ويكيپيديا:لعطاشات

من ويكيپيديا
اذهب إلى التنقل اذهب إلى البحث

هاد صّفحة فيها مجموعة د لعطاشات ب نواع مختالفين لي خاص يتدارو ف ويكيپيديا، معا تحديد نّوع، نّيڤو د لخيبرة لي كيحتاجو ؤ درجة د لأهمية ديالهوم. يلا ماعرفتيش شنو تدير باش تقدر تعاون ف ويكيپيديا، هاد لپاج كاتعطيك ليستة د لحوايج لي تقدر تبدا بيهوم.

شنو هيّا عطاشة؟ ف دّاريجة، لعطّاش (ب تشديد طّا) هوّا شخص كيدير ؤ كيتخلص علا خدمة à la tâche. هاد لمصطلح كيتخدّم سيرتو ف لبني. من هاد لكلمة شتقينا "عطاشة" (بلا شدة فوق طّا)، لي هيّا خدمة محددة ؤ موصوفة بشكل دقيق لي يقدر يدير لواحد ف وقت محدود.

يلا كنتي نتا نيت معول تخدم علا شي حاجة ماكايناش ديجا ف لّيستة، عافاك خدم عليها نيشان ؤ بلا ماتزيدها هنا. يلا كانت عطاشة كبيرة، يقدرو يتعاونو عليها شحال من واحد، ولاكين بشكل عام لعطاشات خاصهوم يكونو صغار بحيت يقدرو يتقادو ف دقايق ؤلا سوايع علّكتيرة. لقتيراحات ديال زّيادة ب جّملة د لمقالات خاصهوم يتدارو ف بلاصتهوم، ماشي هنا.

ملي تسالي من شي عطاشة عافاك، ماركي بلي "كملات" ؤ خليها ف طّابلو، حتا يراجعها شي أمغار ؤ يحيّد سّطر ديالها يلا كان كولشي هوّا هاداك.

خاصيات ديال عطاشة[بدل لكود]

خاصيات ديال عطاشة
  • سّمية: كاتحدد لعطاشة بشكل مختاصر ؤ واضح
  • نّوع: كتابة، تحسين لجودة، إصلاح، زيادة د تصويرة، حماية ديال پاج ...
  • نيڤو د لخيبرة: هاد نّيڤوات تقديرية ؤ كاتعتامد علا بزاف د لعوامل
  1. بادي: لعطاشة كاتوالم سيرتو شي حد ماعندوش خيبرة بزاف (قل من 100 تبديل)
  2. متوسط: لعطاشة كاتوالم سيرتو شي حد عندو شوية د لخيبرة ف لكتابة ؤ تعديل لمحتوى (جوايه 500 تبديل)
  3. صعصع: لعطاشة يقدر يديرها سيرتو شي حد عندو ديجا خيبرة كبيرة ف ويكيپيديا
  • درجة د لأهمية:
  1. هابط: عطاشة تقدر تدار ف أي وقت، ؤ ماعندهاش تأتير موهيم علا لخدمة ف ويكيپيديا ب شكل عام.
  2. متوسط: عطاشة خاصها تدار ف 6 شهور جّاية، ؤلا عندها تأتير باين علا لخدمة (تقدر تعاون ف شي حوايج خرين)
  3. طالع: عطاشة خاصها تدار هاد شّهر، ؤ عندها تأتير باين ؤ كبير علا لخدمة، سيرتو تحقيق لأهداف
  4. مستعجل: عطاشة ضاروري تدار ف أقرب وقت، متلا إصلاح تخريب د شي مقال موهيم ف ويكيپيديا
  • شكون: عافاك ماطّاڭيش شي حد ؤلا تزيد سميتو بلا ماتكون تشاورتي معاه قبل. تقدر بشكل عام تزيد لكاطيڭوري ديال لكتاتبيا لي يقدرو يديرو لعطاشة، بحال "أي كتاتبي"، "أمغار"، ؤلا "بوت". تقدر تزيد سميتك نتا باش يعرفو لكتاتبيا لوخرين بلي راك خديتي شي عطاشة ؤ غادي تخدم عليها. يلا بان ليك بلي ماغاديش يكون عندك لوقت باش تبداها ؤلا تكمّلها، عافاك حيد سميتك ؤ زيد نوطة باش تحدد شنو تدار ؤ شنو باقي.
  • نوطات: زيد شرح لعطاشة كتر يلا كانو تفاصيل زايدين، ؤلا يلا كنتي خدّام عليها تقدر تدير أپدييت فين وصلتي فيها
  • حالة: باقة ماتدارت (ؤلا خلي لخانة خاوية)، ف طور لخدمة، كملات، مايمكنش تّدار (ف هاد لحالة زيد شرح ف نّوطات)


عطاشات عامين[بدل لكود]

لعطاشات لي كاينين دابا
سّمية نّوع نيڤو د لخيبرة درجة د لأهمية شكون نوطات حالة
زّيادة ديال لعيون ف مقال د جاپونية تحسين لجودة متوسط هابط أي كتاتبي لمقال علا قدو ولاكين فيه عين وحدة، خاص يكونو فيه علّاقل 3 تال 5 د لعيون مزيانين
أش طاري؟ ف الصفحة اللّولا خاصها تحديت كتابة متوسط طالع أي كتاتبي بزاف د لأحدات طراو، منهوم تشكيل لحوكومات جّداد ف لمغريب ؤ ف تونس

عطاشات دايمين[بدل لكود]

هاد لعطاشات كيكونو ديما، ؤ وخا يخواو تّصنيفات لي مرتابطين بيهوم، يقدرو يعمرو مرة خرة. عافاك ماتحيدش سّطورا ديال هاد طّابلو بلاما تحل مداكرة.

عطاشات دايمين
سّمية نّوع نيڤو د لخيبرة درجة د لأهمية شكون نوطات حالة
زيد تصنيفات ف لمقالات لي ناقصين فيهوم تحسين لجودة بادي - متوسط متوسط أي كتاتبي ليستة د لمقالات لي ناقصهوم تصنيف ف تصنيف:مقالات ما مصنّفينش عاداد د لمقالات لي باقي ناقصهوم تصنيف: 0
زيد تصاور ف لمقالات لي ناقصينهوم تصاور تحسين لجودة بادي - متوسط متوسط أي كتاتبي ليستة د لمقالات لي ناقصينهوم تصاور ف تصنيف:مقالات ناقصينهوم تصاور. باش تعرف كيفاش تزيد تصاور ف أرتيكل، شوف ف لبدية ديال دّوزان. عاداد د لمقالات لي باقين ناقصهوم تصاور: 2,029 (حيّد منهوم لپاج د لقالب ؤ ديال دّوزان)
ربط مقالات معا لموقابيلات ديالهوم ف ويكيداطا، ؤلا قاد ليهوم پّاج ف ويكيداطا تحسين لجودة متوسط - صعصع طالع أي كتاتبي ليستة د لمقالات لي مامربوطينش معا ويكيداطا ف تصنيف:أرتيكلات مامربوطينش معا ويكيداطا. باش تعرف كيفاش تربط أرتيكل معا ويكيداطا، شوف لتحت ف دّوزان. عاداد د لمقالات لي باقين مامربوطينش معا ويكيداطا: 145
زيد ليانات ف تّيكست ديال مقال كيدّيو ل مقالات خرين تحسين لجودة بادي هابط أي كتاتبي ليستة د لمقالات لي ناقصينهوم ليانات ف تصنيف:مقالات زناقي ماكايخرّجوش. باش تزيد ليان ل مقال أخور زيد جوج قواس معقوفين ل سّمية ديالو من جوج جوايه بحال هاكّا [[عنوان د لمقال]] ، ؤلا [[عنوان د لمقال|سمية خرة]] عاداد د لمقالات لي باقين ناقصينهوم ليانات ف تّيكست: 514
زيد ليانات لي كيدّيو ل مقالات مقطوعين من شجرة تحسين لجودة بادي - متوسط هابط أي كتاتبي ليستة د لمقالات لي مقطوعين من شجرة ف تصنيف:مقالات مقطوعين من شجرة عاداد د لمقالات لي مقطوعين من شجرة: 1,237 (حيّد منهوم لپاج د لقالب ؤ ديال دّوزان)
صلح لمقالات لي مروّنين ف لمضمون ؤلا لؤسلوب تحسين لجودة بادي - متوسط متوسط أي كتاتبي ليستة د لمقالات لي مروّنين ف تصنيف:مقالات مروّنين عاداد د لمقالات لي باقين مروّنين: 7
زيد عيون لكلام ف لمقالات تحسين لجودة بادي - متوسط متوسط أي كتاتبي ليستة د لمقالات لي ناقصينهوم عيون لكلام ف تصنيف:مقالات بلا عيون لكلام. تيقن بلي لعيون مزيودين ب طّاريقة صّحيحة. شوف ويكيپيديا:الدوزان عاداد د لمقالات لي باقين ناقصينهوم عيون لكلام: 1,329 (حيّد منهوم لپاج د لقالب ؤ ديال دّوزان)
حدف لمقالات لي خاصهوم يتحدفو تحسين لجودة طالع مستعجل أمغار ليستة د لمقالات لي تماركاو باش يتحدفو تصنيف:صفحات مرشحة باش تمسح عاداد د لمقالات لي باقين خاصهوم يتحدفو: 0
دمج لمقالات تحسين لجودة طالع مستعجل أمغار ليستة د لمقالات لي تماركاو باش يتدمجو تصنيف:مقالات مرشحين ل دمج عاداد د لمقالات لي باقين خاصهوم يتدمجو: 0
خوي لكاش د سّيرڤور: (رافريشي صفحة ويكيپيديا:لعطاشات)