راجل
رّاجل هو لإنسان دكر لي بالغ. هو لعكس ديال لمرا. نّاس كايستعملو كلمة راجل ف لمفرد، و رجال ف لجمع فاش كيهضرو على لجنس لبيولوجي. رّجولة هي لوقت فاش تايكبر لإنسان دكر و ماتايبقاش دري. بحال ݣاع تّدييات دّكورا لخرين، رّاجل كايورت لكروموزوم X من لأم ديالو، و لكروموزوم Y من لأب ديالو. فاش كايوصل بنادم دكر ل لبولوغ، كيطراو تغييرات فيزيولوجية، ب إنتاج ديال هورمونات بحال لانضروجين ؤ تّيسطوسطيرون لي كاتأدي ل ضوهور لخاصيات لجنسية تّانوية، لي كاتزيد ف تّباين مابين جّوج جناس. عند رّاجل كايبان هادشي متلاً ب قلدة ݣلضمية كبر من ديال لمرا، شعر د لوجه، ؤ نسبة د شّحمة ف لكسدة قل من ديال لمرا.[1][2][3]
رّاجل كيتميّز أيضا ب أعضاء تناسلية لي ماكاينينش عند لمرا، بحال لقضيب، لبيضات، تّيو د لماني، ؤ لپروسطاط.
رّاجل و لمرا كيقدرو يجيوهوم نفس لأمراض لجنسية، ولكن كاينين بعض لأمراض لجنسية لي تايكونو غير عند رّاجل (متلا لي كيقيسو لأعضاء لي كاينين غير عند رّاجل، بحال لبيضات) ؤلا غير عند لمرا، أولا تايكونو عند رّاجل كتر من لمرا ؤلا لعكس.
|
تقدر تزيد شوف بزاف د صور و معلومات ديال Men ف ويكيميديا كومنز. |
عيون لكلام[بدل | بدل لكود]
- ^ Bjorklund DF, Blasi CH (2011). Child and Adolescent Development: An Integrated Approach. Cengage Learning. pp. 152–153. ردمك 978-1133168379.
- ^ "Primary & Secondary Sexual Characteristics". Sciencing.com. 30 أبريل 2018.
- ^ Encyclopedia of Reproduction. Elsevier Science. 2018. ص. 103. ردمك 978-0-12-815145-7.
 هادي زريعة ديال مقالة خاصها تّوسع. تقدر تشارك ف لكتبة ديالها. |