عاداد طبيعي

من ويكيپيديا
(تحولات من نماري طبيعيين)
لݣروپ د لأعداد الطبيعيين عندو الرمز ديال .

فلماط، لعاداد طّبيعي هوما عاداد لي كايتستعمل فلحساب (بحال ف "كاينين خمسة دلبݣرات حدا لواد") والترتيب (بحال ف "هشام الݣروج جا اللول فالسيباق"). لأعداد اللي كايتستعملو فلحساب كايتسماو لأعداد لأصلية، و لأعداد لي كايتخدمو فالترتيب كايتسماو لأعداد الترتيبية. لأعداد الطبيعيين كايتخدمو بعض لمرات بحال سميات ديال شي حوايج، بحال ف أوطوروت 3 أولّا الطريق لوطنية 1، أولّا النمرة ديال لكيطمة ديال شي كوايري. هاد النوع كايتسمى لأعداد السمياتية وماعندو حتى شي خاصية فلمفهوم ديال لماط. [1][2]

ف سّيستيم لعشري، لأعداد ف لعادة كيتكتبو ب نماري، لي هوما رموز كيعبّرو على لأعداد من 0 ل 9. كاينين بزاف د سّيستيمات لمومكينة د لكتابة د لأعداد، بحال سّيستيم جّوجي لي كيخدّم غير 0 ؤ 1، ؤلا سّيستيم سّطاشي لي كيزيد 6 د رّموز إضافيين ل سّيستيم لعشري باش يعبر على جميع لأعداد. كاينين سيستيمات قدام بحال سّيستيم رّوماني د لأعداد، لي كيخدّم حروف بحال I ؤلا X ؤلا L، باش يرمز ل لأعداد 1، 10، 50 على تّوالي، ؤ مافيهش رمز ديال زيرو. هاد سّيستيم كيعتامد على لموضع ديال رّمز (على ليمن ؤلا ليسر ديال شي رمز كبر منو) باش يرشم لأعداد كاملين، ؤ كان سيستيم محدود (مايقدرش يعبر على أعداد كبار بزاف)، ؤ معقد ف لحساب.

بعض التعريفات كاتبدا لأعداد الطبيعيين من زيرو ، وكايتسماو لأعداد لي ماشي سالبين. و تعريفات خرين كاتبدا من واحد وكاتسميهوم لأعداد لموجبين.[3] لخاصيات ديال لأعداد الطبيعيين، بحال لمقسومية و التفريقة ب لأعداد اللولانية كتدرسها النضرية د لأعداد. لمسايل بحال لحساب و الترتيب بحال التفراق كايفكها التعداد. الرمز ديال لݣروپ د لأعداد الطبيعيين هو .[4][5]


عيون لكلام[بدل | بدل لكود]

  1. ^ Weisstein, Eric W. "Natural Number". mathworld.wolfram.com (ب نڭليزية). تطّالع عليه ب تاريخ 11 غشت 2020.
  2. ^ "Natural Numbers". Brilliant Math & Science Wiki (ب نڭليزية). تطّالع عليه ب تاريخ 11 غشت 2020.
  3. ^ "natural number". Merriam-Webster.com. Merriam-Webster. مأرشيڤي من لأصل ف 13 دجنبر 2019. تطّالع عليه ب تاريخ 4 أكتوبر 2014.
  4. ^ "Listing of the Mathematical Notations used in the Mathematical Functions Website: Numbers, variables, and functions". functions.wolfram.com. تطّالع عليه ب تاريخ 27 يوليوز 2020.
  5. ^ Rudin, W. (1976). Principles of Mathematical Analysis. New York: McGraw-Hill. ص. 25. ردمك 978-0-07-054235-8.