كوينزلاند
كوينزلاند (بالنݣليزية: Queensland) هي وحدة من لويلايات ديال ؤسطراليا وكاينة فالشرق. لعاصيمة ديالها هي بريزبان. كوينزلاند هي اللي فيها تالت أكبر عدد ديال الناس، واللي واصل تقريبا ل4 دلمليون واحد.[2] هي التانية فالترتيب ديال لويلايات بلميساحة اللي واصلة ل1,729,742 كم².
هاد لويلاية شادّة الشمال الشرقي ديال ؤسطراليا. كانو السكان لأصليين دؤسطراليا هوما اللي جاو ليها اللولين مابين هادي 40 و65 آلف عام. ولّات من بعد تابعة للتاج دلمملكة لمتحدة من مورا ماتفرقات على نيوساوت ويلز ف1859. لمينطاقة اللي دابا فيها بريزبان كانت مركز ديال التأديب ولحبس وكانت سميتو "موريطون باي". كان مديور للحبّاسة اللي عندهو روكور عامر بلمخالفات لمعاودين فنيوساوت ويلز. لويلاية من بعد شجعات التعمير لحر، وليوما ليقتيصاد ديال لويلاية واقف على لفلاحة والسياحة ولمواريد دالطبيعة.
كوينزلاند هي ويلاية متنوعة بزاف فالتضاريس ديالها. فيها لݣزاير ليستيوائية، لبحور بالرملة، سهول مسطحة ودايزين فيها لوديان اللي كايفيضو مرة مرة، جبال وهضاب طالعين، صحاري ناشفين، أراضي صالحة للفلاحة وبلايص عامرين بالسكان. لميساحة ديال كوينزلاند شادة 22.5% ديال لميساحة دؤسطراليا، الشي اللي مخلّيها تكون التانية فالترتيب ديال لويلايات.[3] الطول ديال لبحور دكوينزلاند واصل ل6973 كيلوميتر، كاتزاد عليها 6374 كيلوميتر خرة من السواحل ديال لجزر.[4]
لويلاية محادياها لأرض دالشمال من لغرب وؤسطراليا دلجانوب من لجانوب لغربي ونيوساوت ويلز من لجانوب. كاينين ستة ديال لمناطيق دلموناخ فكوينزلاند.[5] لمينطاقة ديال لبحر دالشمال فيها كاتطيح معدّالات كبار ديال الشتا، وتقدر توصل فجبل بيليدين كير ل8000 مم فلعام.[6] التلج نادر بزاف فكوينزلاند، واخّا كايطيح شي مرّات فلحد لجانوبي معا نيوساوت ويلز.[7] هاد لجدوال كايعطي لموناخ ديال مدون من لويلاية:
| لمدينة | لحرارة لقليلة | لحرارة لكتيرة | شحال دليام الصافية | الشتا |
|---|---|---|---|---|
| بريزبان | 15.7 °م (60.3 °ف) | 25.5 °م (77.9 °ف) | 113.1 | 1,149.1 مـم (45.24 بوصة) |
| ماكاي | 19.0 °م (66.2 °ف) | 26.4 °م (79.5 °ف) | 123.0 | 1,570.7 مـم (61.84 بوصة) |
| كيرنز | 21.0 °م (69.8 °ف) | 29.2 °م (84.6 °ف) | 89.7 | 1,982.2 مـم (78.04 بوصة) |
| تاونزڤيل | 19.8 °م (67.6 °ف) | 28.9 °م (84.0 °ف) | 120.9 | 1,136.7 مـم (44.75 بوصة) |
ف2019 حسب ليحصاء اللي دارو لمكتب لؤسطرالي ديال ليحصاء هاد لأعداد دلبشري فكوينزلاند:[8]
- بريزبان: 2,514,184
- الساحل الدهبي–تويدس هديس: 693,671
- سنشاين كوصت: 341,069
- تاونزڤيل: 181,668
- كيرنز: 153,951
- توومبا: 138,223
- ماكاي: 80,264
- روكامپتون: 79,081
- بوندابيرݣ: 71,309
- هيرڤي باي: 55,345
- ݣلاد سطون–تانوم ساندس: 45,631
-
بريزبان هي لمدينة لعامرة ولكبيرة ديال كوينزلاند -
تاونزڤيل هي لمدينة لكبيرة ديال الشمال تاع كوينزلاند -
ݣزاير ويتصانداي -
برلامان كوينزلاند -
بحيرة ماكينزي فݣزيرة فرازر -
واد موصمان فلفصل دالشتا -
فيرمة ديال قصب السكار
.jpg)
- ^ qld.gov.au
- ^ "Australian Demographic Statistics, Mar 2019". 19 شتنبر 2019. مأرشيڤي من لأصل ف 2023-03-27. تطّالع عليه ب تاريخ 19 شتنبر 2019. Estimated Resident Population – 1 March 2019
- ^ "Australia in Brief". Department of Foreign Affairs and Trade. مأرشيڤي من لأصل ف 11 شتنبر 2014. تطّالع عليه ب تاريخ 5 أكتوبر 2014.
- ^ "Border Lengths – States and Territories". Geoscience Australia. Commonwealth of Australia. مأرشيڤي من لأصل ف 24 دجنبر 2020. تطّالع عليه ب تاريخ 5 أكتوبر 2014.
- ^ "Australian Government, Bureau of Meteorology – Australian climatic zones". Bom.gov.au. مأرشيڤي من لأصل ف 2020-12-12. تطّالع عليه ب تاريخ 4 غشت 2010.
- ^ "Rainfall and Temperature Records". Climate Extremes. Bureau of Meteorology. 28 فبراير 2013. مأرشيڤي من لأصل ف 13 مارس 2014. تطّالع عليه ب تاريخ 26 مارس 2014.
- ^ "Queensland Snow Events". Weather Armidale. مأرشيڤي من لأصل ف 10 دجنبر 2013. تطّالع عليه ب تاريخ 16 ماي 2014.
- ^ "Regional population". Australian Bureau of Statistics. مأرشيڤي من لأصل ف 18 يوليوز 2019. تطّالع عليه ب تاريخ 31 دجنبر 2020.
| ويلايات |  | |
|---|---|---|
| أراضي | ||
|
تقدر تزيد شوف بزاف د تّصاور و لمعلومات ديال Queensland ف ويكيميديا كومنز. |