تعليم

من ويكيپيديا
اذهب إلى التنقل اذهب إلى البحث
مدراسا ف مرزوڭة، لمغريب.

تعليم هو عملية لي كاتخليك تشد مجموعة من لمهارات ولمعارف. وكاتعني حتا كيفاش تعاون ناس يديرو شي حاجة وتدعمهم باش يفكرو فشنو تعلمو.

ب تعليم، لمعرفة ديال شي مجتمع ولا دولة ولا حتا لعالم كولو كاتنتاقل من جينراسيون لجينيراسيون خرا. هادشي داخل فيه تعليم ديال لأخلاق، متلا تعلم كيفاش تعامل مع ناس وكيفاش تولي مواطن مزيان.

ناس كايقراو ف لمكتابا

تعليم ممكن يعاون ويوجه لأفراد من مستوى لمستوى. ناس لي قاريين يقدرو يديرو بزاف د لحوايج، بحال أنهم يعاونو ناس لي ماقاريينش، ويشجعوهم باش يتعلمو.

نواع د تعليم[بدل | بدل لكود]

كاينين بزاف ديال طرق باش تصنف تعليم، متلا لعمر ولا لمادة. وحدا من هاد طرق هي واش راه نيضامي ولا ماشي نيضامي.

  • تعليم نيضامي غالبا كيكون فلمدرسة، لي فيها كيتعلم لواحد لمهارات ديال لا باز و لمعارف لأكاديمية. دراري صغار كيقراو ف لحضانة ولا روض، ولكن تربية نيضامية غالبا كاتبدا غير من تحضيري، ؤ كاتكمل لليسي، ومن بعد لجامعة لي كاتخليك تخرج بشهادة أكاديمية.
  • تعليم ماشي نيضامي هو نوع ما منضمش بزاف، يقدر يكون واحد من لعائلة كيقري بنتو كيفاش تركب ل بيكالا، ولا يعلم ولدو كيفاش يطيب شي أكلة. هاد نوع ديال تعليم داخل فيه ناس لي كيتعلمو من لكتوبا أولا من شي سيت فلانترنت. داخل فيها حتا محو لأمية ديال ناس لكبار، وسوايع بنسبة ل تلامد. فهاد نوع ديال تعليم، شي واحد لي ماشي بضرورة ف لمدرسة يقدر يتعلم كيفاش يقرا ويكتب، أولا يتعلم كيفاش دير شي حرفة.

تمدرس[بدل | بدل لكود]

قيسم معا ؤستاد ناعس، طابلو د يان ستين، 1672

بزاف ديال لمدارس كتوفر لقراية فابور من دعم ديال دولة. لعائلات يمكن ليهم يسيفطو ولادهم يقراو ف لبريڤي، ولكن كايخصهوم يخلصو كولا شهر. فشي بلايص لي مافحالهمش، دراري ميمكنش ليهم يمشيو للمدرسة حيتاش دول ديالهم ماموفراش ليهم لمدارس، ولا حيتاش لأسر ديالهم ميقدروش يوفرو لفلوس باش يقريو ولادهم، ولا حيتاش لولاد خاصهم يخدمو وهوما صغار، وفشي مجتمعات كاينا واحد نضرة سلبية ل تعليم ديال لبنات.

فأغلب لبلايص ف لعالم تعليم ل بتيدائي وتانوي تايكون فابور حيتاش مدعوم من دولة، وفشي بلدان تايكون حتا تعليم لجامعي فابور، ولكن والاكين ف بلدان خرا تايكون ب لفلوس.