صلاح الدين مزوار
صلاح الدين مزوار
| ||
.jpg) | ||
| معلومات عامة | ||
| زيادة | 11 دجنبر 1953 (72 عام) مكناس | |
| لجنسية | لمغريب | |
| لحرفة | إيكونوميست و سياسي | |
| لّوغات لي كيعرف | عربية و لفرانساوية | |
| معلومات خرى | ||
| دين | إسلام | |
| لحيزب | تجمع لوطني د لأحرار | |
| رياضة | ||
| رياضة | باسكيط | |
  | ||
صلاح الدين مزوار (مزيود ف 11 دجنبر 1953 ف مكناس) سياسي ؤ ؤستاد د لقتيصاد مغريبي، كاينتامي ل تّجمع لوطني د لأحرار. ؤ كان عضو ف لمجلس د نّواب ؤ وزير د لخارجية.
صلاح الدين مزوار تخرّج من جاميعة د پيير مينديس فرانس ؤ خدا ديپلوم د لميتريز ف لعلاقات دّولية من جاميعة ڭرونوبل، ؤ ديپلوم ف تّدبير من لمعهد لعالي د تّيجارة و إدارة لمقاولات (ISCAE) ف كازا. ؤ كان واحد لوقت لعب معا لمونتاخاب لوطني لمغريبي د لباسكيط.[1]
مزوار مجوج ؤ عندو جوج ولاد.
صلاح الدين مزوار كان خدم ف لبدية د تّمانينات ف دّيپرطومو لإداري ف وكالة توزيع لما و تّريسينتي ف رّباط و طانجا، قبل ما يلتاحق ب مكتب ستيغلال لمراسي (من 1986 تال 1991). و ف عام 1991 لتاحق ب مجموعة سپنيولية متخصصة ف تّيكستيل، و تعيّن مودير عام د لفرع ديالها ف مدينة سطات، موراها تولّا مهمة د مودير تيجاري د لمجموعة براسها ف لمغريب و إفريقيا و شّرق لأوسط. تّنتاخب صلاح الدين مزوار، ملي كان ديجا عضو د لّجنة لمركزية د تّجمع لوطني د لأحرار، ف يونيو 2002 رايس د لجمعية لمغريبية د صّناعات د تّيكستيل ؤ لحوايج.[1]
و تّنتاخب رايس د لفيدرالية د تّيكستيل و لحوايج و لمنتوجات د جّلد ف ليتيحاد لعام د لمقاولات د لمغريب. و تعيّن ف 8 يونيو 2004 وزير د صّيناعة و تّيجارة و تأهيل لقتيصاد. و ف 15 أكتوبر 2007 وزير د لقتيصاد و لفينونس. و ف 23 يناير 2010، تّنتاخب رايس ديال حيزب تّجمع لوطني د لأحرار. ف 23 أكتوبر 2013، تعيّن وزير د لخارجية و تّعاون.[2]
كان أيضا مودير ديال لفرقة د رّاجا لبيضاوي.[1]
- 1 2 3 "Salah Eddine MEZOUAR" (ب الفرنسية). Archived from the original on 3 فبراير 2017.
- ↑ "نبذة عن السيد صلاح الدين مزوار وزير الشؤون الخارجية والتعاون الجديد" (ب العربية). 10 أكتوبر 2013. Archived from the original on 10 يونيو 2015.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |
