هيليوم

من ويكيپيديا
اذهب إلى التنقل اذهب إلى البحث
هيليوم
Helium discharge tube.jpg
لجدوال الدوري
الرمز He
النمرة الدرية 2
قبل منّو عنصر كيماوي (هيدروجين)
بعد منّو عنصر كيماوي (ليثيوم)
ليحداتيات فلجدوال عناصر الدورة الأولى و غاز نبيل
ليكتيشاف
اللي كتاشفو پيير جانسن
إيمتا تكتاشف 18 غشت 1868
تسمّى على هيليوس
لبيانات لمعبورة
لكتلة 4.002602
شكل ليليكترونات 1s²
لكتافة 0.1785 kg/m³
لحرارة فاش كايدوب −272.05 °C
لحرارة فاش كايغلي −268.9 °C
لخاصيات ماعندوش لون، ماعندوش مداق و ماعندوش ريحة
لكهروسيلبية 4.5

لهيليومنݣليزية Helium من ليونانية ἥλιος[1] هيليوس بمعنى "شمش") هوّا عنصر كيماوي أساسي، رّمز ديالو هو He ؤ نّمرة دّرية ديالو 2[2] ف طّابلو دوري، هاد لعنصر مستّف ف سّطر (دّورة) 1 ؤ لعمود (لمجموعة) 18. هاد لعنصر داخل ف لݣروپ ديال لغازات النبيلة. ف ضروف لمعيارية د ضغط و لحرارة، هاد لعنصر كايكون ف لحالة د ݣاز.

تّاريخ[بدل | بدل لكود]

ف 1868، پيير جانسن سافر ل لْهند باش يحسب سپيكتر د شّمش ف لوقت ديال لكوسوف لْكامل، ؤ لاحض واحد لخط صفر ف سپيكتر لّي كيدل علا عنصر جديد. جوزيف نورمان لوكاير سجل نفس لْخط ملي راقب شمش من تحت ضبابة د لندن، ؤ فتارض أن لعنصر جّديد هوّا فلز لّي سماه هيليوم.

ف 1882، لعاليم طّالياني لويجي پالمييري شاف نفس لبلان ف سپيكتر ديال لݣازات لّي خارجة من بركان ڤيسوڤيوس، ؤ نفس لحاجة طرات ملي درس لعاليم لميريكاني ويليام هيلبراند لݣاز لّي كيخرج من تاني أوكسيد ليورانيوم فاش كيدوب ف لاسّيد.

مي پير تيودور كليڤ ؤ نيلز أبراهام لانݣليت هوما أول وحدين عاودو هاد تّجربة ؤ أكدو لكتيشاف ديال لهيليوم ف 1895 ف أوپصالا ف سويد، ؤ حسبو لكتلة درية ديالو.[1]

لكترة ف طّبيعة[بدل | بدل لكود]

لهيليوم هوّا تاني أكتر عنصر كيماوي متناشر ف لكون ب نسبة ديال 25%، ؤ كينتج من تفاعل د لنديماج نّووي ديال لهيدروجين ف نّْجوم،[3] ؤ كيتلقا ف نّْجوم كاملين.

ف لأرض لهيليوم كيتنتج ب شكل طبيعي من تّهراس د جسيمات ألفا ديال لعناصر رّاديواكتيڤة بحال لأورانيوم ؤ طّوريوم. واحد طّرف من هاد لهيليوم كيدوز ل لجو، لّي نّسبة د لهيليوم فيه 5 علا مليون. هاد لعملية كتم ف إطار ديال توازن ديناميكي، حيت لفايض ديال لهيليوم كيفلت ل لفضا لخرجاني. لستيخراج د لهيليوم من لجو عملية ماشي قتيصادية. لإنتاج ديال لهيليوم كيتم ب لستيخراج ديالو من لݣاز طّبيعي لّي كيحتاوي علا 7% د لهيليوم.

ليزر الهيليوم

أكبر تلاتة د لمنتيجين ديال لهيليوم هوما لميريكان، دزاير ؤ روسيا، ؤ أكبر حتياط كاين عند لميريكان، قطر ؤ دزاير.[1]

لخاصيات[بدل | بدل لكود]

لْخاصيات لْخرجانية[بدل | بدل لكود]

لهيليوم كيكون علا شكل ݣاز ماعندوش لون ؤلا ريحة ف درجة لحرارة لعادية، ؤ ماكيتفاعل معا حتا شي مادة معروفة.[1] ف ضّروف لعادية ديال ضّغط، لهيليوم ماعمرو كيولي قاسح كيفما كانت لحرارة، مي كيولي سايل ف 268.93- سيلسيوس. فاش كيدوز تيار د تريسينتي ف لهيليوم، كيضوّي ب لون خوخي باهت.[4]

فاش كيدوز تيار د تريسينتي ف لهيليوم، كيضوّي ب لون خوخي باهت
تيوب علا شكل رّمز ديال لهيليوم عامر ب لهيليوم ؤ دايز فيه تّريسينتي

لْخاصّيات لْفيزيكية[بدل | بدل لكود]

لْخاصّيات لْفيزيكية ديال لهيليوم-4 هيّا كتّالي:

تطبيقات عملية[بدل | بدل لكود]

لهيليوم كيتستعمل كا وْسْط تبريدي، متلا ف زّدّاح لْكبير د لْهادرونات، ف دوزان بحال لمغناطيسات سوپردوّازة ديال سكانير د تّصوير ب صّونيط لمغناطيسي ؤ سپيكتروميتر د صّونيط نّووي لمغناطيسي. ؤ تستعمل أيضا ف تّبريد ديال دّوزان ديال صاطليتات ؤ ف تّبريد ديال لأوكسيجين ؤ لهيدروجين سّايلين لّي تستعملو كا فيول ف صّاروخ د أپولو.[1]

حيت لهيليوم عندو كتافة ضعيفة، كيتستعمل ف تّعمار ديال لبالونات د دّيكور، ؤلا لبالونات د طقس ؤ لمنطادات. لهيدروجين حتا هوّا كان عندو هاد لستيعمال مي بسباب تّفاعلية لكبيرة ديالو، حبسات هاد لقضية.

ؤ حيت لهيليوم عندو تفاعلية ضعيفة، كيتستعمل كمناخ حامي ؤ ساقل فين كيتصاوبو لْخيوط لْأوپتيكية ؤ سّوپردوّازات. لهيليوم كيتستعمل أيضا ف تّعمار ديال لإيرباݣ د طّونوبيلات. تخليطة ديال 80% هيليوم ؤ 20% أوكسيجين كتستعمل كا جو صطيناعي ف لغطيس لغارق، ؤ حالات خرين فين بنادم كيخدم ف ضروف عالية ديال ضّغط.

لّيزر د لهيليوم ؤ نّيون كيتستعمل ف سّكانير د لباركود ف سوپرمارشيات. ؤ كاين دابا ستيعمال جديد ديال لهيليوم ف لميكروسكوپ د لهيليوم لإيوني لّي كيعطي صورة حسن من لميكروسكوپ ليليكتروني.[1]

إزوطوپات[بدل | بدل لكود]

لهيليوم عندو جوج إيزوطوپات مستاقرين هوما هيليوم-3 ؤ هيليوم-4. هاد ليزوطوپات بجوج ضهرو من لبدية ديال لكون، تقريبا 100 تانية مورا لبيݣ بانݣ، علا طريق هاد تّفاعلات:

D + D ➔ 3He + n

D + D ➔ 4He + γ

T + D ➔ 4He + n

3He + n ➔ 4He + γ

3He + D ➔ 4He + p

D = دوتيريوم، n = نيوطرون، γ = شعا د ݣاما، T = تريسيوم، p = پروطون.[5]

راصيو ديال لهيليوم-3 ب نّسبة ل لهيليوم-4 هوّا تقريبا 8x10-5 حيت لهيليوم-4 مستاقر كتر بزاف من لهيليوم-3. هاد رّاصيو تطور معا تّفاعلات لّي كتوقع ف لعمق ديال نّجوم بحال شمش، حيت بجوج كينتجو ف تّفاعل لْمسلسل پروطون-پروطون ب شّكل تّالي:

p + p ➔ D + β+ + ν

D + p ➔ 3He + γ

3He + 3He ➔ 4He + 2 p

+β = پوزيطرون، ν = نوترينو.[5]

لإيزوطوپات ديال لهيليوم
سمية د لإيزوطوپ لكتلة دّرية (ݣرام/مول) نّسبة ف طّبيعة (%) نص د لحياة
هيليوم-2 2.015894 0 قل من 10 نانوتانية
هيليوم-3 3.01602 0.000134
هيليوم-4 4.0026 99.999866
هيليوم-5 5.012 0 700 يوكطوتانية
هيليوم-6 6.01888 0 806.92 ميليتانية
هيليوم-7 7.02799 0 2.51 زيپطوتانية
هيليوم-8 8.03393 0 119.1 ميليتانية
هيليوم-9 9.04395 0 2.5 زيپطوتانية
هيليوم-10 10.05282 0 3.1 زيپطوتانية

عيون لكلام[بدل | بدل لكود]

  1. 1.0 1.1 1.2 1.3 1.4 1.5 "لجمعية لملكية د شّيمي Royal Society of Chemistry" (بنݣليزية).CS1 maint: unrecognized language (link)
  2. لمعلومات لكاملة ديال لعناصر د لجدول الدوري
  3. "لهيدروجين ؤ لهيليوم" (بنݣليزية).CS1 maint: unrecognized language (link)
  4. "طّابلو دّوري، لهيليوم" (بنݣليزية).CS1 maint: unrecognized language (link)
  5. 5.0 5.1 "ليزوطوپات ديال لهيليوم، موسوعة د جيوشيمي، سپرينݣر" (بنݣليزية).CS1 maint: unrecognized language (link)
Wikimedia Commons تقدر تزيد شوف بزاف د صور و معلومات ديال Helium ف ويكيميديا كومنز.