سمع لهاد لمقال

هيدروجين

من ويكيپيديا
اذهب إلى التنقل اذهب إلى البحث
سمع لهاد لمقال
Spoken Wikipedia icon
هاد لؤديو مخدوم من واحد نوسخة د لمقال "هيدروجين" بتاريخ 7 نونبر 2020، وماداخلش فيه تبديلات لي جاو من بعد.
هيدروجين
Hydrogen discharge tube.jpg
لجدوال الدوري
الرمز H
النمرة الدرية 1
قبل منّو عنصر كيماوي (نيوترونيوم ترجم)
بعد منّو عنصر كيماوي (هيليوم)
ليحداتيات فلجدوال عناصر الدورة الأولى ترجم و عناصر المجموعة الأولى ترجم
ليكتيشاف
اللي كتاشفو هنري كاڤنديش
فين تكتاشف نڭليز
إيمتا تكتاشف 1766
تسمّى على ما
لبيانات لمعبورة
لكتلة 1.008
شكل ليليكترونات 1s¹
لكتافة 0 g/cm³
لحرارة فاش كايدوب -259.14 °C
لحرارة فاش كايغلي -252.87 °C
النماري دلاكسدة -1، 1، 0
الطاقة دالتايّون
(لمستوايات)
13.598 (1)
لكهروسيلبية 2.2

لهيدروجيننّݣليزية: Hydrogen من ليونانية ὕδωρ هيدور "ما" ؤ لفرانساوية gène جين "يخلق، يصاوب" ب معنى "لّي كيخلق لْما")[1] هو عنصر كيماوي أساسي ، رّمز ديالو هو H و نمرة درية ديالو 1[2] ف لجدول الدوري، هاد لعنصر مرتب ف سّطر (دّورة) 1 و لعمود (لمجموعة) 1. هاد لعنصر داخل ف لݣروپ ديال لّافلزّات. ف ضّروف لمعيارية د ضّغط و لحرارة، هاد لعنصر كيكون ف لحالة د غاز و هو معروف من 1766.

تّاريخ[بدل | بدل لكود]

ف لبدية ديال لقرن 16، لخيميست پاراسيلسوس لاحض أن لْفوقاعات لّي كيطلعو فاش نّشارة د لحديد كتزاد ل لْحمض لْكبريتي قابلين ل ليشتيعال. ف 1671، روبرت بويل غادي يدير نفس لْملاحضة. حتا واحد من هاد جّوج ما قدر يستنتج لْوجود ديال لهيدروجين، داكشي علاش ليكتيشاف ديالو كيتنسب ل كاڤنديش. ف 1766، قدر يجمع هاد لفوقاعات ؤ يبين أنها مشكلة من غاز مختالف علا لغازات لْخرين. من بعد غادي يبين أن لهيدروجين ملّي كيتحرق كيعطي لْما، ؤ ب هادشي غادي يسالي معا لعتيقاد لّي كان منتاشر أن لْما عنصر أساسي ف طّبيعة. هاد لغاز غادي تعطا ليه سّمية ديال هيدرو-جين، ب معنى "لّي كيخلق لْما" من طرف عالم شّيمي لفرنساوي أنطوان لاڤوازيي.

ف 1931، هارولد أوري ؤ لمساعدين ديالو ف جامعة كولومبيا ف لميريكان، كتاشفو نوع آخور نادر ديال لهيدروجين. هاد نّوع، لّي هوّا ليزوطوپ هيدروجين-2، ؤ لكتلة ديالو ضوبل ديال لهيدروجين-1، تسمّا دوتيريوم.[3]

لخاصيات[بدل | بدل لكود]

لْخاصيات لْخارجية[بدل | بدل لكود]

لهيدروجين كيكون علا شكل غاز ف درجة لحرارة لْعادية، ؤ ماعندوش لون ؤلا ريحة، ؤ عندو أصغر كتافة ما بين لغازات كاملين. كيولي سايل ف 252.879- درجة سيلسيوس، ؤ كيتجمد ف 259.16- درجة سيلسيوس.

لهيدروجين هوّا أكتر عنصر موجود ف لْكون ب نسبة ديال 73%، عاد تابعو لهيليوم ب 25%، ؤ لعناصر لخرين مجموعين 2%. أغلبية ديال هاد لهيدروجين كاين ف نّجوم. كوكب لمشتري حتا هو مكون أساسا من لهيدروجين.[3][4]

لخاصيات لفيزيكية[بدل | بدل لكود]

لخاصيات لفيزيكية ديال لهيدروجين-1، لّي هوّا أكتر نضير د لهيدروجين متوفر ف طّبيعة هيّا كتّالي:

تطبيقات عملية[بدل | بدل لكود]

لهيدروجين كيعتابروه بعض نّاس هوّا مصدر د طّاقة نّقية ديال لمستقبل، حيت نقدو نجيبوه من لْما، ؤ فاش كيتحرق كيولّي ما مرة خرة. كاينين ديجا خلايا د لْفيول كتخدم ب لهيدروجين، كتستعمل دابا ف بعض طّوبيسات ؤ طّوموبيلات.

لهيدروجين كيتستعمل ف لهندسة زّراعية باش ينتج لْأمونياك لّي كيتخدم ف تّخصيب زّراعي، ؤ ف إنتاج لپلاستيك ؤ بعض دّوايات. كيتستعمل أيضا ف تكرير لپيترول باش يتحيد منو لْكبريت، ب لإضافة ل صّناعة لغدائية متلا ف إنتاج سّمن صّناعي.

ف صّناعة د جّاج، كيتستعمل لهيدروجين ك مناخ حامي باش يتصنّعو لواح ملسة ديال جّاج، ؤ ف ليليكترونيك كيتخدم ف تصنيع رّقاقات سّيليكونية.

لكتافة ضعيفة ديال لهيدروجين خلاتو يكون أول ختيار ك غاز باش كيتعمرو لْمناطيد، مي فاش نفاجر لْمنطاد لْمعروف هيندنبورڭ ف نيوجيرسي ف لميريكان، توقف هاد ليستخدام.[3]

إزوطوپات[بدل | بدل لكود]

نضير ؤلا ليزيطوپ هيدروجين-1 كيتسما پروتيوم، ؤ كيكون مكون من پروتون ف نّواة ؤ إلكترون. دّوتيريوم ؤلا هيدروجين-2 نّواة ديالو مكونة من پروتون ؤ نيوترون، ؤ تريسيوم (هيدروجين-3) عندو جوج نيوترونات ؤ پروتون ف نّواة. لإزوطوپات لخرين كاملين صطناعيين تصاوبو غير ف لمختبر ؤ ماشي مستاقرين، بحيت كيتلاشاو ف أجزاء قليلة من تانية من بعد ماكيبانو.[5]

لإيزوطوپات ديال لهيدروجين
سمية د لإيزوطوپ سّمية 2 لكتلة دّرية (ڭرام/مول) نّسبة ف طّبيعة (%) نص د لحياة
هيدروجين-1 پروتيوم 1.008 99.9885
هيدروجين-2 دوتيريوم 2.014 0.0115
هيدروجين-3 تريسيوم 3.016 0~ 12.31 عام
هيدروجين-4 - 4.026 0 140 يوكطوتانية
هيدروجين-5 - 5.035 0 910 يوكطوتانية
هيدروجين-6 - 6.044 0 290 يوكطوتانية
هيدروجين-7 - 7.052 0 23 يوكطوتانية

مصادر[بدل | بدل لكود]

  1. "أصل كلمة هيدروجين" (بنڭليزية).CS1 maint: unrecognized language (link)
  2. لمعلومات لكاملة ديال لعناصر د لجدول الدوري
  3. 3.0 3.1 3.2 3.3 "لْجمعية لْملكية ديال شّيمي Royal Society of Chemistry، لْجدول دّوري، هيدروجين" (بنّڭليزية).CS1 maint: unrecognized language (link)
  4. "نّسبة ديال لهيدروجين ؤ لعناصر لخرة" (بنڭليزية).CS1 maint: unrecognized language (link)
  5. "ليزوطوپات ديال لْهيدروجين" (بنڭليزية).CS1 maint: unrecognized language (link)
Wikimedia Commons تقدر تزيد شوف بزاف د صور و معلومات ديال Hydrogen ف ويكيميديا كومنز.