نزار إبراهيم
نزار إبراهيم
| ||
| ||
| معلومات عامة | ||
| زيادة | 1982 (41/42 عام) بيرلين | |
| لجنسية | ألمانيا قيمة مجهولة | |
| لحرفة | إحاثي | |
| لّوغات لي كيعرف | عربية، لوغات أمازيغية، لألمانية و نڭليزية | |
| لفاميلة | ||
| لمحيط | عبدالله براهيم (جدٌّ لأب) | |
| لجوايز |
| |
   
| ||
نزار إبراهيم (مزيود ف 1982 ف برلين) عالم د لپاليونطولوجيا و لأناطوميا لمقارنية ألماني مغريبي خدّام ؤستاد ف جامعة پورتسماوث ف نّڭليز.[1] نزار إبراهيم قاد بزاف د رّحلات د سّتيكشاف ف صّحرا د إفريقيا، ؤ معروف ب لأبحات ديالو على لفوصيلات ديال سّنسوليات ف منطقة كمكم ف لمغريب، سيرتو كتيشاف لبقايا ديال ديناصورات، پطيروصورات، و تمساحيات.[2][3][4]
ف سّنوات لّخرة، نزار إبراهيم قاد بحت لي بدّل بشكل جدري نّضرة لعلمية على لقلدة ؤ لبلايص د لمعيشة ديال سپينوصوروس، واحد من أكبر دّيناصورات لمفتارسة. عندو هتيمام تا ب لبيوأنفورماتيك ؤ ساهم ف مشروع فينوسكييپ Phenoscape لي كيركّز على تحليل لجينات ب ليعتيماد على تّعلام لماكيني. كيتواصل بزاف معا لجمهور لعام، ؤ هوّا عضو ف لبيرو د تّواصل ديال ناشيونال دجيوڭرافيك.
حياتو[بدل | بدل لكود]
نزار إبراهيم عندو أصول مغريبية و ألمانية، ؤ جدّو هوّا عبدالله براهيم لي كان تالت رئيس د لوزارا د لمغريب مورا سّتيقلال. من صغرو كان مولوع ب لحيوانات، لأناطوميا و تّطور لبيولوجي. فاش كان عمرو 5 سنين، قرر بلي باغي يولي عالم د لپاليونطولوجيا فاش كان كيقرا كتاب على دّيناصورات.
ف 2006، خدا ليصونص ف جّيولوجيا و لبيولوجيا من جامعة بريسطول ف لميريكان، و ف 2011 خدا دّوكتورا من جامعة دابلين University College Dublin ف إرلاندا. و دار بحت مور دوكتورا ف لجامعة ديال شيكاڭو ل مدة د 4 سنين.
لكاريير[بدل | بدل لكود]
سّي إبراهيم ولّا ؤستاد موساعيد ف جامعة ديتروي ميرسي ف ميتشيڭان، لميريكان، مابين 2018 و 2020، ؤ كان كيقري لأناطوميا د بنادم، لأناطوميا لمقارنية و تّطور. دابا خدّام موحاضير سامي (نّݣليزية: senior lecturer) ف جامعة پرتسماوث. ؤ كيخدم معا مجموعة د طّالابا ؤ لباحتين ف جامعة لحسن التاني ف كازا ف لمغريب. ف 2015، تّختار واحد من بين 21 شخص كا "صديق ديال تيد TED" (نّݣليزية: TED fellow) و هوّا أول پاليونطولوجيست ف هاد لپروڭرام.
جوايز و تكريمات[بدل | بدل لكود]
خدا بزاف د لجوايز و تّكريمات، من بينها:
- 2014: عضو ف برنامج لموستكشيف صّاعد ف ناشيونال دجيوڭرافيك.
- 2015: صديق ديال تيد TED.
- 2015: دخل ل ليستة د "كريين 40 تحت 40" ديال جورنال د تّبزنيس Crain's Chicago Business.
- 2019: لكتيشاف ديالو د سپينوصوروس عتابراتو ناشيونال دجيوڭرافيك واحد من أهم 20 كتيشاف ف لعقد.
لمزاود[بدل | بدل لكود]
عيون لكلام[بدل | بدل لكود]
- ^ "Dr Nizar Ibrahim". مأرشيڤي من لأصل ف 2023-06-08. تطّالع عليه ب تاريخ 2022-10-05.
- ^ "Three New Species of Flying Reptiles Discovered – Pterosaurs That Inhabited the Sahara 100 Million Years Ago". SciTechDaily (ب نڭليزية). 2020-03-30. مأرشيڤي من لأصل ف 6 يونيو 2023.
- ^ Owen، James (2010-05-28). "New Giant Flying Reptile Found; Hunted on Foot?". ناشيونات دجيوڭرافيك News (ب نڭليزية). مأرشيڤي من لأصل ف 20 شتنبر 2020.
- ^ "The dinosaur hunter: TED Fellow Nizar Ibrahim searches for lost worlds". TED Blog (ب نڭليزية). 2015-06-05. مأرشيڤي من لأصل ف 2023-03-21. تطّالع عليه ب تاريخ 2022-10-05.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |