طاوية
| طاوية | |
|---|---|
 | |
| حركة فلسفية، دين، ثقافة | |
| كلاص فرعية ديال | دين، لفلسفة  |
| لمؤسس | لاوتسو |
| بلاد د لأصل | الشينوا التاريخية |
| النص التنضيمي الرئيسي | طاو تي تشينڭ |
| كيمارسها | ضاوشي، ضاوڭو، طاوي |
الطاوية (ب الشينوية : 道教) و هو دين و لا فلسفة جاية من الشينوا و كتأكد بلي لواحد خاصو يعيش ديما و يندامج مع طاو. هاد الدين ولا لفلسفة تأسسات على يد لفيلسوف الشينوي لاوتسو.
أصل نتاع السمية جاي من كلمة نتاع "طاو" كتعني "الطريق". و هو واحد لمفهوم لي منتشر ف لمدارس الشينوية التقليدية و لي كيحاول يشرح لمضمون و النمط و الطريقة و لمصدر ديال أي حاجة كاينة ف الحياة.[1][2]
الطاويين عندهم بزاف نتاع لمعتقدات و كاين منها:
- الطاوية ديانة لي هي أحادية يعني بلي كتأمن بلي هاد لكون جا من مادة وحدة و ما كاينش ختلاف ف مصدر كل حاجة ولّا ختلاف ف لمادة.
- التلاتة النقيين هوما بحال الألهة.
- الطاو ما عندوش شي شكل معين هو كيان ولّا حاجة ماكتشافش و الطاويين ما عندهمش تصور بلي كتشبه للبشر
- حترام الناس لي ساهمو ف تطوير لفلسفة و الدين الطاوي.
- ف طاوية منين كتقال عبارة نتاع "الإندماج مع طاو" ولا "لعيش مع طاو" ماشي ضروري يكون الإندماج ب الروح. بل يقدر حاجة خرى لي ماشي معروفة ماشي بحال السيخية و لهندوسية لي كيأكدو بلي الإندماج غايكون بروح.[3]
لكتاب نتاع طاو تي تشينݣ كتاب لمقدس ف الطاوية و كيقولو بلي لي كتبو هو لاوزي ف لقرن 6 قبل لميلاد واخا هادشي ماشي مؤكد 100٪ بلي هو لي كتبو.
الطقوس نتاع الطاوية كتيرة بزاف و من أبرزها لمهرجانات الشعبية الشينوية لي فيها لموسيقى التقليدية. و كاين شطحات كتيرة بحال "شطحة السبع و التنين". و كاينة حتى الرياضة نتاع لكونݣفو. و كاينين طقوس ممنوعة ف الطاوية بحال الدبيحة نتاع لحيوانات و التقديم ديالها بحال قربان للألهة و لا طاو.
كيوصل عدد لأتباع نتاع الطاوية ل شي 12 مليون واحد متوزعين بزاف ف الشينوا و طايوان و كاينين حتى ف ڤييطنام و الجاپون. و شكّلات الطاوية تاريخ ديني و فلسفي كبير ل بزاف نتاع الدول ف شرق نتاع أسيا.
- ↑ Pollard, Elizabeth; Rosenberg, Clifford; Tignor, Robert (16 December 2014). Worlds Together, Worlds Apart: A History of the World – From the Beginnings of Humankind to the Present. W. W. Norton. p. 164. ISBN 978-0-393-91847-2. Archived from the original on 1 September 2023. Retrieved 21 May 2019.
- ↑ Creel (1982), p. 2.
- ↑ "Taoist Beliefs". Singapore Taoist Federation (ب British English). Retrieved 2025-11-21.
