ويكيپيديا:مصادر موتوقة

لمقالات د ويكيپيديا خاصها تكون مبنية على مصادر موتوقة ؤ منشورة، لي كاتضمن بلي جميع لأراء لأساسية ؤ حتا تّانوية لي عندها وزن، ممتلة ف لمحتوى د لمقال (شوف: ويكيپيديا:منضور حيادي). يلا ماكانو حتا مصادر موتوقة على لموضوع، ماخاصش يكون مقال عليه ف ويكيپيديا.

هاد لڭيد كيناقش نواع لمصادر ؤ دّرجة د لموتوقية ديالها على حساب لحالات. سّياسة لي كاتحدّد لمصادر كاينة ف ويكيپيديا:لمراجعية. هاد سّياسة كاتطلّب مصادر ف سّطورا ل أي محتوى لي كيتقابحو فيه لكتاتبيا، ؤلا يقدرو يتقابحو فيه، ؤ ل جميع لقتيباسات. سّياسة د لمراجعية كاتطبّق بدون نيقاش ؤلا ستيتناء على جميع لمحتويات ف لمجال سّمياتي رّئيسي، بما فيها لمقالات، لّيستات ؤلا لمقاطع د لمقالات، ؤ لمعلومات لي فيهوم. باش تعرف كيفاش تزيد لمصادر ف سّطورا، شوف معاونة:كيفاش تزيد لمصادر.

لكتاتبيا خاصهوم يناقشو بيناتهوم لمصادر لي مقبولين ؤلا ماشي مقبولين، ؤ لقرارات كيتجمعو ف ويكيپيديا:لحكام د لمحتوى - لمصادر.

نضرة عامة

تعريف مصدر

لمصدر ؤلا لمرجع ؤلا سّورس هيّا لبلاصة منين كاتجي شي معلومة مكتوبة ف ويكيپيديا. أمتيلا ديال مصدر هوما مقال صحافي، كتاب، ؤلا پاج د أنتيرنيت. لمصدر يقدر يكون ورقي، ف جورنال ؤلا كتاب، ؤلا ديجيطالي (رقمي) ف أنتيرنيت، على شكل تصويرة ؤلا ڤيديو ؤلا پاج د سيت د لويب. يقدر يكون موتوق ؤلا ماشي موتوق، على حساب لموضوع، شكون دارها، ؤ طّريقة د لإنتاج ؤ تّخدام ديالها. هاد لعوامل ؤ عوامل خرين خاص لكتاتبيا ياخدوهوم ف لعتيبار باش يناقشو لموتوقية ديال لمصادر.

تعريف مصدر "منشور"

كلمت "منشور" كيتّقصد بيها عادتن تّيكست لي تّنشر ؤ كيقدر يطّالع عليه لواحد ؤنلاين ؤلا ف وراق ؤلا شي وسط أخور، ولاكين تقدر تكون على شكل ؤديو ؤلا ڤيديو يلا كانت لجيهة لي صدرات لمصدر موتوقة، بحال وتائقي د صّيونص ساهمات فيه جامعة معروفة، ؤلا تسجيل ديال محاكمة صدراتو مؤسسة قضائية. ماشي ضروري تكون نّسخة لأصلية متوفّرة، حيت ڤيرسيون مأرشيڤية لي فيها نفس لمحتوى د لمصدر لأصلي تقدر تكفي. بشكل عام لمصدر خاصو يكون موتاح مبدئيا للكتاتبيا لخرين باش يقدرو يراجعوه. لوتايق سّرية لي مسدود عليها من عند شي مؤسسة ؤلا شركة ماخاصهاش تخدّم مصدر، من غير يلا كانت تاحت للعوموم ؤلا تسرّبات ب شي طاريقة ؤ أي واحد ولا قادر يطّالع عليها. لقانونية ديال هاد لإتاحة ؤلا تّسريب ماشي مسؤولية ديال ويكيپيديا، ولاكين ويكيپيديا ماكاتشجّعش ب أي طريقة ؤلا شكل من الشكال باش يتسرّبو بحال هاد لوتايق بشكل لاقانوني. تّخدام ديال بحال هاد لمصادر خاصو ياخد ف لعتيبار صّالح لعام، ؤ يتجنب على قدر ليمكان يتسبّب ف شي ضرر ل جيهة مؤسساتية ؤلا أشخاص. زيادة على هادشي، خاص لكتاتبيا يتسنّاو حتا يخرج تقرير ديال خوبارا لي كيضمن لموتوقية ديال هاد لوتايق ؤلا لمصادر باش يقدرو يتّستعملو ف مقال.

سّياق د لمصدر

فقرة مازالا خاوية ولا ناقصة:

هاد لفقرة مازالا خاوية ولا ناقصة، زعم باش تبدّل فيها و نزيدو نكبّروها

لعمر د لمصدر

فقرة مازالا خاوية ولا ناقصة:

هاد لفقرة مازالا خاوية ولا ناقصة، زعم باش تبدّل فيها و نزيدو نكبّروها

نواع لمصادر

فقرة مازالا خاوية ولا ناقصة:

هاد لفقرة مازالا خاوية ولا ناقصة، زعم باش تبدّل فيها و نزيدو نكبّروها