ؤسطراليا دلجانوب
ؤسطراليا دلجانوب (بالنݣليزية: South Australia) هي وحدة من لويلايات ديال ؤسطراليا. كاتسمى "لويلاية دليحتيفالات" (بالنݣليزية: The Festival State)، ولعاصيمة ديالها هي أديلايد. ؤسطراليا دلجانوب فيها سادس أكبر عدد ديال الناس، واللي واصل لمليون و770 ألف واحد.[2] لميساحة ديال ؤسطراليا دلجانوب هي 984,321 كم².[3]
كاينة ؤسطراليا دلجانوب فلجانوب لوسطاني ديال لبلاد. هاد لويلاية داير بيها لأرض دالشمال فالشمال، ؤسطراليا دلغرب من جيهة لغرب، كوينزلاند ونيوساوت ويلز وڤيكطوريا من الشرق. هي وحدة من لمناطيق الناشفة، وماكاطيحش فيها بزاف ديال الشتا.
كانت ؤسطراليا دلجانوب ويلاية ديال التعمير لحر اللي داروها النݣليز. بدا التعمير ف28 دجنبر 1836. لهدف كان باش تتصاوب على أساس غاتولي صونطر ديال لحضارة للمهاجرين لحرار، وكانت كاتوعد بلحريّات لمدنية والتسامح بين الديانات.
لويلاية معروفة بميهراجانات ولحفلات، وحتى بالنبيد لمزيان ديالها.
تسجلات درجة السخونية لعالية ݣاع فلويلاية نهار 2 يناير 1960 ووصلات 50.7 درجة سيليسيوس فأودناداتّا.[4] درجة لبرودية لكبيرة ݣاع تسجلات نهار 20 يوليوز 1976 فيونݣالا ؤوصلات ل -8.2 درجة سيليسيوس.[4] أعلى طيحان ديال الشتا كان نهار 14 مارس 1989 فموتپينا ؤوصل 272.6 مم.[4]
-
لبرلامان ديال ؤسطراليا دلجانوب -
أديلايد من السما -
واد موراي -
كرمة ديال لعنب فواد إيدن -
أرض مزروعة ݣمح فنوريوتپا -
أرض باروصا -
أرض ناشفة حدا جبال فليندرز
.jpg)
.jpeg)
- ^ sa.gov.au
- ^ "Australian Demographic Statistics, Mar 2019". 19 شتنبر 2019. مأرشيڤي من لأصل ف 2023-03-27. تطّالع عليه ب تاريخ 19 شتنبر 2019. Estimated Resident Population – 1 March 2019
- ^ "National, state and territory population, September 2020". مأرشيڤي من لأصل ف 2023-09-20. تطّالع عليه ب تاريخ 2021-04-17.
- ^ a b c "Rainfall and Temperature Extremes". bom.gov.au. 31 May 2011. مأرشيڤي من لأصل ف 11 شتنبر 2023. تطّالع عليه ب تاريخ 6 غشت 2011.
| ويلايات |  | |
|---|---|---|
| أراضي | ||
|
تقدر تزيد شوف بزاف د تّصاور و لمعلومات ديال South Australia ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |