ويكيپيديا:ويكيپيديا ماشي..

ويكيپيديا هي موسوعة رقمية و، كوسيلة لهاد لغاية، واحد لمجتمع رقمي ديال نّاس لي مهتمّين ب لبني ولستعمال ديال موسوعة لي عندها جودة عالية فإطار لحترام لمتبادل. على هاد لأساس، كاين شي حويجات لي ويكيپيديا ماكاتنطابقش معاهوم.

سّتيل ولفورما

ويكيپيديا ماشي موسوعة ورقية

ويكيپيديا ماشي موسوعة ورقية. ويكيپيديا هي مشروع د موسوعة رقمية. من غير تّحقُّقية ونّقط لي مفصلين فهاد صّفحة، ماكينش حد د شحال من موضوع ويكيپيديا ممكن تغطي أولا د لحجم د لمحتوى. بلحاق، كاين فرق مهم مابين لي ممكن يتدار، ولّي خاصّو يتدار، ولّي مفصل ف لفقرة د لمحتوى لموسوعي لتحت. بتّالي هاد سّياسة ماشي ضو خضر لإدراج كولشي: لمقالات خاصها تبع لقواعد د لحكام د لمحتوى، وخصوصا بحساب رّكايز لخمسة.

لمحتوى لموسوعي

ويكيپيديا ماشي ديكسيونير

•  صفحة متعمقة: ويكيپيديا:ويكيپيديا ماشي ديكسيونير

ويكيپيديا ماشي ديكسيونير، يعني شرح ديال مجموعة ديال لكلمات لي متداولة. يلا كانت شي كلمة ماعندهاش شي موضوع موسوعي، فا راه ما غادي يكون ليه حتا مقال مخصص ليه؛ ؤ يلا كانو بزاف د لكلمات كيغطيو نفس لموضوع لموسوعي، فا راه غادي يكون مقال واحد ؤ تحويلات غادي يدارو باش يديو ليه. كل مقدمة ديال شي مقال خاصها تشرح لموضوع ؤ تعطي تاريخ ديالو، ماشي تشرح لكلمة ؤ تعطي لأصل ديالها ؤ لمعنى. من جيهة خرة، الصفاحي ديال التوضيح كيجمعو ڭاع لمقالات لي عندهوم نفس سمية، بحال دابا بلايص ولا ناس، ولا حتا شي كلمات عندهوم معاني مختالفة، باش تفرق بيناتهوم.

هادشي ماكيعنيش بلي ويكيپيديا ماكاتقبلش لأصل لكلمات، نطق ولا أي حاجة لغوية مرتابطة بشي كلمة، والاكين غير يلا ماكانوش هوما لموضوع لمهم. يلا بغيتي تقلّب على ؤلا تدخّل كلمات ب دّاريجة ف ديكسيونير، حسن شوف ويكيقاموس، لي حتا هو مشروع ديال ويكيميديا.

ويكيپيديا ماشي ناشر د أفكار اصلية

•  صفحة متعمقة: ويكيپيديا:بلا فيخرات

ويكيپيديا ماشي بلاصة باش تنشر فيها لأفكار وتّحاليل ديالك أولا تنشر معلومات جداد. علا حساب سّياسة ديالنا علا لبحث لأصلي، ماتستعملش ويكيپيديا لتاشي سبب من هاد لأسباب:

• بحت جديد، بحال طّرح د نظريات جداد أولا أفكار جديدة أولا تعاريف د مصطلحات ... إيلا درتي شي بحت أولي على شي موضوع، نّتائج ديالك خصّها تنشر فبلايص آخرين، بحال فمجلات مراجعة ب لأقران أولا شي شكل آخور د لمطبوعات أولا كبحت مفتوح أولا فمنشورات رقمية محترمة. ويكيپيديا يمكنلها من بعد تبلّغ علا لخدمة ديالك وتولي ف لمعرفة لمقبولة، بلحاق لقتباس ولمصادر لموتوقة خاصها تكون باش يتبين بلّي لمحتوى يمكن لأي واحد يتحقق منّو، وماشي غي رّأي ديال لكاتب.
• ختراعات شحصية. إلا نتا وصحابك ختارعتو متلا شي لعبة د شّراب ولا شي شطحة جديدة أولا أي حاجة ماضايراش، را هاد لختراع ماعندوش لملحوظية لكافية باش تّكتب عليه مقالة ف ويكيپيديا حتا يخرجو تقارير من مصادر تانوية مستاقلة وعندها سمعة.
• مقال شخصي كايوصف باش كاتحس تُجاه شي موضوع (بلاصت ما يكون على شنو قالو لخبراء). وخّا تكون ويكيپيديا باغة تجمع لمعرفة لإنسانية، راها ماباغاش تكون وسيلة باش لأفكار شّخصية تولي فهاد لمعرفة. وتا إيلا فحالة ستثنائية شي أفكار شخصية كانت مهمة لدرجة أن نّاس تناقشها، من لأفضل نخليو لوخرين يكتبو عليها. (مرحبا بلأفكار شّخصية غلى ويكيپيديا ف نّطاق ديالك أولا فل ميطا.)
• فورٌوم ديال نّقاش. عفاك حاول تبقا فلإطار د لهدف ديال بناء موسوعة. يمكنلك تناقش معا لمستعملين على مواضيع متعلقة بويكيپيديا فصّفاحي د نّقاش ديالهوم، وتحل لمشاكل ديال لمقالات ف صّفاحي د نّقاش لّي مخصّصة ليهوم. لكن عافاك ماتنقّلش نّقاشات للمقالات. بلإضافة، صّفاحي د لمداكرة كاينين غي باش لمقالات يطّورو، ماشي علا ود مداكرات عامّة على لموضوع د لمقالة أولا بلاصة فين تسول على لمساعدة بخصوص شي حاجة تقنية. لمحتوى لي مايصلاحش ل صّفاحي د نّقاش يمكن يتحيد علا حساب شنو كاين ف لحكام د صّفاحي د لمداكرة.

ويكيپيديا ماشي مينصة ولا وسيلة د لإشهار

ويكيپيديا ماشي مينصّة ولا بلاصة ديال دباز ولا لپروپاݣاندا ولا لإشهار ولا لعرض. هاتشي كاينطابق تا علا سميات د لمستعملين ولمقالات ولبلاصة د لوَسخ وتصنيفات ونّقاش ولقوالب وصّفحات ديال لمستعملين. هاتشي كايعني بلّي لمحتوى لي كاين ف ويكيپيديا ماشي علا ود:

• لمناصرة ولا دّعاية ولا تّجنيد من أي نوع: قتصادي ولا سياسي ولا علمي ولا ديني ولا وطني ولا رياضي ولا أي حاجا آخرا. لمقال يمكنلو يبلّغ بموضوعية على بحال هاتشي، ماحد كاينا محاولة ديال لوصف ديال لموضوع من وجهة نظر محايدة. إيلا بغيتي تقنع نّاس بلآراء ديالك، يمكن يكون حسن أنك تفتح بلوݣ أولا تزور شي فوروم.
• مقالات د رّأي. وخّا بعد لمقالات، خصوصا لّي كايهتمّو بلأحداث لّخرة وسّياسة يقدرو يجرو نّاس أنهم يبداو يدليو بلآراء ديالهم، ويكيپيديا راها ماشي منصة ديال لأفكار شّخصية. لمقالات خصها تكون متوازنة باش تحط لأحدات طّارية فواحد صّورة معقولة وترسم واحد صّورة حيادية. بلإضافة، لمحررين د ويكيپيديا خصّهوم يحاولو يكتبو مقالات لي ماغاتدّيپاسّاش دغيا.
• ترويج لفضايح، لإشهار ديال لحوايج لي كايتعرفو من لقيل ولقال. لمقالات ولمحتوى على نّاس لي عايشة مطلوب منها تكون ف واحد لمستوى عالي بزاف، أولا غاتولي تشهيرية ولا كاتنهك لحق ديال نّاس ف لخصوصية تّاعهم. لمقالات ماخصهاش تكون مكتوبة غي باش تهاجم سّمعة ديال شي واحد.
• تّرويج ذّاتي. ممكن تجيك زوينة أنك تكتب مقالة على راسك ولا علا لمشاريع لّي عندك فيها مشاركة مجهدة. غي هو لمعايير ديال لمقالات لموسوعية كاينطابقو على لمقال لي غاتكتبو علا راسك بحال أي مقال آخور، بيما فيها لمعيار ديال لحيادية فلكتبة، لي غاتكون صعيبة منين كاتكتب علا راسك ولمشاريع لي قريبا عليك. لحطّان ديال بزّاف ديال لينكات ولإشارات لمصادر بيوغرافية، بحال سيڨي ديالك را مامقبولاش. شوف ويكيپيديا:بيوغرافيا شخصية و ويكيپيديا:لملحوظية.
• لإشهار ولا لماركتين ولا لعلاقات لعامّة. لمعلومات علا شّركات خصها تكون مكتوبة بأسلوب موضوعي ومافيهاش نّحياز ولا نّفيخ. ݣاع لمقالات خاص يمكن لأي واحد يتحقق من داكشي لي مكتوب فيها وتكون فيها مصادر من طرف تالت ومستاقلة، يعني لمقالات على ماركات د ݣاراجات صغار را مامقبولاش. لمقالات د ويكيپيديا علا شي شركة ولا منظمة راها ماشي كمالة ديال لمواقع ديالها ولا لمجهودات د سوشل ميديا تّاعها. لّينكات لي غادية لمنظمات تجارية راها مقبولة غي إيلا كانو على منظمات ملحوظة وكانت هي لموضوع ديال لمقالة.

ويكيپيديا ماشي ميرّور أولا مستودع د لّينكات وتّصاور ومحتوى ميديا

ويكيپيديا ما ميرّور ما مستودع د لّينكات تصاور ةولا لميديا. لمقالات د ويكيپيديا راهام ماشي غي مجموعة ديال:

• لينكات غادا لبرا ولا مستودعات داخلية. ماكاين ضرر إيلا تزادت شي ليستا ديال لينكات لي عندها علاقة مع لموضوع ديال لمقال، غي ليستات لي كايكونو طوال بزاف يمكن يصغّرو لمقالة ويلهّيو علا لغاراض ديال ويكيپيديا.
• لينكات غادا لداخل، من غير صّفاحي د تّوضيح منين شي مقالة كاتكون ماواضحاش.
• محتوى د لمجال لعام ولا د أي مصدر آخور بحال كتوبا كاملهوم ولا لكود ولا وتائق تاريخية أصلية ولا تصريحات ولا أي مصدر لي مفيد غي منين كايتقدم لأصلي ديالو.
• تصاور ولا فيشييات ميديا بلا تّاشي كتابة معاهم. إيلا كنتي باغي تورّي شي تصويرة، عافاك ضيف معاها شي محتوى موسوعي ولا فكر تزيدها ف ويكيميديا كومنز. إيلا كانت تّصويرة جايا من نّطاق لعام ولا من شي سيت، فكر تضيفها ل ويكيپيديا:تصاور ماعندهومش مقالة ولا ويكيپيديا:تصاور حرة.

ويكيپيديا ماشي بلوݣ ولا ويب هوست ولا سوشل نيتورك ولا سيت تذكاري

ويكيپيديا ماشي سوشل نيتورك بحال فيسبوك ولّا تويتر.مايمكنلكش تهوستي سيت ولا بلوݣ ولا ويكي ولا سيڨي ولا كلاود ف ويكيپيديا. صّفحات د ويكيپيديا، بما فيها لمساحات شّخصية، راهم ماشي:

• صفحات شخصية. لويكيپيديين عندهم صّفحات د لمستخدم ديالهم، بلحاق خصهوم يمتلو معلومات متعلقة ب لخدمة ف ويكيپيديا.
• مساحات ديال سّتوكاج شخصية.
• خدمات تّعارف.
• تذكار د لموتى.
• محتوى ديال مشاريع مامتعلقاش ب ويكيپيديا.

صّفحة لمستخدم لخاصة بيك راها ماشي ديالك. راها جزئ من ويكيپيديا، وكاينا باش تدير تعاون مع لمستعملين لوخرين، ماشي من أجل لإشهار شّخصي. شوف ويكيپيديا:صفحات لمستخدم على لإجماع لحالي ديال لجكام ديال صّفحات د لمستخدم.

ويكيپيديا ماشي كورة سحرية

ويكيپيديا ماشي شواف ولا كاتدير لعيلم د لموستقبال. أي معلومة علا شي حاجة جاية من بعد خاص يتأكد منها بمصادر تايقين فيها ولا تقريبان متأكدين منها (نقدرو نفتارضو بطريقة معقولة بلي غادي تكون كاس لعالام ف 2026، والاكين باش تكون ف 2050 لا). ما كانصحوش باش يدار لإعلان علا شي حوايج مازال ماخرجو (بحال كتوبا، أفلام، أغاني، لعاب د لڤيديو..).