مداكرة:عاداد طبيعي
| هاد الصفحة صفحة د لمداكرة مخصصة للتحاور على عاداد طبيعي. | |||
|---|---|---|---|
|
|||
نماري vs أعداد
[بدل لكود]سلام خاي @سمير تامر:. كيبان ليا موصطلح "نمرة" هنا ماشي ف محلو. لاحض بلي تّخدام د نمرة داير بحال ف لعربية رقم ؤ لفرانساوية chiffre، ف لوقت لي "عاداد" هوّا لموقابيل ديال عدد/nombre لي هوّا لموصطلح لمناسب هنا. Ideophagous (مداكرة) 18:47، 28 يونيو 2022 (+01)
- طاڭ ل كتاتبيا خرين @Reda benkhadra, Omarboulma1926, Anass Sedrati, Mico2022, و Marocsite: باش يعطيو رّي ديالهوم ف لموضوع.--Ideophagous (مداكرة) 16:58، 1 يوليوز 2022 (+01)
- ماعرفتش السياق فاش جات نمرة باش نعطي رايي، ولكن عموما نمرة او نماري كيف تتستعمل فاللوغة لمغربية ماشي هي لمقابل د عدد او الاعداد بلعربية. فالنماري تتستعمل فالنيميروطاسيون ولي ماشي ضروري يكونو غا ارقام متلا نمرة 85A او 12ب... لي صحيح هو عدد بحال فلعربية ولجمع اعداد حيت "عاداد" بجوج الفات كيف قترحتي راه تتعني لكترة متال " عاداد هوم لي ماحضروش" " عاداد هدا باش دخل لحبس" ولي تتعني لمدة.
- جيست ملاحضة بسيطة، راه ماشي عيب تكون لكلمة بلمغربية "دارجة كي تتسميوها نتوم" بحالها بحال لعربية حيت بزاف دلكمات فلمغربية تيتنطقو عربية فصحى. وشلا كلمات بانو ليا متعمدين يكونو ماشي بحال لعربية واول وحدة لاحضتها هي لمغرب ولي شفتكوم تتكتوبوه لمغريب باليا بحال الا دزايري لي تينطقها فلوقت لي لمغربي تتكتبوها بلا يا. لجر فالرا دلمغرب غا كسرة خفيفة . لكانت لمغرب باليا خص نگولو لمغريبي ولمغريبية . لجر فهاد لحالة ماواصلش يولي يا. واللهو ؤعلم. Marocsite (مداكرة) 09:14، 3 يوليوز 2022 (+01)
- مرحبا سّي @Marocsite:. غير مولاحضة أولية على لكتبة باش مايبقاش سوء تفاهم. هاد لكتبة د دّاريجة (لمغريب بلاصت لمغرب) مسمّينها "كتبة فونيتيكية" حيت كاتبيّن لڤواييلات بشكل واضح باش مايطراش لتيباس ف لقراية د لكلمات، بلاصت ماتخلّيهوم غير حاراكات (لي ف أغلبية د لحالات ماكيتكتبوش). يعني بعدا ديك ليا ف "لمغريب" ماشي ديالت لمد بحال ف لعربية، بل تعويض ديال لكسرة (لمغريب = لمغرِب، عاداد = عَدَد...). لاحض لفايدة د هاد لمسألة باش نميّزو بشكل واضح ؤ سريع بين كلمات بحال معلمة => موعلّيمة، معلّمة، معلامة. ؤلا "مدافع" ف هاد لجوملة "مشينا نشوفو لمدافع د لجيش => مشينا نشوفو لمْدافع د لجيش ؤلا مشينا نشوفو لمودافيع د لجيش (لملكي).
- تقدر تقرا هنا تفاصيل على هاد لموضوع (باقي غير بدية ماكاملش): ويكيپيديا:لكتابة د داريجة. تقدر تقرا تا هنا على لفونيتيك ديال دّاريجة لفونيتيك. ب ختيصار هاد لكتبة عندها فوايد من غير باش دّاريجة ماتبانش بحال لعربية (ؤ هادي مسألة ف حد داتها ماشي خايبة حيت مزيان پيداڭوجياً باش يكون فرق واضح بين هاد جوج لوغات ف لكتابة، بحيت مايخلقش لتيباس ف لقراية ؤ تعلم لعربية لفوصحة عند دّراري صّغار متلاً). يلا بغيتي تزيد تناقش لموضوع تقدر تشوف ويكيپيديا:ميزان لكلام. ؤ مرحبا بيك ف أي وقت يلا بغيتي تعطي شي مولاحضة ؤلا نتيقاد. Ideophagous (مداكرة) 09:50، 3 يوليوز 2022 (+01)
- ب نّسبة ل لموضوع رّئيسي. سّياق هوّا لمقال ديال هاد صّفحة د لمداكرة (كليكي طّاب لفوق "الصفحة"، ؤلا سير نيشان هنا: نماري طبيعيين). لأخ سمير تامر ستعمل نفس لموصطلح ب نفس لمعنى ف لمقال ديال لماط. كانضن راك متّافق بلي لموصطلح ديال عاداد/عدد هوّا لي مناسب هنا، ماشي نمرة، لي لمعنى ديالها أقرب ل "رمز". Ideophagous (مداكرة) 09:54، 3 يوليوز 2022 (+01)
- سلام @Ideophagous: عواشرك مبروكة وسمح ليا على التعطيلة. إيه بالصح مني جا لغلط. نورمالمو نمرة هي دوك لأرقام 0 1 2 3 .... حتال 9 وحبس، ولأعداد هوما -1، 11، 2، وݣاع اللي كاينين فلݣروپ ديال لأعداد لعقدية C. كان غير غلط فلختيار دلكلمات مارديتش ليه لبال.--سمير تامر (مداكرة) 11:36، 13 يوليوز 2022 (+01)