كون خيالي

لخاريطة د لعالم ف لعالم لخيالي ديال رواية 1984

لكون ؤلا لعالم لخيالي هوّا واحد لكاضر متناسق معا داتو لي كيطراو فيه أحدات، ؤ كيقدرو يكونو فيه تا عناصر، لي مختالفة على لعالم لحقيقي لي كانعيشو فيه. لعوالم لخيالية يقدرو يبانو ف رّوايات، لقيصاص، لأفلام، سّيريات د تّلفازة، لكوميكس، لألعاب د تّيليجو ؤ غيرهوم من صّناف لأدابية و لفنية.

عكس لكاضر ؤلا لإطار تّعاويدي لبسيط، لكون لخيالي كيكون معقد ؤ مفصّل بزاف، ؤ بشكل عام كيحكموه قوانين مضبوطة، لي يقدرو يكونو بحال لقوانين ديال لعالم لواقعي ؤ يقدرو يكونو مختالفين بشكل كامل عليهوم، بحال ف لقيصاص ديال لفنطازيا لي يقدرو يكونو فيهوم سّحارا ؤ كائنات خيالية بحال تنانين ؤلا أشباح ؤلا جنون.

واحد تّعريف ديال عالم ؤلا كون خيالي دارو تّوارخي د لكوميكس لميريكاني دون ماركستين ف واحد لمقال نشرو ف 1970. على حساب ماركستين:

1. يلا شخصية A و شخصية B تلاقاو ف قصة راهوم ف نفس لكون لخيالي. يلا شخصية B و شخصية C ف نفس لكون لخيالي، راه شّخصية A و C تاهوما ف نفس لكون لخيالي.
2. لقاعيدة لّولة ماكاتنطابقش على شخصيات ديال لعالم لواقعي. متلا يلا سوپرمان ف لقصة تلاقا معا رّئيس لميريكاني دجون كينيدي، ؤ لأبطال لخارقين فانطاستيك فور ف لقصة ديالهوم تاهوما تلاقاو معا كينيدي، هادا ماكيعنش ب ضّارورة بلي سوپرمان ؤ فانطاستيك فور كينتاميو ل نفس لعالم لخيالي.