معاونة:كيفاش تزيد لمصادر
هاد لمقال كيحاول يشرح، من نّاحية تّقنية، كيفاش كيتزادو لمصادر د لمعلومات (عيون لكلام كيف كانو كيتسماو قبل ف ويكيپيديا ب دّاريجة). لحكام د لمصادر ب لموقابيل موجودين ف ويكيپيديا:لحكام د لمحتوى - لمصادر.
وحدة من سّياسات لأساسية ديال ويكيپيديا هيّا لمراجعية، يعني لقابلية ديال لمعلومات باش يتراجعو ؤ يتڤيريفاو من طاراف أي كتاتبي ؤلا قاري. لمقالات د ويكيپيديا خاصها تكون موتّقة ب مصادر موتوقة لي كاتدعم لمحتوى د لمقال، سيرتو لمعلومات لي يقدر شي حد يشكّك ف صّحة ديالها. ويكيپيديا أيضاً ماشي بلاصة ديال لأبحات لأصلية، ؤ ماخاص حتا كتاتبي يزيد معلومات ؤلا ستينتاجات من راسو، بلا مايتحقق بلي كاينة ف شي مرجع موتوق. يلا كنتي كا كتاتبي كاتزيد معلومات إضافية ل شي مقال، كاتبقا لمسؤولية ديالك باش تزيد مصادر لي كاتدعم ديك لمعلومات. أي معلومات مامدعوماش تقدر تعرّض ب سهولة ل تّحياد. ف شي حالات يقدر شي كتاتبي خور يزيد طّاڭ ديال {{خاص شي مصدر لهادشي}}، باش يعطي لفرصة ل مول تّعديل لأصلي يزيد مصادر مناسبة. ولاكين ف بزاف د لحالات يقدر داكشي يتحيّد ب كل بساطة. لكتاتبي خاصّو يحاول يزيد لمصادر بأمانة (ماديرش مصدر مافيهش لمعلومات لمقصودة ؤلا مصدر خيالي لي ماكاينش ڭاع)، ؤ بدقة (متلا يدير حتا نّمرة د صّفحة ف كتاب ؤ يلا قدر حتا لمقطع من لكتاب لي فيه لمعلومة)، باش يسهّل لمراجعة ديال لمصادر.
كاينين بزاف د لأنواع د لمصادر، بحال لمقالات صّحافية ف لويب ؤلا ف جّورنالات ؤ لمجلات، لمقالات لعلمية، ؤ لكتوبا. كلا واحد فيهوم عندو طاݣ ؤلا موضيل خاص بيه باش كيتزاد ف لموضع د تّيكست لي محتاجين ليه.
باش يتجمعو لمصادر ف بلاصة وحدة، خاص لموضيل د كلا مصدر يكون مضور بيه طّاڭ د <ref>سمية ؤلا ليان ؤلا موضيل د لمصدر</ref>. بشكل ؤطوماتيكي كيتجمعو لمصادر ف لّخر ڭاع د لمقال. يلا بغيتي يتجمعو لمصادر ف موضع محدد د لمقال (ماشي ب ضّارورة ف لّخر ڭاع) متلا تحت فقرة خاصة ب لمصادر، كاتستعمل موضيل:عيون ب هاد شّكل:
== مصادر ==
{{عيون}}
طّاݣ ref تقدر تزيدو ب كليك واحد على "مرجع" ف لبارة ديال تّعديل.
يلا كتبتي لمصدر كيما موصوف ف لفقرة لي قبل غادي تبان هاكا:[1]
- ^ سمية ؤلا ليان ؤلا موضيل د لمصدر
يلا وحلتي ف زّيادة د لمصادر، ؤ بغيتي طاريقة ساهلة، يكفي تزيد سّمية د لمصدر بين طّاݣات د ref كيما ديجا مشروح قبل، متلاً:
<ref>الإستقصا في أخبار المغرب الأقصى، الناصري، ص. 65</ref>
يلا كانت لمصدر على شكل ليان د لويب، تقدر تزيدها ب أبسط طاريقة هاكا:
<ref>[http://www.google.com ݣوݣل]</ref>
لمصادر لي على شكل صفحات عامة د لويب (ديال شي سيت د لويب) كيتقادو ب ستيعمال موضيل:مرجع ويب ؤلا موضيل:Cite web. هاد لموضيل كيسمح ب وضع معلومات محددة على لمصدر، بحال لعنوان، تّاريخ فاش صدرات، تّاريخ فاش تشافت، لّيان (رابط) د لويب، لّوغة، طّرجامة د لعنوان يلا ماكانش ب دّاريجة، سّمية د سّيت، مقطع من لمصدر لي عندو علاقة ب لموضوع... لموضيل ؤ لمودول لي خدّام من موراه كيتكلّفو ب لفورماطاج ديال نّص د لمصدر باش تبان بشكل مزيان ؤ مقاد. تّفاصيل ديال تّخدام د هاد لموضيل كاينة ف ضّوكو د لموضيل براسها. ف لكوض كيبان هاد لموضيل هاكا:
{{مرجع ويب
|url=لّيان
|title=لعنوان
|trans-title=طّرجامة د لعنوان
|date=تّاريخ فاش صدرات (متلا 6 مارس 2004)
|website=سّمية د سّيت
|access-date=تّاريخ فاش تشافت (متلا 25 أكتوبر 2021)
|quote=مقطع
|language=لّوغة (ب سّمية بحال "لعربية"، ؤلا لكوض د لّوغة بحال "ar"
}}
باش يتزاد معا لمصادر، غادي يخص تضوّر هاد لموضيل ب طّاݣ د ref ب طابيعت لحال.
{{مرجع كتاب}} ؤلا {{Cite book}}
{{مرجع جورنال}}ؤلا {{Cite journal}}