ناپوليون بوناپارت
ناپوليون بوناپارت (ب لفرانساوية: Napoléon Bonaparte) ولا ناپوليون اللّول (ب لفرانساوية: Napoléon Ier)، (تولد ف أجاكسيو ف كورسيكا ف فرانسا نهار 15 غشت 1769 - مات ف لونݣوود ف لمملكة لمتحدة نهار 5 ماي 1821)، سميتو لأصلية ناپليوني دي بوونا پارطي ( ب الطاليانية: Napoleone di Buonaparte)، و اللي كان معروف تا ب "لكورسيكي"، و لا "لكابرال الصّغير" كان قائد عسكري و سياسي فرانساوي أصلو طالياني.
تعرف ناپوليون بوناپارت مورا التورة لفرانساوية حيت كان داخل مع لعسكر و ساند التورة. بقا طالع مع لعسكر ف وقت لجمهورية لفرانساوية اللّولا (ولاّ جينيرال ملّي كانت عندو 24 عام) و قاد بزاف د لحملات عسكرية ربحها كاملة. ف 1798 قاد حملة عسكرية على مصر باش يسدّ الطريق د لهند على بريطانيا، اللي كانت معادية مع فرانسا ديك لوقت. ف 1804 علن على راسو لإمبراطور د فرانسا و سمّا راسو ناپوليون اللّول. ف لوقت اللي حكم فيه وسّع فرانسا بزاف و حتل بزاف د لبلايص و ربح بزاف د لحروب.
ف 1815 تحالفو ضدو بزاف د لبلدان أوروپية و غلبوه ف لمعركة ديال واطيرلو ف بلجيكا.[1] موراها غادي يقبطوه لبريطانيين و ينفيوه للجزيرة د سانت هيلينا فوسط لمحيط لأطلسي.[2] أيبقا تما تا أيموت ف 1821.
- ↑ "معركة واترلو.. القشة التي قصمت ظهر نابليون - الإقتصادية (2010)". Archived from the original on 2022-06-27. Retrieved 2020-10-07.
- ↑ "حدث في مثل هذا اليوم - نفي نابليون بونابرت إلى جزيرة "سانت هيلانة" - الأحداث المغربية (2018)". Archived from the original on 2022-06-25. Retrieved 2020-10-07.
 |
ويكيميديا كومنز عندا تصاور و معلومات على ناپوليون بوناپارت. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
| عالمي | |
|---|---|
| وطني | |
| أكاديميا | |
| فنانين | |
| ناس | |
| غيرهم | |
