فيمينيزم

سمع (فيشي)
من ويكيپيديا
واحد من الرموز د النسوية
مظاهرة د النسويات فميريكان ف 1912

النسوية ولا لفيمينيزم، هي واحد لمجموعة د لحركات لجتماعية وسّياسية ولإيديولوجيات لي كاتبغي تعرف وتنشئ وتوصل لتّساوي سّياسي ولقتصادي وشّخصي ولجتماعي ديال لجنسين.[1] لفيمنيزم كايتّاخد لموقف لي كايقول بلّي لمجتمعات كاتعطي لأولوية لوجهة نّظر ديال راجل، وبلّي لمرا كاتظلم فهاد لمجتمعات.[2] من بين لمجهودات باش هاتشي يتغير كاين محاربة لأفكار لمسبقة على لجندر وإنشاء فرص ونتائج تعليمية، مهنية و د تّعامل للمرا متساوية مع لّي عند رّاجل.

لكلمة ديال فيمينيست ولا نسوي تتقال على الراجل ولا لمرا اللي تيكافحو باش المرا يكونو عندها نفس الحقوق فلمجتمع بلا ميتفرق بينها وبين الراجل على اساس الجنس ديالهم. حقوق بحال الحق ف الاجهاض ولا الحق فلورت قد قد مع الرجل هي أمثلة د حقوق اللي تشهر بها هاد الفكر و اللي ناداو بيه شي نسويات ونسويين. ولكن كاين حقوق اخرى اللي بفضل هاد النوع من الافكار بدلات الشكل د مجتمعات و السياسات د بلدان، بحال الحق فالتصويت و اللي باقي نسا كتار فالعالم محرومين منو تال ليوم.

من الحقوق اللي تيناضلو عليها الفيمينيست ولا النسويين و النسويات فالعالم كاين:

  • الحق فالتعليم،
  • الحق فالشغل،
  • الحق ف صالير ولا اجر متساو مع الراجل اذا تساواو بجوج ف القدرات و الكفاءات،
  • الحق فلعطلة مورا لولادة.

الفيمينيست تيناضلو حتا ضد التحرش و العنف الاسري، الاغتصاب، وݣاع انواع العنف ضد المرا.

كاين بزاف د الأنواع ديال النسوية بحال النسوية المسيحية اللي تطالب بحق المرأة ف قيادة الكنيسة ولا النسوية لإلحادية اللي تتعتبر باللي الدين هو السبب فظلم المرا[3] وأشكال اخرى، اللي تاتقول كلها باللي الهدف ديالها هو يتحيًدو ݣاع أنواع الحݣرة اللي تيتمارسو على المرا.

تاريخ[بدل | بدل لكود]

لمصطلح[بدل | بدل لكود]

شارل فوريي، فيلسوف وشتراكي يوطوبي فرانساوي، عندو لفضل فتصويغ د لكلمة فيمينيزم (بلفرانساوية: féminisme) ف 1837.[4] لكلمة "فيمينيزم" بانت لأول مرة ف فرانسا وهولندا ف 1872.[5]

عيون لكلام[بدل | بدل لكود]

  1. ^ Lengermann, Patricia; Niebrugge, Gillian (2010). "Feminism". In Ritzer, G.; Ryan, J.M. (eds.). The Concise Encyclopedia of Sociology. John Wiley & Sons. p. 223. ISBN 978-1-40-518353-6.
  2. ^ Gamble, Sarah (2006) [1998]. "Introduction". In Gamble, Sarah (ed.). The Routledge Companion to Feminism and Postfeminism. London and New York: Routledge. p. vii.
  3. ^ "واش الله كايكره لعيالات؟ (بنّݣليزية)". مأرشيڤي من لأصل ف 2021-06-18. تطّالع عليه ب تاريخ 2020-08-20.
  4. ^ Goldstein, Leslie F. (1982). "Early Feminist Themes in French Utopian Socialism: The St.-Simonians and Fourier". Journal of the History of Ideas. 43 (1): 91–108.
  5. ^ Dutch feminist pioneer Mina Kruseman in a letter to Alexandre Dumas – in: Maria Grever, Strijd tegen de stilte. Johanna Naber (1859–1941) en de vrouwenstem in geschiedenis (Hilversum 1994) ISBN 90-6550-395-1, p. 31

شوف تا[بدل | بدل لكود]

Wikimedia Commons تقدر تزيد شوف بزاف د تّصاور و لمعلومات ديال Feminism ف ويكيميديا كومنز.