لمداكرة د ويكيپيديا:لعطاشات

ويكيپيديا:لعطاشات

سلام أ دّراري @Reda benkhadra, Anass Sedrati, Samira Seddik, OussamaOuh, و سمير تامر:. زدت هاد لپاج باش نقدرو نجيريو لخدمة ف ويكيپيديا بيناتنا. هاد لپاج هيّا لموقابيل ديال Task Center ف ويكيپيديا ب نّڭليزية، ولاكين حاليا لعطاشات كاينين غير ف پاج وحدة، حتا نشوفو واش كتر داكشي ولا لا. يلا عجباتكوم لفيكرة تقدرو تزيدو لپاج ف لّيستة د تتبع ديالكوم (كليكيو علا نّجمة لفوق) باش تقدرو تعرفو يلا كانو عطاشات جداد. كيما كتبت ف لبدية، خاص بنادم يزيد عطاشة هنا غير يلا ماعندوش وقت يخدم عليها. يلا كان بنادم ديجا معول يخدم علا شي حاجة ؤ عندو لوقت ليها، بلا مايزيدها هنا. لّي بغا ياخد شي عطاشة يزيد سميتو ف لكولونة د "شكون"، باش يتّعرف بلي راه خداها. يلا عندكوم قتيراحات ؤلا مولاحضات مرحبا. --Ideophagous (نقاش) 17:27، 12 أكتوبر 2021 (+01)

سلام خاي @Ideophagous: صراحة هاد صفحة غادي تنفع مزيان باش نسقو بيناتنا ؤ نقادو لخدمة كاتبان لينا مهمة ؤ ف نفس لوقت خص نتعاونو عليها. غادي نعاود نراجع صفحة ؤ نحاول نجيب شي قتيراحات يقدرو يفيدو. حاجة أخرة، واش كيبانليك بلي خص ندمجو هاد صفحة معا ويكيپيديا:مشاريع لحْركات، ولا كاين شي طريقة نفرقو بيناتهم باش مايكونش تداخل كبير؟ Reda benkhadra (نقاش) 13:00، 13 أكتوبر 2021 (+01)

سلام خاي @Reda benkhadra:. مرحبا، يلا بانو ليك تحسينات مومكينة غادي يكون مزيان. يمكن يلا درنا لماركاج ب لّوان، سيرتو ديال دّرجة د لأهمية (طالع تكون ب لّيموني، ؤ مستعجل تكون لخانة ب لحمر متلا). ب نّسبة ل لحركات كانضن حسن يبقاو معزولين حيت هوما عادتن مجموعة كبيرة د لمقالات لي غادي نخدمو عليهوم علا مدة، بينما لعطاشات هنا خاصهوم يكونو صغار، بحيت كولا وحدة تقدر تّسالا ف نهارها. غادي يخصنا نزيدوهوم بجوج ف ساحة د جّماعة. -- Ideophagous (نقاش) 17:20، 13 أكتوبر 2021 (+01)