نيوساوت ويلز
نيوساوت ويلز (بالنݣليزية: New South Wales) هي وحدة من لويلايات ديال ؤسطراليا. هي أقدم وحدة فديك لبلاد وكاتسمى "لويلاية اللولة" (بالنݣليزية: Premier State). ولعاصيمة ديالها هي سيدني. نيوساوت ويلز هي اللي فيها أكبر عدد ديال الناس، واللي واصل ل8 دلمليون واحد.[2]
السمية ديال نيوساوت ويلز، واللي كاتعني "بلاد لغال تاع لجانوب الجديدة" جات من لمدكرات اللي كان كايكتبها لقبطان جيمز كوك، واللي هو براسو وصل للساحل ديال ؤسطراليا ف1770. هو كان يحساب ليه باللي لأرض كاتشبه لبلاد لغال. كان فاللول سمّاها بلاد لغال الجديدة "نيو ويلز" ولاكين من بعد بدّلها.
تأسسات نيوساوت ويلز ف1778 على يد النݣليز اللي أسسو مستعمارة جديدة تمّا واللي ولّات من بعد لڤيلاج تاع سيدني. لمستعمارة دنيوساوت ويلز فلأصل كان فيها النص ديال ؤسطراليا زيادة على نيوزيلاندا. فلقرن 19 تقسمات هاد لأرض باش تعطي طازمانيا، ؤسطراليا دلجانوب، ڤيكطوريا، كوينزلاند والدولة تاع نيوزيلاندا.
لجغرافيا[بدل | بدل لكود]
لجغرافيا ديال نيوساوت ويلز فيها 4 ديال لمميزات:
- ساحل شاد من لحد ديال كوينزلاند حتال لحدود معا ڤيكطوريا. فبعض لبلايص كايكون هاد لبحر محادي معا بلاصة طايحة ومبسطة بزاف. لموناخ ديال هاد لبلاصة إما متوسط بارد أولّا شبه مداري. الصيف فهاد لبلايص كايكون بارد حيتاش لبحر كايجيب لبرودة. لفلاحة كاينة على لبحر كتر من الدخلاني ديال لويلاية.
- الجبال ديال ݣريت ديڤايدينݣ غادين متوازيين معا لبحر. هاد الجبال كاين مابيناتهوم الجبال الزرقة.
- السهول ديال الداخل فيهوم لفلاحة بزاف، واخا الناس اللي ساكنين فيهوم قل من اللي ساكنين حدا لبحر.
- السهول الناشفة ديال الشمال لغربي ساكنين فيهوم غير شوية ديال الناس.
لويلاية محادياها من الشمال كوينزلاند ومن لغرب ؤسطراليا دلجانوب ومن لجانوب ڤيكطوريا. بحر طازمان جاي قبالة الشرق ديال نيوساوت ويلز. هاد لويلاية فيها فالداخل ديالها جوج ديال لأراضي: لأرض دلعاصيمة دؤسطراليا ولأرض دخليج جارڤيس.
السكان[بدل | بدل لكود]
وصل لعداد ديال لبشري اللي كايسكن نيوساوت ويلز فيونيو 2007 ل6 دلمليون و890 ألف. تزاد الساكينة ب 1.1 فلمية على لعام اللي قبل[3]، وهاد لمعدّال قل من لمعدّال ديال لبلاد اللي كان وصل ل 1.5%. 62.9% ديال السكان كاينين فسيدني.[4]
الروتبة | التقطيع دلإحصاء | السكان فيونيو 2007[5] |
---|---|---|
1 | سيدني | 4,336,374 |
2 | نيوكاسل | 523,662 |
3 | وولونݣونݣ | 280,159 |
4 | واݣا واݣا | 56,147 |
5 | تويد هيدس | 50,726 |
6 | كوفس هاربر | 50,726 |
7 | تاموورث | 44,970 |
8 | ألبوري | 44,787 |
9 | پورت ماكاري | 42,042 |
10 | أورانج | 37,333 |
11 | كينبيان | 36,331 |
12 | دابو | 36,150 |
13 | بوماديري-نورا | 32,556 |
14 | باتورست | 32,385 |
15 | ليسمور | 31,865 |
التصاور[بدل | بدل لكود]
مدينة سيدني
لخواتات التلاتة هي معلامة جبلية معروفة فالجبال الزرقة.
عيون لكلام[بدل | بدل لكود]
- ^ nsw.gov.au
- ^ "Australian Demographic Statistics, Mar 2019". 19 September 2019. تطّالع عليه ب تاريخ 19 September 2019. Estimated Resident Population – 1 March 2019
- ^ "3101.0 - Australian Demographic Statistics, June 2007".
- ^ "1338.1 - New South Wales in Focus, 2007".
- ^ "3218.0 - Regional Population Growth, Australia, 2006-07". Australian Bureau of Statistics.
![]() |
تقدر تزيد شوف بزاف د تّصاور و لمعلومات ديال New South Wales ف ويكيميديا كومنز. |