريجة مامتافقش مع انو يكون فبزاف د لبلاص فاش كايكون لموضاف احسن حاجة هي تخلي لّام بوحدو. زائد كاين شي بلايص فين كاتستغني على "ال" وكاتدير الشدة فلول ديال لكلمة بحال ماباين فهادشي اللي كانزمم دابا. ومانساوش بان دّاريجة ديالنا فيها ادوات تعريف اخرين بحال "شي" للنكرة و"داك" للمعرف... وكاين امثلة اخرى بزاف. زائد ملاحظة اخرى رانا هنا كانعتقو لغة على گدها كانت غادي تغبر بسباب واحد السياسة رسمية ديال شي ناس الله يسمح ليهم الى لاحظتي لقصايد لقدام ولا كلام جداتك غاتلقى كلمات غبرو وتبدلو بكلمات دخيلة من ورى ليستعمار بسباب ديك السياسة. يعني مافيها باس نكونو راديكاليين شوية فكيفاش نتعاملوا مع لوغتنا باش تسهال على بنادم يتعلمها يقراها كيف ينطقها ماعندناش وقت نتسناو 400 عام بحال السبليون رانا فوقت ثقافات كايذوبو سعاك لّوغات راه غاينقارضو. وهنا كانسهلو لمسؤولية حتى على مالين شّي باش نهار يبغيو يتاخذو قرار بعقلو وجريء يلقانا وجدنا ليهم لاباز ديال لوغة بقواعد وبطريقة كتابة. المقروئية كاتكون صعيبة تتبدل نهار كاتكون عندك قواعد مضبوطة وانتاجات ادبية غزيرة ماحدنا باقي يلته قلنا بسملاه بدل الى كاين ماتبدل Daas sam (نقاش) 15:37، 23 يوليوز 2020 (+01)

شخصيا متافق نحيدو تّعريف إيلا غادي نكتبو شّدّة. ولكن ما عرفتش واش عمليا هاد طّريقة مريحة.--Saad Nabbi (نقاش) 16:31، 23 يوليوز 2020 (+01)

قريت كلامك عادي واخا ماعمرني كنت مولف عليها. يعني خاصنا غي نزعمو شوية وصافي Daas sam (نقاش) 21:16، 23 يوليوز 2020 (+01)

تبدال "إ" ب "ي" مورا التعريف

ف الدريجة كتطرى ضاهرة ديال تبدال إ ب ي فاش ديك إ كيسبقها التعريف: الإعصار/ليعصار، الإدارة/ليدارة واش بجوج مقبولين، ولا وحدة مهم؟ وفوياخ نكتبو وحدة وماشي لوخرا؟ --Saad Nabbi (نقاش) 15:41، 23 يوليوز 2020 (+01)

ليعصار ليستعمار... احسن من لكتابة لوخرا. شوف موضوع الهمزة فصحة ميزان لكلام Daas sam (نقاش) 15:59، 23 يوليوز 2020 (+01)

خلق مصطلحات/وعبارات جديدة

فهاد نقاش بغيت نحط لفيكرة ديال نخلقو مصطلحات وعبارت جديدة لدّاريجة ديالنا. فنّقطة ديال لعبارات شي جمل ولاو مستخدمين عند دّراري لي قراو فلمداريس غي حيت تلقناهم هكاك بينما كان ممكن نلقاو ليهم بديل فدّاريجة بعبارات مزيانين. -مثال: كانقترح نبدلو كلمة "قبل/ميلاد لمسيح" ب"قبل/بعد زيادة لمسيح"... ونمشيو بهاد طّريقة فخدمتنا

وفلقضية ديال خلق كلمات جداد، بلخصوص فلمواضيع لعيلمية، لي محتاجة هادشي بزاف. خاص نستعملو كليمات تكون جاية من الداريجة وراكم عارفين لميزان ديال الداريجة كيفاش كايوزن لكلام. وفهادشي قبل ماتحاول تجيب شي كلمة جديدة مافيها باس تمشي تطل على etymology ديال كل كلمة، ونستاعنو بطّريقة ديال لمالطيين فهاد ضّومين.

كاين شي شباب كايحاولو يبسطو لعلوم بالداريجة فمواقع التواصل تاهوما مزيان تتواصلو معاهم الى بغيتو شي كليمات. وكاين عندي شي كتوبة ديال تبسيط العلوم بالداريجة لي بغاهم باش يعاون بيهم يخلي ليا ميساج. Daas sam (نقاش) 18:38، 24 يوليوز 2020 (+01)

تعليق على خلق لكلمات

السلام عليكم,

الصراحة لقضية د خلق كلمات جداد مزيانة بزاف ولكن صعيبة وكاتاخد جهد ووقت بزاااااف اللي نقدرو نكتبو فيهم 1000 مقال. أنا ماعنديش مشكل نخلقو كلمات جداد (بحال اللي درنا لبزازليات بلاصة الثدييات) ولكن واش يكونو ناس اللي مكلفين بيهم؟ حيت ماشي كلشي مسالي/باغي ولكن هي كفكرة را مزيانة بزاف وأتعاونا نغنيو الدارجة بزاف.

مع التحيات

Anass Sedrati (نقاش) 19:37، 31 يوليوز 2020 (+01)

تعليقات على الاجوبة ديال Daas sam

خاصنا نفرقو مابين الكتابة و النطق، هاد جوج حوايج ما كيكونوش متوافقين ب الضرورة و هادشي قايم ف بزاف ديال اللغات. ب النسبة ل الهمزة اللي هضرتي عليها، الهمزة كاتزول ف شي كلمات و كاتبقى ف كلمات اخرين. و كاينين لهجات اللي كيحافضو على النطق ديال الهمزة و اللي الرمز ديالها ف الفونيتيك هو /ʔ/ يعني (glottal stop). يمكن لينا نكتبو الدارجة ب بزاف ديال الطرق، لكن اللي ما يمكنش لينا نديروه (و اللي ما دارتو حتى لغة ف التاريخ من غير اللغات اللي بدلو الحروف ڭاع، بحال التركية و الأزربيجانية) هو نخلقو كتابة جديدة على الناس. كلمات بحال "لومور، ليستعمار، ليعصار" هوما كلمات اللي بكل بساطة غراب شكليا على العين المغربية. ما يمكنش نقولو "لا، المغاربة غادين يتسانسو معاهوم"، هادي ماشي حجة صالحة. "لومور" ملي كانشوفها كانفهمها على أساس سمية ديال شي شخص، ملي قلبت لقيتها نيت سمية. (https://www.ancestry.com/name-origin?surname=lomor)

ف البحت ديالي ف الميدان د اللسانيات، كنت هضرت على سؤال المعيرة ف الدارجة (حيتاش كان هو الموضوع ديالي ف الماستر)، طلبت من 100 د الناس يكتبو الجملة ديال "مشيت البارح ل المكتبة باش نشري كتاب كيهضر على الأمية ف المغرب"، حتى واحد فيهم ما كتب "لبارح"، "لمكتابا"، "لؤميا" ... ولا حتى كلمة ب هاد الشكل، حيتاش هاد الشكل ما كاينش ف التصور ديال الكلمات ب الدارجة، و ب التالي ما يمكنش لينا نفرضوه، و إلا مشينا حتى فرضناه، ما غادينش نقدرو نجدبو الناس يكتبو معانا.

تانيا، الناس ملي غادين يجيو يديرو بحت ف ويكيپيديا على "الاستعمار"، حتى واحد ما غادي يفكر يكتب "ليستعمار"، أنا وقع ليا نفس المشكل ملي دخلت ل ويكيپيديا أول مرة، بغيت نكتب أرتيكل على طنجة، كتبت "طنجة" ف البلاصة ديال البحت ما طلع ليا والو، قلت مع راسي الارتيكل ما كاينش، و قررت نكتبو، حتى دازت إيام عاد كتاشفت بيلا الارتيكل كان ديجا كاين، غير هو طنجة كانت مكتوبة "طانجا". و زيدون، ادا قلنا "ليستعمار"، ضونك كيفاش غادي يكون النكرة؟ "يستعمار"؟ و زيدون عوتاني، أنا ما كانضنش بيلا الناس كيقولو "ليتسعمار" أصلا، حتى الا بغينا نكتبوها كيف كاتنطق، خاصنا نكتبو "سّتيعمار" (أنا بعدا هكدا كانقراها)

تالتا، كاين بزاف ديال الناس اللي دارو الدارجة لغة ديال الكتابة ديالهوم، حنا ماشي أول وحدين غادين نكتبو ب الدارجة باش نعطيو ل ريوسنا الحق نخلقو لغة جديدة، مراد العلمي، دريس المسناوي أمغار كيكتبو روايات عندها قيمة أدبية كبيرة ب الدارجة، حتى الانجيل (الكتاب المقدس ديال النصارى) عندو نسخة ب الدارجة المغربية و اللي تحتارمت فيه بزاف ديال المعايير، من بين هاد المعايير كانلقاو المقروئية ديال الكلمات.

المعيرة ماشي هو تخلق كتابة جديدة ل واحد اللغة، الا كان هادا هو الاعتقاد ديالك راك غالط، الاكاديمية ديال اللغة الفرنساوية ماشي جات و قالت "ما كراهتش نكتبو compter ب mp و ب er" غير هكداك" راه حيتاش هاديك هي الكتابة الاصلية ديال ديك الكلمة من اللغة اللاتينية و ادا كتبتي ل شي فرانساوي "konté" ولا "conté" غايقول ليك "شنو هادشي؟". و الا جينا نشوفو اللغة النڭليزية، راها معروفة بيلا ما كاتقراش كيف ما كاتكتب، الا جينا نكتبو "communication" كيف ما كاتنطق غادين نكتبو "kemyunikeyshen". ضونك كيفاش غانكتبوها؟ غانكتبوها كيف ما كاتتكتب ف الاصل ديالها اللي حتى هو جا من اللاتينية.

ادن شنو هي المعيرة؟

المعيرة هي نتافقو على الحوايج اللي المغاربة فعلا ما متافقينش فيهوم، نعطيك هاد الأمتلة:

• الكلمات اللي فيهوم حرف "ث"، "ذ"، "ظ"، واش نخليوهوم ولا نبدلوهوم ب الحروف اللي كاننطقو ف المغرب (ت، د، ض)؟
• النفي ف الدارجة، واش نكتبوه "ما عنديش" (مفارقة) ولا "ماعنديش" (ملاصقة) ولا "معنديش" (ملاصقة و بلا ألف) - لاحض بيلا ما عطيتش الاوپسيون ديال "ش" مفارقة حيتاش ما كاينش اللي كيفرق "ش" ديال النفي على الكلمة اللي قبل.
• التصريف ف الدارجة ديال الحاضر: واش نكتبو "كانلعب" ولا "كنلعب" - "كيكتب" ولا "كايكتب"؟
• واش نكتبو واو العطف ملاصقة مع الكلمة اللي وراها (أنا وكريم) بحال العربية؟ ولا نكتبوها مفارقة (أنا و كريم) بحال ما كيكتبوها بزاف د المغاربة؟

هاد الاسئلة (و كاينين اسئلة كتار) هوما اللي خاصنا نتكلمو عليهوم ف المعيرة. و كانعاود نأكد (ها هي كلمة اخرى فيها الهمزة منطوقة) بيلا المعيرة ماشي هي نديرو توافق ما بين الكتابة و النطق، ماشي اللغات كاملين خاصهوم ضروري يكونو بحال الصبنيولية.

الترجامة دكلمات علمية كاتسالي ب tion

سلام خوتي، كايبان ليا باللي الا بغينا ندرجو شي كلمات جداد من هاد النوع بحال concentration,بلاصت مانديرو كونصوطراسيون وكاين اللي غايدير كونصونطراسيو(فالنطق نقدرو نطقوها مزيان ولكن النون المعجمة بالفرونصي مكايناش بالخط العربي ) كايبان ليا حسن نهزو الراديكال "concentr"="كونصونطر" وكانزيدو ليه السوفيكسات و لپريفيكسات الدارجية "تا-راديكال-يت" باش تولي "تاكونصونطريت" . كاينين استثناءات لهاد القاعدة وهوما لكلمات اللي ضايرين بحال الطانسيو، موسكيلاسيو . OussamaOuh (نقاش) 19:50، 31 مارس 2021 (+01)

مرحبا سّي أسامة. لقتيراح ديالك مزيان ؤ أنا مبدئيا متافق معاه. --Ideophagous (نقاش) 09:07، 01 أڤريل 2021 (+02)

لمساعدة ف ويكيقاموس

سلام أ دّراري @Anass Sedrati, Reda benkhadra, سمير تامر, OussamaOuh, Abdeaitali, Ayour2002, و Elmerrakchi:. لّي بغا يعاون ف زّيادة د لكلمات ف لويكيقاموس، ها هوّا لفيشيي إكسيل باش راني خدّام. كاينين تماك كلمات ديجا مدخّلهوم، يصلاحو كا أمتلة. يقدر بنادم يقلب عليهوم ف لويكيقاموس باش نيت يشوف كيفاش كيبانو تماك. أنا حاليان خدّام سيرتو علا حرف لّيف ف لكاتب ديال محمد شفيق. يلا شي حد بغا يخدم علا نفس لكتاب، حسن يلا بدا ب شي حرف أخور. غير يڭولها هنا باش نقدرو نّسقو بيناتنا (ؤلا نديرو تّنسيق ف لويكيقاموس حسن) ؤ مانديروش خدمة معاودة. ف جميع لحالات حسن يلا لواحد قلّب علا لكلمة باش يتيقن بلي ماداخلاش قبل مايسخسخ راسو معاها. فاش يكمل شي حد عدد د لكلمات (شحال ما بغا)، يسيفط ليا لفيشيي ؤ غادي نجينيري لكود منو ؤ ندخل لكلمات ل لويكيقاموس. حتا يلا بغا شي حد يدخّلهوم رّاسو، نقدر نسيفط ليه لفيشيات لّي تجينيراو ؤ يحلهوم، يكوپي لكود ؤ يدخل لكلمات. من بعد فاش يخرج لويكيقاموس من لحاضنة، يقدر داريجابوت يدخّل لكلمات مباشرة من ليكسيل. يلا كانت شي حاجة ماواضحاش ؤلا شي ملاحضة ؤلا قتيراح، مرحبا. --Ideophagous (نقاش) 22:57، 15 ماي 2021 (+02)

بريفيكسات

سلام أ دّراري @Ideophagous, Reda benkhadra, Anass Sedrati, سمير تامر, و عصام أزناك:. شنو بان ليكوم فالزيادات الي كايتزادو للكلمات ؟ بحال Endo,Exo,Hyper,Hypo,infra,supra,extra,macro,micro... واش نخليوهوم كيما هوما باللاتينية و لا ندرجوهوم ؟ OussamaOuh (نقاش) 12:59، 18 يونيو 2021 (+01)

أهلا سي @OussamaOuh: شكرا علا لميساج ديالك. راه فايت كان واحد نيقاش هنا علا نفس لقضية، و تقرر لپريفيكس يكون ب داريجة معا شي حالات قلال لي كيبقا ف لأصل ديالو. --Reda benkhadra (نقاش) 13:08، 18 يونيو 2021 (+01)

شكرا على التعليمة @Reda benkhadra: OussamaOuh (نقاش) 13:58، 18 يونيو 2021 (+01)

ترجيمة ديال Stereotypé

أما حسن واش نخليوها نيت مستيريوتيپي(واخا تقيلة على اللسان) ، ولا نجيبوها من لعربية : منمط ؤلا نركبوها : معروفطريقو / معروفقوامو ؤلا يلا كاينين قتيراحات خرين حسن منهوم بالداريجة ؟ OussamaOuh (نقاش) 00:25، 29 يونيو 2021 (+01)

كنضن "منمط" جات ساهلة ف نّوطق. مي هادشي ماكيمنعش نخدمو "مسطيريوتيپي". لوخرين يقدرو مايفهموهمش بزاف د نّاس يلا كتبتيهوم مجموعين، ضونك حسن تفرقهوم. أهم حاجة هيّا تّيكست يكون مفهوم مزيان ؤ ساهل ف لقراية. --Ideophagous (نقاش) 07:02، 29 يونيو 2021 (+02)

النسوبا بالدارجة

سلام ، آش ضهر ليكوم فهاد لمسالة ؟ 1/4= الربع بلاصت الروبوع 2/3 = جوج تلوتا بلاصت التولوتاين (ؤ بلا " د " حيت ماقبل منها كاتسالي بالسوكون) 3/4 = تلاتة د ربوعا بلاصت تلت رباع (ؤ هاد لخطرة ب "د" حيت ماقبل ماكاتساليش بالسوكون) OussamaOuh (نقاش) 00:54، 22 يوليوز 2021 (+01)

معا هاكا كانڭولها أصلا، ضونك متافق. ب نّسبة ل لمتنى د لعربية راه ماكاينش ف دّاريجة من غير 7 د لكلمات لّي مستعملين بزاف: قسمين، ساعتاين، يوماين، شهراين، عاماين، ميتين، ألفاين. كاينين شي كلمات قدام دكرهوم ليرشوندي ف كتابو، ولاكين مابقاوش مخدمين (منهوم رطلاين). حيت كانشوف شي مرات شي وحدين كيكتبو ب لمتنى (متلا مملكتين، كتابين) ؤ هادا غالط يلا عتابرنا لستيعمال لعام د دّاريجة. -- Ideophagous (نقاش) 07:16، 22 يوليوز 2021 (+01)

فرق بين عيشة و معيشة

سلام و مبروك لعواشر ، كايبان ليا باللي خاصنا نفرقو مابين هاد جوج كلمات : عيشة = الحياة ، life معيشة = نمط الحياة ، lifestyle شنو ضهر ليكوم ؟ OussamaOuh (نقاش) 20:39، 22 يوليوز 2021 (+01)

هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.

الشدة: كيفاش غانمتلوها فلعنوان؟

@Ideophagous, Anass Sedrati, Reda benkhadra, و OussamaOuh: تحياتي ليكوم لإخوان. ماكرهتش نهضرو على كيفاش غانمتّلو الشدة فلعناوين ديال لمقالات ولقوالب ولپاجات لخرين. أنا كانشوف باللي ضروري خاص تكون شي حاجة تمتلها، متلا "ال" فاللول ديال لكلمة. متلا (على سبيل لمتال ماشي لحصر ومايتقلقش مني اللي كتب لمقالة :) ) "مجلس نواب" جات خايبة فلمنضر وماكاتبانش واش فيها شدة، واخا راه كاينة حيتاش النواب مضاف إليه ديال مجليس. ماعرفتش هادشي يقدر يتلف الناس حتى فالتقلاب ولقراية. آش بان ليكوم؟ --سمير تامر (نقاش) 15:48، 8 شتنبر 2021 (+01)

ب صراحة أنا كاتجيني ديك ال غير زايدة حيت ماكاتّنطق لا لّيف لا لّام. بعدا لعربية كاتّنطق فيها لّيف حتا معا لحروف شّمسية. ف جميع لحالات يلا بغينا نتبعو سيستيم جديد د لكتبة لي يكون مناسب ل دّاريجة ضاروري غادي يخص لقاريين واحد لمدة باش يولفو يقراو بيه، ؤ حنا نيت باش نولفو نكتبو بيه. هادشي ماكيمنعش باش نديرو شي تّيفاق مرحالي علاما نكونو رصّينا لقواعيد د لكتبة. أما لقضية باش يعرف بنادم واش كاين تعريف ؤلا لا، راه كاينين لوغات عر منا، بحال رّوسية مافيهاش أصلا علامة د تّعريف ب مرة، ؤ بنادم خاصو يفهم غير من لكونطيكست واش كاين لكلمة معرّفة ؤلا لا. --Ideophagous (نقاش) 15:54، 8 شتنبر 2021 (+01)

@Ideophagous: هانتا، واش ماشي مزيان إلا تسهلات لقضية؟ زعما داك الليف واللام واخا زايدين راه قاضين غرض ديال يبينو لإضافة والتشديد. أما تبقى لعناوين كولها نكرة هكاك كاتبان ليا ماجاتش. أنا ماكاندويش على لعناوين اللي فيهوم كلمة وحدة (بحال شجرة، تفاح، دولة، سلاح...) هادو مزيان إلا بقاو نكرة غايكون التقلاب عليهوم ولخدمة بيهوم فلمقالات ساهلة، ولاكين متلا "لحركة شعبية" أولّا "حيزب طليعة" كاتبان بحال إلا غا زديان دلكلمات بلا قواعد. أنا ماعرفتش أنا غاݣلت وصافي. --سمير تامر (نقاش) 16:06، 8 شتنبر 2021 (+01)

سلام خاي @سمير تامر:، يلا كان تّيفاق د جّماعة، سيرتو ب نّسبة ل لعناوين، ماشي موشكيل. نشوفو شنو يڭولو لوخرين. --

Ideophagous (نقاش) 17:26، 8 شتنبر 2021 (+01)

سلام دراري،@سمير تامر و Ideophagous: كايبان ليا خاص تمتلوها بحال لعربية وهادشي اللي كاندير أنا "مجلس النواب" مفهومة و ساهلة ماهلة حتا على لقراي ديال النص. و حتا ئلا رديتو لبال للنطقان ديالها ماكانقولوهاش ناشفة "نّواب" ضروري ماكانزيدو واحد "ء" قبل منها واخا ماكاتكتب! وكاتكون مسكّنة باش تقرا بحال هاكا /مجليس ءْنووّاب/ حاولو تعادوها بشوية فدماغكوم وغاتلقاو هاد لقضية، ساع هادشي علاش كاتبانليا ديك ال الشمسية ضرورية حتا فالداريجة وماشي غار لعربية ، حاجة خرا ديك "يدير" مهم ڭاع لفعال بالصيغة اللي كايبداو ب "ي" فلحقيقة و فالنطق اللي معمول بيه خاص ئتبداو ب "ئ" ولا "إ" ، بحال "يدير" خاصها تولي "ئدير"/"إدير"، "يقدر"=>"إقدر"، "ينتاقل" => "إنتاقل" ... من غير لمضارع "كايدير" كاتبقا ديك ل "ي" هادي خاصية فالدارجة كاتبعد فيها على لعربية لفصحا اللي كايكون فيه النطقان دل "ي" باين ؤ مافيهش تخرشيش (و فنفس لوقت نقطة تقارب معا لأمازيغية حيت لفعال فل infintif فالامازيغية حتاهوما كايبداو ب "إ" بحال "إطاس" زعما "إنعس") هاد الصيغة موجودة علقليل فلمنطقة اللي فيها أنا والايني ماعرفتش لبلايص لخرين واش حتاهوما نفس لقضية ؤلا لا-- OussamaOuh (نقاش) 18:01، 8 شتنبر 2021 (+01)

سلام خاي @OussamaOuh:. أنا ب صراحة كانّطقها حرفيا "نّواب"، بلا ليف ؤلا همزة قبل. يمكن ف شي مناطق خرين كاتنطقوها بحال هاكاك، حيت نيت واحد لمرة كنا ناقشنا هاد لبلان ف ميزان لكلام ؤ واحد سّاط حاول يقنعني ب نفس لهضرة، ولاكين وخا عاودتها شحال من مرة ف دماغي ماكاتجينيش همزة تماك. ولاكين ماشي موشكيل يلا درنا قاعيدة باش نزيدو لّيف ؤ لّام ف لحالة ديال لحروف شّمسية، ؤ لّام بوحدها ف لحالة د لحروف لڭمرية. ب نّسبة ل تّصريف د صّيغة د لّاتمام (لي منها كيتّجبد لموضاريع)، حنا كانّطقوها ب ليا، وخا سامع حتا ئ/إ عند بعض نّاس. كانضن لقاعيدة ب ليا غادي تجي سهل، ؤ نيت هيا لي مخدّم لؤستاد محمد لمدلاوي ف كتابو "العربية الدارجة" لي كيوصف فيها لمزايا لّيسانية د دّاريجة. بشكل عام، لكتبة ماشي ضاروري ؤ ماخاصهاش تتبع نّوطق 100% حيت كاينين عتيبارات صرفية ؤ لهجاوية خاصنا ناخدوها ف لحسبان. --Ideophagous (نقاش) 18:33، 8 شتنبر 2021 (+01)

@Ideophagous:،راه نفس الشي اللي قلتا حتانا "ال" الشمسية هيا لمزيانة وخا لمقصود للتخدام ديالها بيناتنا ماشي بحال بحال. ي و ئ كيقلتي على حساب لمناطق -- OussamaOuh (نقاش) 18:54، 8 شتنبر 2021 (+01)

سلام خاي @OussamaOuh:. عاجلا أم آجلا غادي يخص نديرو توحيد ديال لقواعد د لكتبة، سيرتو ف بحال هاد لبلانات. علّاقل ماخاصش يكونو 20 قاعيدة، جوج طرقان د لكتبة علّكتيرة، ؤ غير يلا كان ضاروري. متلا نكتبو يا ال يا غير شّدة ف نّص، ؤ غير ال ف لعنوان باش يكون واضح ؤ حيت تماك مانقدروش نزيدو شّدة. بلاتي غير نزيد لقواعد كاملين من داك لكتاب ف ويقاموس، ؤ نقدرو نّاقشوهوم كاملين ديك سّاع. --Ideophagous (نقاش) 11:57، 28 شتنبر 2021 (+01)

@Ideophagous: كايبان ليا باللي ضروري و ديما خصنا نخليو لقاعيدة لعربية فالشدة "الدورة الدموية" حسن من "دّورة داموية" بلا مانحتاجو نشكلوها وماعمرني شفت ياد(ديجا) شي واحد كايكتب غير بالشدة حتا فلقراية كاتجي معنكشة حيت مامولفينهاش، شخصيا كانتديرونجا فاش كايبان ليا شي كلمة بادية بالشدة...-- OussamaOuh (نقاش) 23:16، 30 شتنبر 2021 (+01)

سلام خاي @OussamaOuh:. أي لوغة فاش كاتستاقل ب داتها راها كاتقاد قواعد د لكتبة لي موالمين ليها، ماشي ضاروري تتبع قاعيدة قديمة. ف لّخر راها مسألة د لولف ؤ صافي. ف جميع لحالات، فاش يجي لوقت د لڤوط، عندك لحق تڤوطي علا لقاعيدة لي كاتجيك مزيانة. --Ideophagous (نقاش) 06:02، 1 أكتوبر 2021 (+01)

تعليق أمغاري: @سمير تامر, OussamaOuh, Anass Sedrati, و Reda benkhadra: سلام أ دّراري. وخا هاد لمداكرة قديمة شوية، بغيت نڭول ليكوم بلي راه تصاوبات لقاعدة ديجا، و تزادت ل كناش لقواعد. لقاعدة كاتڭول بلي "ال" كاتخدّم ف لعناوين" يلا كانت لكلمة كاتبدا ب حرف شمسي، و ف النص كاتبقى لحرية ل لكتاتبي. شوفو التفاصيل ف "حكمة 5".--Ideophagous (مداكرة) 19:04، 6 غشت 2023 (+01)

لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.

هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.

تنبيه بخصوص لحوروف

كاين شي حروف خاص ضروري نتسخدموها حيت كاينة فلوغتنا الداريجة ولكن ماكايناش فلعربية. والعكس تاني، كاني شي حروف فلعربية لي ماكاينينش فالداريجة. أمتيلا:

حوروف خاص نستخدموها

داريجة	لاتينية
گ	G
پ	P
ڤ	V

حوروف ما خاصناش نستخدموها

داريجة	عربية
ت	ث
ض ولا د	ظ
ض ولا د	ذ

وكاين شي حروف لي خاصنا نلقاو ليها شي حل بحال حرف طا رقيق. ميتال: طران. هاد الحرف كاين بين حرف طا غليضة وحرف التا — هاد لميساج مامسنيش خلاه AyoubBouamriMa (نقاش)، نهار 22 نونبر 2021 معا 15:31

سلام @AyoubBouamriMa:. أول حاجة، شكرا علا لموساهمة ؤ طّرح ديالك ل هاد لموضوع. حوّلت لموضوع ديالك ل ميزان لكلام، حيت هنا فين خاص يطراو لمداكرات علا لمسايل لّوغاوية. تاني حاجة، هاد لموضوع كنا ديجا ناقشناه (شوف لارشيڤ لفوق)، وخا باقي ماكاينش تّيفاق علا شي تويشيات. لي متّافقين عليه هوّا لستيعمال ديال ݣ = g، ڤ = v، ؤ پ = p. تقدر تخدّم ڭ (هادا حرف عندو رمز د لونيكود مختالف علا ݣ) ؤلا گ ديال لفارسية، ولاكين كاين پروصي كيحوّل هاد لݣاوات ل ݣ لي كيتلونصا مرة ؤلا جوج ف شّهر (يلا بان ليك شي حد خدّم ك ؤلا ج ؤلا غ ولا شي حرف أخور بلاصت هاد تّلاتة، تقدر تصلحو). ب نّسبة ل ث، ظ ؤ ذ، بشكل عام ماكانستعملوهومش، ولاكين ماممنوعينش (سيرتو ث ؤ ذ) حيت حتا ف لكلمات لڭاورية كيقدرو يبانو، متلاً "دجون سميث" John Smith. ب نّسبة ل حرف ت لفرانساوي لي كيكون مابين ت ؤ ط، كانخليوه علا حساب لقياس، حيت كلا واحد كي كينطقو، ولاكين بشكل عام كيتّكتب ت. ف لعناوين خاص تكون تحويلة باش لي قلّب ب شي واحد فيهوم يطيح ف لارتيكل. يلا عندك عتيراض ؤلا تعقيب، مرحبا. --Ideophagous (نقاش) 16:43، 22 نونبر 2021 (+01)

أهلا سي @AyoubBouamriMa: هاد لقضية راه رادينلها لبال ؤ راه كاتخدمو دوك لحروف (پ، ڭ، ڤ) ف لمقالات لي كاينين هنا، بحال دابا هادا ديال پاراݣواي.

أما ب نسبة لموضوع تاني ديال لحروف (ث، ظ، ذ)، لقضية شوية معنكشة حيت هاد لحروف كيتخدمو حتا ف شي لهجات د داريجة بحال ف ريف ولا لأطلس، والاكين راه باديين نيقاش عليه ف هاد صفحة. تقدر حتا نتا تعطي رييك فيه ؤ تقول شنو باليك. تهلا --Reda benkhadra (نقاش) 16:48، 22 نونبر 2021 (+01)

تعليق أمغاري: @Reda benkhadra و AyoubBouamriMa: تدكير ل لكتاتبيا لي شاركو ف هاد لمداكرة. التوتيق ديال لحروف د الداريجة غادي تلقاوه ف ويكيپيديا:لحروف. يلا ماكان تا شي عتيراض ؤلا تعليق إضافي، غادي نسد هاد لمداكرة. تهلّاو! Ideophagous (مداكرة) 22:56، 22 أكتوبر 2023 (+01)

لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.

لكتابة ديال لكلمات ؤ سّيستيم د لڤواييلات

سلام أ دّراري، @Anass Sedrati, Reda benkhadra, THEpr4stro, Mico2022, Fatima Zahra Gouida, و Omarboulma1926:. لاحضت واحد لإشكالية ف لكتابة ديال لكلمات، سيرتو لأجنبية، ب دّاريجة، يمكن سبابها هوّا لخلط مابين سّيستيم د لڤواييلات د لعربية موقابيل ديال دّاريجة. هاد جّوج سيستيمات راهم مختالفين، ؤ لكلمات (لأجنبية) كي كيكتبو ب لعربية، ماشي ب ضّارورة يتكتبو ب نفس طّاريقة ب دّاريجة.

• سّيستيم د لڤواييلات د لعربية: فيه تلاتة د لڤواييلات قصار a (= فتحة)، u (= ضمة)، i (= كسرة)، لي عندهوم موقابيلات طوال كيتمتّلو ف لكتابة ب لمد: ا، و، ي. لاحضو متلا كيفاش كاتّنطق كلمت "بُطُولَة" buṭuulah. عندها ڤواييلة u قصيرة مورا لبا، ؤ ڤواييلة u طويلة مورا طّا.
• سّيستيم د لڤواييلات د دّاريجة: كانلقاو دوك تّلاتة د لڤواييلات د لعربية، ولاكين ب لإضافة ل هادشي عندنا 4 د تّويشيات ماكانلقاوش ڭاع ف لعربية:
  • واحد لڤواييلة قصيرة بزاف كاتسمّا عند مّالين لّيسانيات "شٖوا" ؤلا "شٖڤا" schwa. لاحضو متلاً لفرق مابين نّطقان ديال لفيعل حبـٰس (= وقف، شد شي واحد ف لحـٰبس) ؤ كلمت حـٰبس (لموضع فين كيتّحبس بنادم). كاينين بزاف د لكلمات لي مايمكن نفرقو بيناتهوم غير ب هاد شّٖوا. ولاكين هادا موضوع ل وقت أخور.
  • واحد لخاصية كاتسمّا تّدوير لي كاتجي بحال واو خفيفة مورا شي حروف، سيرتو لكاف ؤ لڭاف. متلاً لاحضو لفرق ف نّطقان مابين كمية (مقدار) ؤ كٗمية (خنجر مغريبي). حتا هنا كاينين بزاف د لكلمات لي مايمكن تّمييز بيناتهوم غير ب هاد تّدوير ؤ لي لمعنى ديالهوم كيتبدّل تماماً.
  • بشكل عام ماكاينش تمييز مابين ڤواييلات قصار ؤ طوال ف دّاريجة. داكشي علاش لكتابة د لڤواييلات بشكل باين مناسبة ل دّاريجة حيت ماكاينة تا معنى باش نميزو مابين صوت ب لمد ؤ بلا مد. ضونك ف لميتال لي قبل نقدرو نكتبو ب دّاريجة "بوطولة" boṭola بلاصت "بطولة".
  • لڤواييلة u كاتولي o يلا تلاقت معا كونصونة مفخمة (بحال ط، ض، ص...) ؤ لعكس تا هوّا، يلا شفنا لڤوييلة o كانضن بلي حسن نكتبوها ب كونصونة مفخمة. متلاً لكاتب جّاپوني Akira Toriyama، ف لعربية كيكتبو كنيتو "تورياما"، ولاكين ف دّاريجة كانّطقو "طورياما". ف دّاريجة "تورياما" غادي تكون هاكا Turiyama.

كاينين بزاف د لمواضيع لي خاصهوم يتناقشو هنا، ولاكين نركّزو دابا حسن غير على هاد لبلان ديال لڤواييلات سيرتو نّقطة لّخرانية. لكونصونات ف دّاريجة حتا هوما ب خبيزتهم تا نّاقشوهوم من بعد. ؤ يلا عندكوم مولاحضات مرحبا. تهلاو!--Ideophagous (مداكرة) 09:35، 14 مارس 2022 (+01)

واخا فهمت Mico2022 02:10، 15 مارس 2022 (+01)

omarboulma1926 معا

هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.

ال vs شّدة

سلام أ دّراري @Anass Sedrati, Reda benkhadra, سمير تامر, Mico2022, Omarboulma1926, DocPPicola, و Mehdi Immähder: @Marocsite, AmineHadji93, AyourAchtouk, Mr. Lechkar, Mohamed.mdb, و عصام أزناك:. هاد لمسألة ناقشناها بزاف د لمرات بلا مانوصلو ل تّيفاق نهائي (شوفو نيت لفوق ؤلا ف لارشيڤ). كانقتارح باش نديرو ڤوط على لقاعيدة باش غادي نكتبو ف لعناوين، ف لحالة ديال لكلمات لمعرّفة لي كاتبدا ب حرف شمسي. هاد لڤوط ماكيشملش لكتابة ف نّص براسو، لي كيبقا لكتاتبي بشكل عام حر فيه (طالمّا لمعنى مفهوم). يعني واش نكتبو ف لعنوان:

1. لإمبراطورية الرومانية (ب ال)
2. لإمبراطورية رومانية (ب عتيبار بلي رّا خاصها تّقرا ب شّدة)
3. لإمبراطورية رّومانية (نديرو ستيتناء ديال لمنع د لكتابة د تّشكال ف لعناوين ف هاد لحالة)

مولاحضات خاصة:

• لحالة 1: باينة ؤ مولّفينها لمغاربا من لإملاء د لعربية. لي كايضيرونجي فيها هوّا بلي هاد جّوج حروف (ليف ؤ لام) ماكيتنطقوش، ؤ حنا بشكل عام كانحاولو نبسّطو لكتابة د دّاريجة ماشي نصعّبوها ؤلا نخليو صّعوبات د لعربية فيها
• لحالة 2: غادية معا تّبسيط د لكتابة، ولاكين تقدر تّقرا غالطة (بلا شدة ؤلا تعريف)، ؤ ماشي مستبعد باش تسبب شي سوء تفاهم ف لقراية ؤلا لمعنى
• لحالة 3: حالة ميتالية ف نضري، مي عاوتان واش نكسرو لقاعيدة ديال تّشكال ف لعنوان ؤلا لا. تقدر تّزاد تحويلة بلا شدة بشكل ؤطوماتيكي ب لبوت.

لمداكرة ؤ لڤوط ل مدة شهر، موراها غادي نطبّقو لقاعيدة لي تّافقات عليها جّماعة. تهلّاو! Ideophagous (مداكرة) 07:42، 5 يوليوز 2022 (+01)

سلام خويا Ideophagous ، هاد لبلان طاح ليا وولبارح فراسي فاش قادّيت لمقالة ديال أگادير ؤ حتّى انا فنضري لحالة تّالتة مزيانة و باينة مافيهاش فين ايدوخ لقاري. DocPPicola (مداكرة) 15:43، 5 يوليوز 2022 (+01)

فهاد لحالة دلامبراطورية رومانية ، فهاد لحالة رومانية مضاف ليه و "ال" تتضغم. ال لگمرية فلمضاف ولمضاف ليه تيتم لاضغام ديالها ديما فنوطق " وماتتحتاش توضحها بالشدة. ولكان ضروري تكون شي زيادة باش تفسرها وتوضحها ملاحسن تبقا كيف متعارفين عليها الناس بالالف واللام. ولاغلبية تيكتبوها بلا "ال"، ومفهومة. تيخص لقواعد والصعوبات ينقصو لمينيموم ولا غاتنتج لوغة غريبة عل ماليها. وكيف قلتي خاص لمغربية تبسط، باش تكون بسيطة وحلوة وشكلاط خاص ينقصو لقواعد، لقواعد لي تيصعبو اللوغات.

بالنسبة ليا تنقترح فلمضاف ولمضاف ليه تكتب بلا "ال" :گمرية طبع ما الشمشة ضروريةا" وبلا شدة. "الجمهورية تونسية" " المملكة سعودية" " الجمهورية صينية" تتبان مسنتكة بلا شدة وبلا ال، ساهلة باش يولفوها الناس وماتبانش معيقة . علاش بالضبط لحرف اللول نشكلوه مادام ماتشكلوش لحروف لخرا. Marocsite (مداكرة) 01:52، 6 يوليوز 2022 (+01)

السلام سي Ideophagous وشكرا بزاف حيت بديتي هاد النقاش. ف لحقيقة هاد لموضوع مهم حيت بالصح خاص نتافقو ونكتبو كلنا بطريقة وحدا. أنا شخصيا تانكتب ب 1، حيت هي اللي تيفهمها أي واحد واخا ماشي معانا، ولكن نقدر نكتب 3. 2 جاني ماشي بلان حيث يقدر يتّقرا غالط ولا عوج، حيث ماغاديش نعرفو قتاش نفرقو ف النطيق ما بين واش كاينة شدة ولا ماكايناش. لمهم نشوفو الجماعة شنو أتقول وانا معاكم ف اللي قررتيو. -- Anass Sedrati (مداكرة) 18:34، 6 يوليوز 2022 (+01)

◀ Anass Sedrati مرحبا الأعزاء. بس شيء يوم واجتهه أن "ال" عندكم يرتبك مع بعض الأسماء الخاصة، مثلا: "اليمن" (دولة) مع "اليمين" (جهة)، افتحوا مقالة لعراق وأذهبوا إلى جيهة د صوڭان وهي "ليمن" ولا "اليمين" بالفصحى. Ruwaym (مداكرة) 10:31، 8 يوليوز 2022 (+01)

مرحبا سّي @Ruwaym:. هادي حالها ساهل: لْيامان (داريجة) = اليَمَن (عربية)، لِيمْنْ (داريجة) = اليَمِين (عربية). لمقالة لي كاتدّي ليها ليمن صايبها شي حد غير مؤخراً ؤ غادي تّدمج معا ليامان. Ideophagous (مداكرة) 11:25، 8 يوليوز 2022 (+01)

سلام لخوت، أنا معا ل (لإمبراطورية الرومانية) حيتاش 1) موالفينها من لعربية لفوصحى زعما راه ماشي عيب إلا خدينا منهوم هاد لخاصية كولا لوغة كاتاخد شي حاجة من لوخرين 2) صعيب تلقى الشدة فلكلاڤيي وكاتعنكش فلكتابة إلا ياد لقيتيها 3) مشاكيل د لبوت فلعناوين كيما ݣال لأخ Ideophagous و 4) لپاج اللي فيها الشدة صعيب تلقاها من لبحت اللي فلفوق د الصفحة إلا ماكتبتيهاش، يعني هي واخا كاينة لموطور د لبحث ماكايطلعهاش. --سمير تامر (مداكرة) 11:49، 13 يوليوز 2022 (+01)

تعليق أمغاري: آخر فورصة لي بغا يبدّل لڤوط ديالو. غدا معا 9 د صّباح غادي يتسد.--Ideophagous (مداكرة) 22:14، 4 غشت 2022 (+01)

تعليق أمغاري: نّتيجة ل حد سّاعة:

طابلو د لڤوط

كتاتبي	ب ال (لإمبراطورية الرومانية)	ب شّدة (لإمبراطورية رّومانية)	بلا ال ؤ بلا شدة (لإمبراطورية رومانية)
DocPPicola	0	1	0
Marocsite	1	0	0
Anass Sedrati	1	0	0
Ideophagous	1	0	0
سمير تامر	1	0	0
Reda benkhadra	0	1	0
Rachidourkia	0	1	0
لمجموع	4	3	0

لڤوط غادي يتسد نهار 5 غشت معا 9:00 د صّباح د لمغريب. أي واحد يقدر يڤوطي ؤلا يبدّل لڤوط ديالو من هنا ل ديك سّاع. نّتيجة غادي تّزاد ف صّفاحي ديال لحكام د لّوغة ؤ لحكام د لعناوين. عافاكوم ماتكومونطيوش ف هاد لفقرة تحت من هاد طّابلو.--Ideophagous (مداكرة) 12:07، 10 يوليوز 2022 (+01)

تعليق أمغاري: طاڭ ل لكتاتبيا لي شاركو ف لڤوط @Anass Sedrati, Reda benkhadra, سمير تامر, DocPPicola, Marocsite, و Rachidourkia: لحكمة تزادت ل لّيستات د لحكام ديال لّوغة ؤ د لعناوين. تقدرو تطّالعو عليهوم ف:

• ويكيپيديا:لحكام د لمحتوى - عناوين لمقالات
• ويكيپيديا:كناش لقواعد

لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.

جليد، ڭلاص، Ice

سلام أ دّراري @Anass Sedrati, Reda benkhadra, Mounir Neddi, و Elmerrakchi:. ملي كنا جبدنا لهضرة على شنو لموقابيل ديال "جليد" ب دّاريجة. كانضن عندنا 4 د لحلول: إما نقلّبو مزيان ف لمصادر تا نلقاو كلمة مناسبة ديجا كانت مستعملة، ؤلا ناخدو كلمة مستعملة و قريبة ؤ نوسّعو لمعنى ديالها، ؤلا ناخدو لكلمة من لوغة خرة (جليد، ڭلاص)، ؤلا نصاوبو كلمة جديدة. هنا كانقتارح "جْمادة" ؤلا "جْمادة د لما". ضونك عندنا:

1. جليد
2. ڭلاص
3. جمادة
4. جمادة د لما
5. شي كلمة خرة؟

Ideophagous (مداكرة) 18:06، 28 غشت 2022 (+01)

مسا الخير أنا بعدا تتعبني كلمة تلج ولّ التبروري — هاد لميساج مامسنيش خلاه Elmerrakchi (نقاش)، نهار 18 شتنبر 2022، 15:43

تلج، تبروري، و "جليد" كلا واحد فيهوم عندو معنى خاص بيه، ؤ ماكانضنش بلي خاصنا نخلطوهوم.--Ideophagous (مداكرة) 10:35، 13 أكتوبر 2022 (+01)

تيبان ليا ناخدو الكلمة من لغة اجنبية و أقرب وحدة لبنادم لي تيقرا هي "جليد" Rabio10 (مداكرة) 22:05، 28 أبريل 2023 (+01)

سلام السي ◀ Rabio10. سمح ليّا ماشفتش الجواب ديالك قبل، حيت كانو تخربقو شوية لكومونطيرات هنا، تا قادّيتهوم دابا. لإقتراح ديالك مزيان و نقدرو نقضيو بيه، غير هوّ 100% غادي تكون الداريجة فيها شي كلمة كاتعني "جليد"، غير حنا ماعارفينهاش ؤلا ماطاحتش علينا ف لبال بسباب قلة لإستعمال. حيت متلا ف الجبال د لأطلس غادي يكون لما كيجمد ف الليل ف الشتوة، و كيشوفوه الناس ف الصباح و عاطينو شي سمية. Ideophagous (مداكرة) 16:00، 7 غشت 2023 (+01)

هاد لمداكرة تسدات. عافاك ماتبدّل فيها والو. أي تعليقات إضافية خاصها تزاد ف فقرة جديدة.

تحياد vs حدف

سلام أ دّراري @Anass Sedrati, Reda benkhadra, Elmerrakchi, Mounir Neddi, سمير تامر, Marocsite, و Rachidourkia: @DocPPicola, MHMD DM, و Achraf112:. كيبان ليّا بلي كلمة "تحياد" هيّا لكلمة لمتداولة ؤ لعادية ف دّاريجة، ماشي "حدف" لي مدرّجة من لعربية "حذف". داكشي علاش كانقتارح باش ف لعناوين و لانطيرفاص، ؤ تا صّفاحي د شّرح، لمعاونة و لپروجي تّعوّض كلمة حدف/حذف ب "تحياد". لكلمات بجوج مقبولين ف لكتابة د لمقالات ب طبيعة لحال. هاد تّبديل يقدر يتدار بشكل بوتي. شنو بان ليكوم؟-- Ideophagous (مداكرة) 09:43، 13 أكتوبر 2022 (+01)

متافق Reda benkhadra (مداكرة) 09:57، 13 أكتوبر 2022 (+01)

متافق، و لكن واش خاص نكتبو "تحياد" ولا "حيّد"؟ حيث شي مرات را كيكون فعل، مثلا إلا شي أمغار بغا يحيد مقالة را "حدف" كاتعني "حيد" ولا لا؟ -- Anass Sedrati (مداكرة) 13:18، 13 أكتوبر 2022 (+01)

على حساب سّياق، واش خاص نخدمو لفيعل "حيّد" ؤلا سّمية "تحياد". -- Ideophagous (مداكرة) 13:34، 13 أكتوبر 2022 (+01)

الصحيح هو "حيد" عنوان فعل مبني للمجهول ماتحتاج لا تأنتو ولا تدكرو فالحالة ملي تتكون ايكون Icon فشي موقع او بحال هنا هنا فويكيگبيديا. ترجمة ل حدف او Delete. وتحياد او تحيدات تتبقا ممكنة ملي تكون مصرفة فشي وقت. بحال تحيدات = deleted او been deleted .او تم حدفها بالغربية Marocsite (مداكرة) 18:50، 16 أكتوبر 2022 (+01)

سلام سّي @Marocsite:. شكراً على لمداخلة ديالك. لي كنت قصدت هوّا سّمية حَدف => تحياد ماشي لفيعل، حيت سّمية تاهيّا مستعملة ف بزاف د لعناوين و شّروحات، ولاكين ف لحالة ديال لفيعل "حدف" غادي يتعوّض ب لفيعل لموقابيل ليه "حيّد".-- Ideophagous (مداكرة) 22:03، 16 أكتوبر 2022 (+01)

غا هي واحد لملاحضة لي شفت كلشي تيستعملها وهي الشكل دلكلمات، بحال لتتخافو لواحد مايفهمش ،فلحقيقة ماتتعجبنيش وخايفها تولي تقليد وقاعدة كلشي ايديرها او بنادم يولي معگاز ويولف الشكل باش يفهم وتصعاب لقضية ويكتارو لاميين فلغوتهوم لي ماغيفهموها غا لكانت مشكزلة. لي مافهمش لمغربية "او الدارجة كيفما تتسميوها" بلا شكل غا من السياق، راه المشكل ديالو، ماشي ديال لي تيكتب. Marocsite (مداكرة) 20:59، 17 أكتوبر 2022 (+01)

@Marocsite: بحالاش تّشكال لي كاتقصد؟ واش شّدة؟ حيت كانضن أغلبية خدّامين بلا تشكال (فتحة، ضمة، كسرة).-- Ideophagous (مداكرة) 18:08، 19 أكتوبر 2022 (+01)

متافق Achraf112 (مداكرة) 14:06، 19 أكتوبر 2022 (+01)

متافق --Mounir Neddi (مداكرة) 14:07، 13 أكتوبر 2022 (+01)

تعليق أمغاري: @Achraf112, Mounir Neddi, و Marocsite: درت إصلاح شامل ديال حذف، حدف => تحياد (و لمشتقات ديالهوم) ف ويكيپيديا ب الداريجة. تا يلا بقات شي حاجة مانتابهتش ليها، نقدرو نصححوها من بعد. غادي نسد دابا هاد لمداكرة من غير يلا كانت شي ملاحضة ؤلا تعليق.--Ideophagous (مداكرة) 23:01، 22 أكتوبر 2023 (+01)

لمداكرة لفوقانية تسدات. عافاك ماتبدّل فيها والو. أي تعليقات إضافية خاصهوم يتزادو ف لفقرة ؤلا الصفحة د لمداكرة لمناسبة. عافاك ماتدير تا شي تبديل أخور ف هاد لمداكرة.

لكتبة اللي كاينة لفوق هي أرشيڤ ديال مداكرة أولّا تصويت قديم، وكاين هنا غير باش يتشاف. عافاك ماتبدّلوش.