واساخ:صلاح الدين مزوار
 هادا واساخ ديال مقالة تراجعات.لمقالة كاينة دابا ف لمجال سّمياتي رّئيسي هنا. يلا بغيتي تزيد تّعرف على سّياسة د لواساخ، شوف لحكام د لواساخ. |
صلاح الدين مزوار
| ||
صلاح الدين مزوار (مزيود ف 11 دجنبر 1953 ف مكناس) سياسي ؤ ؤستاد د لقتيصاد مغريبي، كاينتامي ل تّجمع لوطني د لأحرار. ؤ كان عضو ف لمجلس د نّواب ؤ وزير د لخارجية.
حياتو
[بدل لكود]صلاح الدين مزوار تخرّج من جاميعة د پيير مينديس فرانس ؤ خدا ديپلوم د لميتريز ف لعلاقات دّولية من جاميعة ݣرونوبل، ؤ ديپلوم ف تّدبير من لمعهد لعالي د تّيجارة و إدارة لمقاولات (ISCAE) ف كازا. ؤ كان واحد لوقت لعب معا لمونتاخاب لوطني لمغريبي د لباسكيط.[1]
مزوار مجوج ؤ عندو جوج ولاد.
كاريير
[بدل لكود]صلاح الدين مزوار كان خدم ف لبدية د تّمانينات ف دّيپرطومو لإداري ف وكالة توزيع لما و تّريسينتي ف رّباط و طانجا، قبل ما يلتاحق ب مكتب ستيغلال لمراسي (من 1986 تال 1991). و ف عام 1991 لتاحق ب مجموعة سپنيولية متخصصة ف تّيكستيل، و تعيّن مودير عام د لفرع ديالها ف مدينة سطات، موراها تولّا مهمة د مودير تيجاري د لمجموعة براسها ف لمغريب و إفريقيا و شّرق لأوسط. تّنتاخب صلاح الدين مزوار، ملي كان ديجا عضو د لّجنة لمركزية د تّجمع لوطني د لأحرار، ف يونيو 2002 رايس د لجمعية لمغريبية د صّناعات د تّيكستيل ؤ لحوايج.[1]
و تّنتاخب رايس د لفيدرالية د تّيكستيل و لحوايج و لمنتوجات د جّلد ف ليتيحاد لعام د لمقاولات د لمغريب. و تعيّن ف 8 يونيو 2004 وزير د صّيناعة و تّيجارة و تأهيل لقتيصاد. و ف 15 أكتوبر 2007 وزير د لقتيصاد و لفينونس. و ف 23 يناير 2010، تّنتاخب رايس ديال حيزب تّجمع لوطني د لأحرار. ف 23 أكتوبر 2013، تعيّن وزير د لخارجية و تّعاون.[2]
كان أيضا مودير ديال لفرقة د رّاجا لبيضاوي.[1]
عيون لكلام
[بدل لكود]- ^ a b c "Salah Eddine MEZOUAR" (ب لفرانساوية).
- ^ "نبذة عن السيد صلاح الدين مزوار وزير الشؤون الخارجية والتعاون الجديد" (ب لعربية). 10 أكتوبر 2013.