رئيس لوزارا

من ويكيپيديا
لبلدان لي عندها رئيس لوزارا ب زّرق، لي كان عندها ؤ مابقاش ب لڭرونة، لي ماعندهومش ب رّمادي

رئيس لوزارا ؤلا لوزير لّول هوّا شخص لي كيرأس لحوكومة ف شي بلاد، لي كاتكوّن من مجموعة د لوزارا، لي كيكون كلا واحد فيهوم مكلّف ب مهمة ؤلا مهام ف إطار لمؤسسات د دّولة. هاد لمنصب كاتكون عندو سلطة د بصّح ف نيضام برلماني ؤلا نص برلماني. ب لموقابيل ف أنضيما خرة، بحال نّيضام رياسي، نّيضام نّص رياسي، ؤلا نّيضام لملكي، كيكون إما رئيس لوزارا ماعندوش صلاحيات كاملة (صّلاحيات لوخرة كاتكون عند رّايس ؤلا لماليك)، ؤلا ماكيكونش هاد لمنصب ڭاع، ؤ كيلعب دّور ديالو رّايس ؤلا لماليك براسهوم.[1]

ف لعادة، باش ياخد رئيس لوزارا لمنصب ديالو، ؤلا باش يبقا محافض عليه، خاص تكون عندو لأغلبية ف لبرلمان (أولا علّاقل شّومبرة سّفلية د لبرلمان)، سوا نيشان من لحيزب ديالو، ؤلا ب خلق تحالفات معا أحزاب خرة.[1]

وخا هاد لمنصب عندو ؤصول تاريخية قديمة، ب شّكل لعصري ديالو بان أول مرة ف فرانسا فاش لكاردينال أرمان جون دو ريشليو تعيّن رئيس لوزارا premier ministre ف 1624. ف نّڭليز زاد تطور هاد لمنصب فاش مابقاش لماليك كيحضر ل جتيماعات لوزارا باش يترأسها، ؤ ولّات هادي من لمهام ديال رئيس لوزارا.[1]

عيون لكلام[بدل | بدل لكود]

  1. ^ a b c "Prime Minster". لموسوعة لبريطانية (ب نڭليزية). مأرشيڤي من لأصل ف 2023-10-12. تطّالع عليه ب تاريخ 2022-04-05.
هادي زريعة ديال مقالة خاصها تّوسع. تقدر تشارك ف لكتبة ديالها.