ڤيروس كورونا ولا كوروناڤيروس (ب لونݣلي: Coronavirus) هو واحد لفاميلا د لڤيروسات لّي كاتمرّض ثّديّـات و طّيور. ف لحالة د بنادم هاد لڤيروسات يقدر ضّرر ديالهوم يبدا من لتهابات بسيطة و دايزة ديال لجهاز تّنفسي بحال رّواح و يمكن يوصل تال شي مواصل خايبة ف لحالة ديال شي فيروسات بحال سّارسSARS(سارس-كوف-2) و ميرس MERS .هاد لفيروسات لّخرين واخا كايكونو قلال غير هوما ف لعوام لّخرة تسببو ف جايحات كبار ف لعالم كامل، و ضّرر ديالهوم كبر من فيروسات رّواح لعادية حيت كايضربو تا لجهاز لهضمي و لمصارن و لقلب و لجهاز لعَصَبي و يمكن يوصّلو ل لموت[1]
