ؤرسولا لڭوين

	ؤرسولا لڭوين
	معلومات عامة
زيادة	21 أكتوبر 1929; بيركيلي (الولايات المتاحدة د ميريكان)
لموت	22 يناير 2018 (88 عام); بورتلاند (الولايات المتاحدة د ميريكان)
طريقة دلموت	موتة طبيعية
سباب لموت	نوبة قلبية
لجنسية	الولايات المتاحدة د ميريكان
لحرفة	كاتيبة، سيناريست، موطرجيم، روائية، شاعيرة، مؤلفة، ناقدة أدبية، كاتبة خيال علمي، ناشطة حقوق المرأة، كاتبة للأطفال، صحافي و ناثرة
لّوغات لي كيعرف	نڭليزية
	لفاميلة
لواليد	أيه. إل. كروبر
لواليدة	ثيودورا كروبر
خوت	كارل كروبير
شريك	Charles Le Guin (1953–2018), لموت
	معلومات خرى
دين	طاوية
لأعمال	Annals of the Western Shore; Catwings; (1964) Earthsea series; (1969) ليد ليسرية د الضلام; (1972) The Word for World Is Forest; (1974) النازحون (رواية); (1978) The Eye of the Heron; (1979) Malafrena; (1979) The Language of the Night; (1980) The Beginning Place; (1985) Always Coming Home; (1989) Dancing at the Edge of the World; (1998) Steering the Craft; (2008) Lavinia;
ستيل	خيال عيلمي، فانطازيا و خيال علمي نسوي
تأتر ب	فيرجيل، فيليب ك. ديك، فرجينيا وولف، جاك فانس، كارل يونغ، لورد دانسني، هربرت جورج ويلز، بيوتر كروبوتكين، ويليام شيكسپير، جوانغ زي، ليو تولستوي، جون رونالد رويل تولكين، خورخي لويس بورخيس، إيما جولدمان، أليس في بلاد العجائب، بول غودمان و لاوتزه
سّيت رّسمي	https://www.ursulakleguin.com
لجوايز	(2018) جائزة هوغو لأفضل الأعمال ذات الصلة../... 53+;

ؤرسولا كروبر لڭوين^{[ن 1]} (مزيودة ف 21 أكتوبر 1929، توفات ف 22 يناير 2018) كاتبة ميريكانية معروفة ب الروايات ديالها د لخيال لعلمي و لفانطازيا. بدات النشر لمرة اللولة ف 1959، و لكاريير لأدابية ديالها متدات علاين 60 عام، ب كتر من 20 رواية، و كتر من 100 قصة قصيرة، زيادة على قصايد شيعرية، نقد أدابي، طرجامات، و كتوبا ل الدراري الصغار.

لڭوين تولدات ف بيركلي، كاليفورنيا. مّها هيّ لكاتبة لميريكانية طيوضورا كروبر و بّاها هوّ عالم لأنطروپولوجيا ألفريد لويس كروبر. خدات ماسطر ف اللوغة لفرانساوية، و كانت بغات تكمّل الدوكتورا، مي حبساتها بعدما تجوّجات شارل لڭوين ف 1953. بدات كاتألف لكتوبا من اللخر د لخمسينات، و خدات هتيمام كبير بعدما نشرات رواياتها سحار ديال أرضسما A Wizard of Earthsea ف 1968، و ليد ليسرية د الضلام The Left Hand of Darkness ف 1969، لي عتابرهوم الناقد لأدابي لميريكاني هارولد بلوم "أروع الروايات لي كتبات".^[2] هاد اللخرة ربحات على ضهرها جايزة هيوڭو و جايزة نيبيولا على أحسن رواية، و ولات ب هادشي أول مرا كاتربح هاد الجوايز. بزاف د لقيصاص و الروايات ديالها كيطراو ف الجوج عوالم خيالية ديال هيين Hain و أرضسما Earthsea. عندها كتوبا كيطراو لأحدات ديالهوم ف بلاد خيالية سميتها ؤرسينيا، و أعمال خرين لي موجهين ل الدراري الصغار، زيادة على شلّا أنطولوجيات.

لكتابات ديال لڭوين متأتّرين ب لأنطروپولوجيا التقافية، الطاوية، لفيمينيزم، و لمؤلفات ديال عالم لپسيكولوجيا كارل يونڭ. عدد د لقيصاص ديالها لأبطال ديالهوم عولاما ديال لأنطروپولوجيا، و لأفكار الطاوية على التوازن كيبانو ف لكتابة ديالها. لڭوين كسرات عدد ديال لعادات ف لكتابة لقيصاصية ف لغرب، متلا ب تدخال شخصيات عندها بشرة داكنة ف روايات أرضسما، و تخدام أساليب و قلدات أدابية ماشي معتادة ف أعمال بحال "ديما راجع ل الدار" Always Coming Home لي خرج ف 1985. من أهم الطيمات السياسية و لإجتماعية ف كتاباتها، كاين لعيرقية، الجندر، السيكس، و التحول من الطفولة ل الرشد. و حاولات تستكشف عدد د لأنضيما السياسية ف رواياتها، بحال لقصة لفلسفية "دوك لي كيمشيو فحالهوم من ؤميلاس" The Ones Who Walk Away from Omelas و رواية "لمحرومين" The Dispossessed (1974).

لڭوين كان عندها تأتير عضيم على لمجال ديال التعاويد التأمّولي، و خدات هتيمام كبير من عند النقاد. ربحات جايزة هيوڭو 8 د لمرات، جايزة نيبيولا 6 د لمرات، و جايزة لوكوس 24 مرّة. ف 2003 ولات تاني مرا كاتاخد اللقب ديال "السيد لكبير" Grand Master ديال لخيال لعلمي و لفنطازيا ف لميريكان. ف عام 2000، لمكتابة د لكونڭريس عتابراتها "أسطورة حية"، و ف 2014 خدات لميدالية د لمؤسسة لوطنية د لكتاب على "مساهمة متيازية ف لأداب لمريكاني". ؤرسولا لڭوين كان عندها تأتير على بزاف د لكتّاب لمعروفين بحال سلمان رشدي، ديڤيد ميتشل، نييل ڭيمان، و أيان بانكس. مورا ما ماتت، الناقد دجون كلوت كتب بلي لڭوين "ترأسات لخيال لعلمي ف لميريكان ل نص قرن".^[3] لكاتب مايكل تشابون عتابرها "أعضم كاتب ؤلا كاتبة ميريكانية ف الجيل ديالها".^[4]^[5]

نوطات[بدل | بدل لكود]

^ كنيتها لي خداتها من راجلها جات من اللوغة لبريطونية و كاتّقرا "لْڭوين" L'gwin و كاتعني "بيض، زعر، زوين".^[1]

عيون لكلام[بدل | بدل لكود]

^ Le Guin، Ursula. "How to Pronounce Me". مأرشيڤي من لأصل ف March 6, 2014. تطّالع عليه ب تاريخ March 22, 2014.
^ White 1999, p. 2.
^ Clute، John (January 24, 2018). "Ursula K Le Guin obituary". The Guardian. مأرشيڤي من لأصل ف November 9, 2019. تطّالع عليه ب تاريخ February 28, 2019.
^ "Fellow writers remember Ursula K. Le Guin, 1929–2018". Library of America. January 26, 2018. مأرشيڤي من لأصل ف January 27, 2020. تطّالع عليه ب تاريخ March 5, 2019.
^ Chabon، Michael (November 20, 2019). "Le Guin's Subversive Imagination". The Paris Review (ب نڭليزية). مأرشيڤي من لأصل ف December 24, 2019. تطّالع عليه ب تاريخ November 24, 2019.

[2] كنيتها لي خداتها من راجلها جات من اللوغة لبريطونية و كاتّقرا "لْڭوين" L'gwin و كاتعني "بيض، زعر، زوين".^[1]

[1] Le Guin، Ursula. "How to Pronounce Me". مأرشيڤي من لأصل ف March 6, 2014. تطّالع عليه ب تاريخ March 22, 2014.

[FOOTNOTEWhite19992-3] White 1999, p. 2.

[Clute_Guardian_Obit2-4] Clute، John (January 24, 2018). "Ursula K Le Guin obituary". The Guardian. مأرشيڤي من لأصل ف November 9, 2019. تطّالع عليه ب تاريخ February 28, 2019.

[Fellow_Writers2-5] "Fellow writers remember Ursula K. Le Guin, 1929–2018". Library of America. January 26, 2018. مأرشيڤي من لأصل ف January 27, 2020. تطّالع عليه ب تاريخ March 5, 2019.

[:02-6] Chabon، Michael (November 20, 2019). "Le Guin's Subversive Imagination". The Paris Review (ب نڭليزية). مأرشيڤي من لأصل ف December 24, 2019. تطّالع عليه ب تاريخ November 24, 2019.

[ن 1]

[2]

[3]

[4]

[5]

[1]