طازمانيا

من ويكيپيديا
Tasmania (en)
طازمانيا
التقسيم لإداري
لبلاد ؤسطراليا
لعاصيمة هوبارت
لأقاليم
التأسيس 3 دجنبر 1825
تسمات على هابيل طازمان
لجغرافيا والسكان
لميساحة 68,401 كم²
بلاصة لعالية جبل أوصا (1,617 م)
محادية معا ڤيكطوريا
شحال دالسكان 539,590 (2020)
لإدارة
لحاكيم ديال طازمانيا Barbara Baker
لوزير اللول ديال طازمانيا Peter Gutwein، كيت وارنر و Jeremy Rockliff
معلومات خرى
التوقيت ڭرينيتش +10
ڭريتينش +11
Australia/Hobart
السيت الرسمي لموقع الرسمي[1]
كود إيزو 3166-2 AU-TAS
خريطة لجيهة



طازمانيا (بالنݣليزية: Tasmania) هي وحدة من لويلايات ديال ؤسطراليا. كاتسمى "ݣزيرة التفاح" (بالنݣليزية: The Apple Isle)، ولعاصيمة ديالها هي هوبارت. ؤسطراليا دلجانوب فيها سادس أكبر عدد ديال الناس، واللي واصل ل541 ألف واحد.[2] لميساحة ديال طازمانيا هي 68,401 كم².[3] اللي كتاشف هاد لݣزيرة هو هابيل طازمان ف1642.[4]

لجغرافيا[بدل | بدل لكود]

لموناخ تاع طازمانيا

الجبال فهاد لݣزيرة كاينين فلوسط لغربي، وأكبر جبل تما هو جبل أوصا اللي واصل الطول ديالو ل1,617 ميترو.[5] من غير هادشي لغالبية ديال لأرض فيها السهول، اللي ميساحة كبيرة منهوم مازال فيها لغابات. أكبر غابة مطيرة فؤسطراليا هي طاركين، اللي فيها لحديقة لوطنية ديال واد صاڤيدج، واللي لميساحة ديالها هي 3,800 كيلوميطر مربع.[6]

لمناخ ديال طازمانيا بارد نسبيا على لباقي ديال ؤسطراليا، وكايطراو فيه لفصول بربعة.[7] الصيف كايجي من دجنبر حتال فبراير، ولحرارة ديال لبحر ماكاتفوتش °21. لداخل كايكون بارد وقليل فين كايفوت °24، أمّا الجبال كاتهبط فيهوم حتال °4. لخريف كايجي من مارس حتال ماي، وكايكون فيه الطقس مستاقر.[8] لفصل ديال الشتا كايجي من يونيو حتال غشت، ولبلايص اللي فيهوم الجبال كايقدر يطيح فيهوم التلج. لحرارة لكتيرة كاتوصل فهاد لفصل ل°12،ويقدر تهبط حتال °3 فالجبال.[9] الربيع كايجي من شتنبر حتال نونبر، وخا التلج كايطيح حتال اللخر ديال أكتوبر.

لمدينة لمعدل الطايح دلحرارة (C°) لمعدل لعالي دلحرارة (C°) ليام بالسما الصافية الشتا (مم)
هوبارت 8.3 16.9 41 616[10]
لونشيستون 7.2 18.4 50 666[11]
ديڤنبور 8.1 16.8 61 778[12]
ستراهان 7.9 16.5 41 1,458[13]

السكان[بدل | بدل لكود]

السكان ديال طازمانيا مامخلطينش بزاف ولأغلبية إما عندو أصول من بريطانيا أولا من إرلاندا.[14] 65% تقريبا ديال السكان جايين من 10 آلاف فاميلة اللي أسسات طازمانيا من لوسط ديال لقرن 19. حتال 2012 كانت طازمانيا فيها لخصوبة بزاف وكانت كولا مرة كاتولد فلمعدال 2.24 دري.[15] مع جات 2012 هبط هاد لمعدال ل 2.1. واخا هكاك لويلاية عندها تاني أكبر معدّال ديال لخصوبة من مورا لأرض دالشمال.[16]

السمية السكان
هوبارت 226,884
لونشيستون 86,404[17]
ديڤنپورت 30,044[17]
بورني 26,978[17]
أولڤيرسطون 14,424[17]

التصاور[بدل | بدل لكود]

عيون لكلام[بدل | بدل لكود]

  1. ^ tas.gov.au
  2. ^ "Australian Demographic Statistics, Mar 2019". 19 شتنبر 2019. مأرشيڤي من لأصل ف 2023-03-27. تطّالع عليه ب تاريخ 19 شتنبر 2019. Estimated Resident Population – 1 March 2019
  3. ^ "National, state and territory population, September 2020". مأرشيڤي من لأصل ف 2023-09-20. تطّالع عليه ب تاريخ 2021-04-17.
  4. ^ Schilder، Günter (1976). Australia unveiled : the share of the Dutch navigators in the discovery of Australia. Amsterdam: Theatrum Orbis Terrarum Ltd. ص. 170. ردمك 978-9022199978.
  5. ^ Ridge، Justin. "Mt. Ossa, Tasmania". The Interactive Tour of Tasmania. مأرشيڤي من لأصل ف 2023-03-10. تطّالع عليه ب تاريخ 26 غشت 2011.
  6. ^ "Tarkine: Australia's Largest Temperate Rain forest". مأرشيڤي من لأصل ف 2022-05-19.
  7. ^ Discover Tasmania. "Climate and weather". Writer for Discover Tasmania. Tasmania, Australia: Discover Tasmania. مأرشيڤي من لأصل ف 2022-05-17. تطّالع عليه ب تاريخ 27 أكتوبر 2016.
  8. ^ "Climate of Launceston". Australian BOM. مأرشيڤي من لأصل ف 22 فبراير 2009. تطّالع عليه ب تاريخ 1 يناير 2009.
  9. ^ "Tasmania Climate". World 66. مأرشيڤي من لأصل ف 6 أبريل 2023. تطّالع عليه ب تاريخ 1 يناير 2009.
  10. ^ "Hobart Climate Statistics". Australian Government Bureau of Meteorology. مأرشيڤي من لأصل ف 2023-06-05. تطّالع عليه ب تاريخ 1 يناير 2009.
  11. ^ "Launceston Climate Statistics". Australian Government Bureau of Meteorology. مأرشيڤي من لأصل ف 2023-04-06. تطّالع عليه ب تاريخ 1 يناير 2009.
  12. ^ "Devonport Climate Statistics". Australian Government Bureau of Meteorology. تطّالع عليه ب تاريخ 1 يناير 2009.[ليان مهرس]
  13. ^ "Strahan Climate Statistics". Australian Government Bureau of Meteorology. مأرشيڤي من لأصل ف 2023-04-06. تطّالع عليه ب تاريخ 1 يناير 2009.
  14. ^ "Tasmania (island and state, Australia)". Encyclopædia Britannica Online.
  15. ^ "Australia had baby boom in 2007: ABS". The Age. Australia. مأرشيڤي من لأصل ف 28 فبراير 2014. تطّالع عليه ب تاريخ 2 أبريل 2010.
  16. ^ "Birth-rate slump in Tasmania linked with tough economic times for families". The Mercury. 4 نونبر 2013. مأرشيڤي من لأصل ف 16 أكتوبر 2015. تطّالع عليه ب تاريخ 31 مارس 2014.
  17. ^ a b c d "3218.0 – Regional Population Growth, Australia, 2016–17: Population Estimates by Significant Urban Area, 2007 to 2017". Australian Bureau of Statistics. Australian Bureau of Statistics. 24 أبريل 2018. مأرشيڤي من لأصل ف 2022-12-10. تطّالع عليه ب تاريخ 12 أكتوبر 2018. Estimated resident population, 30 June 2017.
Wikimedia Commons تقدر تزيد شوف بزاف د تّصاور و لمعلومات ديال Tasmania ف ويكيميديا كومنز.