هاكا هضر زاراتوسطرا

هاكا هضر زاراتوسطرا
معلومات عامة
عنوان أصلي	Also sprach Zarathustra
لموضوع رئيسي	لفلسفة
نوع د لكتاب	تعاويد فلسافي
طبعات ؤ طرجمات	هاكا هضر زاراتوسطرا (طرجامة فرانساوية) و هاكا هضر زاراتوسطرا (طرجامة روسية)
مؤلف	فريدريش نيتشه
لبلاد لأصلية	ألمانيا
لّوغة لأصلية	لألمانية
تاريخ د نّشر	1885
لكوپيرايت	ضومين عام

هاكا هضر زاراتوسطرا: كتاب ل كولشي ؤ ل تا واحد (ب لألمانية Also Sprach Zarathustra: Ein Buch für Alle und Keinen) هوّا كتاب ديال تّعاويد لفلسافي لي كتبو لفيلسوف لألماني فريدريش نيتشه مابين 1883 ؤ 1885. شّخصية رّئيسية ف لكتاب هوّا زاراتوسطرا، لي مبازي على شخصية حقيقية ديال لمؤسس ديال دّيانة زّاراديشتية، ولاكين من غير بعض لعيبارات، ماكاينش شي تشابه مابين هاد جوج شّخصيات ف لأفكار ديالهوم. لكتاب ف لموجمال ديالو كيوصف لأفكار ؤ لمقولات ديال زاراتوسطرا، ؤ كاتّعاود فيه هاد لعيبارة بزاف "هاكا هضر زاراتوسطرا".

سّتيل ديال لكتاب، لي عامر ب تّشبيهات ؤ لعيبارات لمجازية ؤ لحكام لمأتورة، عطا تأويلات مختالفة ل لمقصود منو. ولاكين لمفاهيم لي كيجبدها لكتاب باينة ؤ معروفة، بحال لفوقبنادم، لموت د الله، لإرادة د لقوة، ؤ لمعاودة د رّجوع.

نيتشه عتابر بلي هاد لكتاب أعضم عامال ديالو، ؤ بلي بيه وصّل لّوغة لألمانية ل مستوى جديد ماعمّرها كانت وصلات ليه قبل، شّي لي أكّدوه بزاف د نّقاد ؤ لموحليلين.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.