ويكيپيديا:مسوالات عامة

حل مداكرة و سوّل هنا أي سؤال بغيتي، سوا عندو علاقة معا ويكيپيديا ؤلا لا.

طلب صلاحية أمغار

السلام عليكم الإخوان، من خلال التجربة ديالي معاكم فالتدوين، بديت الحمد لله نتعلم ونتقن بزاف ديال التقنيات والمهارات. وهاد الشي شجعني باش نطلب منكم بكل احترام واش ممكن نولي أمغار، خصوصاً وأنا كنجتهد وكنساهم يومياً فإغناء المحتوى ديال ويكيبيديا بالدارجة، وبغيت نطوّرها ونزيد فيها الجودة إن شاء الله. شكراً جزيلاً على التفهم والدعم ديالكم الدائم — هاد لميساج مامسنيش خلاه سعيد الشاعر الغريب (نقاش)

سلام @سعيد الشاعر الغريب: خاص تدير الطلب ف صفحة طلبات صلاحيات أمغار. ماتكتبش النص ديال الطلب نيشان ف الصفحة. قرا التعليمات تماك و حاول تّبعها باش تدير الطلب ديالك. تقدر تلقى أمتلة ف لأرشيڤ. أمغار د ويكيپيديا خاصو يكون شوية عارف الحكام ديال الويكي، ولا على الأقل فين يقدر يلقاهم باش يطبقهم ولّا يعاون ف التطوير ديالهم. حاول عافاك تقرا الصفاحي د الحكام ف الطابلو لفوقاني ديال ساحة د الجماعة يلا ماكنتيش ديجا قريتيهم. نقدر نزيد حتى هاد الصفحة على مقالة كاملة. يلا خاصك شي حاجة خرة، مرحبا ف أي وقت. شكرا و تهلا! --Ideophagous (مداكرة) 07:41، 11 أكتوبر 2025 (+01)

سلام Ideophagous ممكن تساعدني كيفاش ندفع طلب نولي أمغار. سعيد الشاعر الغريب (مداكرة) 21:47، 19 أكتوبر 2025 (+01)