فريدريش نيتشه

فريدريش نيتشه
معلومات عامة
زيادة	15 أكتوبر 1844 روكن (لمملكة د پروسيا)
لموت	25 غشت 1900 (55 عام) فايمار (لإمبراطورية لألمانية)
سباب لموت	زهري عصبي
لجنسية	لا قيمة (1869–) لمملكة د پروسيا (1844–1869)
لحرفة	فيلسوف، شاعير، كاتب، ملحّين، تربوي، عالم لغوي كلاسيكي، ناقد موسيقي و باحث في تاريخ العصور الكلاسيكية
لّوغات لي كيعرف	لألمانية
لفاميلة
لواليد	Carl Ludwig Nietzsche
خوت	Elisabeth Förster-Nietzsche
شريك	لا قيمة
معلومات خرى
لأعمال	(1883) هاكا هضر زاراتوسطرا
تأتر ب	أرتور شوبنهاور، هرقليطس، رالف والدو إمرسون، تشارلز داروين، بارمينيدس، أوغست كونت، بليز باسكال، ريتشارد شتراوس، نيكولو مكيافيلي، ريخارد فاغنر، أدالبرت شتيفتر، إدغار آلان بو، بروتاغوراس، جاكومو ليوباردي، بول بورجيه، سيكستوس إمبيريكوس، فرانسوا دي لا روش فوكولد، إيبوليت تين، روجر بوسكوفيتش، ليف شيستوف، باروخ سبينوزا، زرادشت، بالتاسار جراثيان، برنارد ماندفيل، أفريكان سبير، ويليام بتلر ييتس، ميشيل دي مونتين، ديمقريطس، إبيقور، هاينرش هاينه، ستندال، أوسفالد شبينغلر، شتفان جورجه، يوهان يواخيم فينكلمان، جورج كريستوف ليشتنبرغ، ڭوته، بول تيليش، فريدريش ألبرت لانج، Paul Rée، جان جاك روسو، ويليام شيكسپير، Jean-Marie Guyau، فريدرش هولدرلين، ماكس شيلر، ماكس شتيرنر، ماري ويجمان، شتيفان تسفايغ، آدم ميتسكيفيتش، إيمبيدوكليس، أفلاطون، أرسطو، غوتفريد لايبنتس، فولتير، سقراط، ڭيورڭ ڤيلهيلم فريدريش هيڭل، إمانويل كانط، فيودور دوسطويڤسكي، فلسفة يونانية، ديونيسوس، أليكساندر لكبير، هوميروس، يوليوس قيصر، إسخيلوس، ثيوغنيس من ميغارا، Friedrich Wilhelm Ritschl، لو أندرياس سالومي، مانو_(هندوسية)، ثوقيديدس، تشيزري بورجا، ناپوليون بوناپارت و ألكسندر هيرزن
لعسكر
لحروب	الحرب الفرنسية البروسية

فريدريش نيتشه (مزيود ف 15 أكتوبر 1844 ف روكن ف مملكة پروسيا، مات ف 25 غشت 1900 ف ڤايمار ف لإمبراطورية لألمانية) فيلسوف، ناقد، ؤ فيلولوجيست ألماني، لي لأعمال ديالو كان عندها تأتير عميق على لفلسفة لموعاصيرة. كان بدا لكاريير ديالو ف لفيلولوجيا لكلاسيكية، ؤ موراها تحوّل ل لفلسفة. ف 1869 ولّا أصغر واحد شد لكرسي ديال لفيلولوجيا لكلاسيكية ف جاميعة بازل (ف مدينت بازل، دابا ف سويسرا) ملي كان عندو 24 عام. ف 1879، عتازل تّدريس ف لجاميعة بسباب مشاكل صحية لي عانا منها حياتو كاملة. أغلبية د لمؤلفات ديالو سالاهوم ف لعقد لي موراه. ف 1889، جاه نهيار كامل ؤ فقد لقدرات لعقلية ديالو. بقات مّو كاتعتاني بيه حتا ماتت ف 1897، ؤ موراها ختو إيليزابيت فورستر نيتشه حتا مات هوّا ف عام 1900.

لأعمال د نيتشه كاتطرّق ل لمناݣرات لفلسافية، شّيعر، نّقد تّقافي، ؤ لأداب د تّعاويد، معا تفضيل ل لحكام لمأتورة ؤ سّخرية. كيتّعتابر نيتشه من أكبر نّقاد ديال دّين سيرتو لمسيحية ؤ لأخلاق لي كاتدعو ليها، ؤ كيحاول ف لفلسفة ديالو يعطي بديل ل هاد لمنضومة لأخلاقية تّقليدية لي، من لمنضور ديالو، مابقاتش عندها فايدة بعد لموت د الله لي تسبب ف أزمة ديال لعدمية. نيتشه كيركّز أيضا بزاف على لقدرة د لفرد باش يتجاوز لأخلاق تّقليدية، ب ليعتيماد على لإرادة ديالو د لقوة، ؤ تخدام لقدرة لإبداعية ديالو باش يخلق قيم ؤ أخلاق جديدة. لكتوبا دياولو مستهلمين بزاف من طّراجيديا ليونانية، ب لإضافة ل موفكيرين بحال زاراتوسطرا، أرتور شوپنهاور، رالف والدو إميرسون، ريشارد ڤاݣنر ؤ ݣوته.

مورما مات، ختو إيليزابيت ولّات أمينة على لمكتوبات ديالو، ؤ حرّفاتهوم باش تروّج ل لأفكار لقومية لمتطرفة ديالها، بشكل لي كيتناقض معا أراء معروفة ديالو لي ضد لقومية ؤ لمعادية د ليهود. داكشي علاش لفلسفة د نيتشه واحد لمدة كانت ولّات مرتابطة ب لفاشية ؤ نّازية. ولاكين ف خيلال لقرن 20، قدرو مجموعة د لفلاسفة بحال والتر كاوفمان ؤ جورج باطاي باش يصلحو صّورة د نيتشه، ؤ نشرو ڤيرسيونات جداد مصححة د لأعمال ديالو. ف عوام 1960 تّشهر نيتشه بزاف ؤ ستامر تّأتير ديالو على شلا مدارس فلسافية حتال ليوم.

لأعمال ديالو

• لولادة د طّراجيديا (1872)
• على لحقيقة ؤ لكدوب ب معنى لاأخلاقي (1873)
• لفلسفة ف لعصر طّراجيدي د ليونانيين (1873; تّنشر أول مرة ف 1923)
• تأمّولات ماشي ف وقتها (1876)
• إنسان إنساني ب زّايد (1878)
• لفجر (1881)
• صّيونص لفرحانة (1882)
• هاكا هضر زاراتوسطرا (1883)
• مورا لخير ؤ شّر (1886)
• على جينيالوجيا لأخلاق (1887)
• لقضية د ڤاݣنر (1888)
• نّزول د لأصنام (1888)
• لمسيح دّجال (1888)
• هادا هوّا بنادم (1888; تّنشر أول مرة ف 1908)
• نيتشه ضد ڤاݣنر (1888)
• لإرادة د لقوة (مجموعة د لمكتوبات ب ليد ماكانتش تنشرات ف حياة نيتشه، لي كانت ختو إليزابيت حرراتها، ؤ لي من جوايه 1960 مابقاتش كاتّعتابر عامال موحّد)