مداكرة:داريجة

أماكن تحدث

ياخو مي اادارجة يهدروها قاع مل مروك ل تونس و امقال لي راك كتبتو يهدر غير على دارجة المغربية تسما لازم إما ديرو تعميم على قع دول دال المغرب الكبير ولا تبدلو الاسم دالها ل دارجة مروكية Aminehamdi991 (نقاش) 15:42، 30 غشت 2021 (+01)

مرحبا سّي @Aminehamdi991:. يلا درتي بحت ف ڭوڭل علا "الدارجة" ؤلا "Darija"، غادي تطلع ليك دّاريجة د لمغريب كتر من أي بلاد خرة. تّوانسة لي لاحضت كيتسعملو كتر "تونسي" ؤ دزاير كيڭولو عادتن "دزايري"، وخا مصطلح "دارجة" حتا هوّا مخدّم. ف جميع لحالات، هاد لويكيپيديا ديالت دّاريجة لمغريبية ماشي ديالت "لمغريب لكبير" بشكل عام. يلا لاحضتي لعنوان راه فيه لكوض ary لي خاص ب دّاريجة د لمغريب، مي دّزايرية راه لكوض ديالها arq، ؤ ديال تّونسية aeb.

-- Ideophagous (نقاش) 20:21، 30 غشت 2021 (+01)

ايا سما أني غلطت وصاي ا سمحولي Aminehamdi991 (نقاش) 22:17، 31 غشت 2021 (+01)

هانية، ؤ مرحبا بيك ف أي وقت -- Ideophagous (نقاش) 06:09، 1 شتنبر 2021 (+01)

استرجاع التعديلات

راجعو هاد المقال https://www.m-a-arabia.com/vb/showthread.php?t=9850 Omarboulma1926 (نقاش) 13:35، 5 يناير 2022 (+01)

تخدام د لبلوڭات كا مصدر/عين لكلام ممنوع ف ويكيپيديا ب داريجة. حسن تشوف ف كتوبا ولا سيتات موتقين. --Reda benkhadra (نقاش) 13:45، 5 يناير 2022 (+01)

آش هاد الكتابة دنمي

هاد الطريقة دالكتابة لي مكوب بها المقال كتركب فيا السكر. الله يسمح ليكم.

--105.66.133.214 17:38، 25 أبريل 2022 (+00)

سلام ؤ مرحبا. كيفاش بغيتي داكشي يكون مكتوب؟ تقدر تدير قتيراحات هنا ؤلا ف ميزان لكلام. شوف تا هاد صّفحة لي كاتنقاش طّرقان د لكتابة د دّاريجة (وخا باقة ماكاملاش).--Ideophagous (مداكرة) 17:57، 25 أبريل 2022 (+00)

تخريب

هاد سيد 37.220.119.201 داخل خصو غير يخرب لمقالة، وخا تدّخّل عفاك ؟ @Ideophagous Yosh cvd (مداكرة) 22:24، 22 نونبر 2023 (+01)

سلام خاي @Yosh cvd. صافي راني بلوكيتو. يلا ماعجبوش داكشي لي مكتوب ف لمقال خاصو يحل مداكرة ماشي يخرّب ؤلا يدير مطايفة ف لكتابة. Ideophagous (مداكرة) 22:36، 22 نونبر 2023 (+01)

يخرب المقالة ؟؟ هل كذبتم الكذبة و صدقتموها ؟؟ تذكرون كلمة دارجة بجانب بعضهما اين الوضوح في هذا بل من الابله الذي كتب هذا ، يجب التوضيح في المقالة و وضع الامور بمسمياتها و مرادفاتها فالدارجة فعلة هى لهجة مغربية يجب ان يكونوا مترادفتين و لي نفس الكلمة ، و التركيب اللغوي اّتي من العربية من اين اتيتم بالامازيغية ؟؟ قال تخريب المقالة قال و انتم من ينشر الترهات ، اصلا وجود ويكيبيديا بالدارجة او اللهجة المغربية لوحده عبارة عن غـ،ــباء و ينم عن تعصب و من الواضح ماذا ستكون محتوياتها كون امثالكم بها فكلنا تعرف ان المغرب يتكلمون العربية و يجيدونها فلا اساس منطقي على وجود ويكيبيديا بالدارجة 37.220.116.22 14:08، 24 نونبر 2023 (+01)

مرحبا. تقدر تدير تصحيح ل لمقال ب مصادر بلا ماتدير تخريب. لمحتوى لموسوعي خاصو مبدئيا يكون موتّق ب مصادر، ماشي كيعبّر على لأراء الشخصية ديال لكتاتبيا. يلا بان ليك لمحتوى منحاز ل شي رأي، تقدر تصحح ؤلا تزيد الرأي لمخالف ب لمصدر ديالو (ماشي الرأي ديالك). جميع لمحتويات د لمقال لي كاينين دابا راهوم موخودين من لمصادر لي كاينين لتحت. مصطلح "لهجة مغريبية" تاهوّ مخدّم ف لفقرة لي كاتهضر على السمية. ب النسبة ل وجود ويكيپيديا ب الداريجة، كون بزاف د لمغاربا كيساهمو فيها و كيقراوها، كيعني بلي عندها شرعية باش تكون. تقدر تشوف لإحصائيات د لمساهمات ف ويكيپيديا ب الداريجة هنا، و لإحصائيات د لقراية هنا. Ideophagous (مداكرة) 20:33، 24 نونبر 2023 (+01)

هل تضحك على نفسك ان على من ؟؟ انت من يجب ان يذكر مصادر على على هذه البلاهة التي تكتبها، فمن كل عقلك تريد مصدر لكون الدارجة لهجة ؟؟ و تضع كلمة الدارجة مرتين عوضا عن وضع كلمتين مترادفتين ؟؟؟ و ما علاقة الامازيغية لتقول انه تركيب لغوي اتى منها ؟؟ و تقول لي مصادر 😂 انت من يجب لن يضع مصادر لا انا فأنت من لا يجيد كتابة مقال اساسا فلا تحاول للتذاكي يا هذا ، فأنا لا اقوم بوضع الرأي خاصتي انا اضع الواقع انت تصف نفسك حرفيا لأنك انت من يضع رأيه الذي يهواه فقط فلا ترمي الاخرين بأوصافك ، و ما علاقة ما ذكر بالرد الاول عن وجود ويكيبيديا بالدارجة بأقوالك بشأنها الٱآن ،، 109.107.230.235 21:45، 24 نونبر 2023 (+01)

مرة خرة، راجع لمصادر لي محطوطين تحت لمقال، و ماتديرش عافاك مطايفة ف لكتابة. Ideophagous (مداكرة) 22:20، 24 نونبر 2023 (+01)

تبديلات ديال Listorien

طاڭ ل أكبر لمساهمين ف لمقال @Anass Sedrati @Reda benkhadra @Xiquet @Dalinanir @Mohamed.mdb @SADIQUI @BocchusMaziɣ @APAHEL @Ali ahmed andalousi @عصام أزناك @سمير تامر @OussamaOuh @Omarboulma1926 @Yosh cvd. لأخ @Listorien بغا يدير تبديلات جدرية ف لمقال، و عندو عتيراض على الطريقة د لكتابة و على لمحتوى. التبديل ديالو تّرفض سيرتو ل أسباب تقنية (تبديل ليانات خدامين ل ليانات حومر ديال لمقالات، لموضيلات و التصنيفات) + تحياد مصادر بدون سبب + تبديلات ف لأسلوب بلا تبرير و بلا تحسين ف لمعنى. أول حاجة، درت حماية ل الصفحة تا نوصلو ل إتفاق على لمحتوى ب لخصوص (الطريقة د لكتابة كاتبقى نقاش كبير لي ماغاديش نحلوه هنا). تاني حاجة، كيما كتبت ليه ف الصفحة د لمداكرة ديالو، لمسايل لمتعلقة ب لكتابة و لمحتوى خاصهوم يتناقشو حالة ب حالة. غادي نحاول نليستي هنا التبديلات لأساسيين لي دار و لي ماخالقاش إشكالات تقنية، و نشوفو شنو لي خاصو يبقى و شنو لي لا (تقدرو تشوفو لفرق بين التبديلات هنا):

1. التعريف د السميات: لأخ ليسطوريان كيخدّم "ال" ف جميع لحالات، سوا كان لحرف شمسي ؤلا قمري. لقاعدة د التعريف (قمري => ل، شمسي => ال ؤلا الشدة) هيّ قاعدة توجيهية، إدن كانضن ماشي موشكيل يلا مابغاش يطبّقها، و ماشي غير هوّ لي ماكيخدمش بيها. وخا داكشي، طالمّا لمقال كيحتارم لقواعد د لكتابة لي تّافقات عليها لأغلبية ف الجماعة، ماخاصش يتدار تبديل ف لمقال غير على ود لقاعدة د التعريف، حيت هادشي غير كيضيّع لوقت و لمجهود د لكتاتبيا. يلا لأخ معتارض على لقاعدة، ماعليه غير يحل مداكرة جديدة ف ميزان لكلام و يطلب لمعاودة د التصويت على لقاعدة د التعريف.
2. كيبدّل "الدارجة" ؤلا "الداريجة" ب "العربية الدارجة": هادا ختيار غريب و ماشي متداول عند لمغاربا، وخا أصلا كان مدكور ف لمقال بلي مصطلح "العربية الدارجة" موجود ف بعض لكتابات د اللسانيين.
3. كيبدّل "ف" ب "في": لقاعدة د حروف الجر كاتقبلهوم بجوج، إدن التبديل ديالهوم ماعندو تا معنى ؤلا تبرير
4. التركيب اللوغاوي ديال الداريجة: لأخ كاتب بلي "الدّارجة ديال المغرب عندها تركيب لغوي طبق الاصل للهجات العربية الاخرى" لي كتبها بلاصت عبارة "عندها تركيب لغوي جاي من لأمازيغية". صراحة أنا مامتافق لا معا لعبارة اللولة لا التانية. أغلبية د التركيبات د الداريجة جايين من لعربية د موضار، لي هيّ براسها لي عطات لعربية لفصيحة، و كاينين شي تركيبات من لأمازيغية بحال نجار => تانجارت، شفار => تاشفارت، لي ماكانلقاوهومش ف لهجات خرين سيرتو لمشرقية (زيادة على تعابير لي مطرجمين حرفيا من لأمازيغية). ب النسبة ل لمقارنة ب اللهجات د لبلدان الناطقة ب لعربية: ميتال بسيط ب لمصرية كيڭولو "أنا باموت فيك"، لي لموقابيل ديالها ب الداريجة "أنا كانموت عليك". التركيب هنا ماشي بحال بحال، حيت عندنا التصريف ديال لفيعل "مات" لي مبدّل، و التخدام ديال "على" بلاصت "في"، و كاينين بزاف د لأمتلة خرين. يعني مايمكنش نڭولو بلي كاين "تركيب لغوي طبق الاصل". لإقتراح ديالي هوّ نكتبو "الداريجة عندها تركيب لوغاوي جاي من لعربية معا تأتير ديال تركيبات أمازيغية". ب طبيعة لحال، خاص تكون فقرة خاصة ب التراكيب كاتعطي أمتلة ل هادشي. لي بغا التفاصيل يقرا كتاب "العربية الدارجة" ديال محمد لمدلاوي.
5. لموعجام ديال الداريجة: لأخ كاتب "أما معجمها فالاغلبية الساحقة ديالو من العربية". من غير كلمة "الساحقة" أنا متافق معاه. نقدرو ناخدو و نأضاپطيو لعبارة لي داير لمدلاوي ف كتابو (صفحة 37) "لموفرادات ديال الموعجام الأساسي ديال العربية المغربية الداريجة هيّا، في حقيقتها، موفردات ديال عربية موضار بصيفة عامّة، و ديال العربية الفوصحى بصيفة خاصّة".
6. تحياد طرف كبير من لخلفية التاريخية على اللوغات لقدام د لمغريب: كانضن بلي قضية وجود لوغات قدام تهضرو ؤلا تكتبو ف لمغريب بحال لبونيقية، ليونانية لقديمة و اللاتينية، مسألة ضروري باش تّدكر بشكل مختاصر. التفاصيل يقدرو يتزادو ف مقال على لوغات د لمغريب. تحياد لإحالات ل الداريجة د ليهود ماعندو تا معنى.
7. كاينين بزاف د التبديلات خرين لي نقدرو نّاقشوهوم بشكل مستاقل (متلا شحال جاو ديال بني هلال و التأتير ديالهوم على التقافة د لمغريب)، حيت هادشي خاصو تقلاب متعمّق ف لمصادر. كاين تا تخدام مصطلحات بحال "شلوح"، "شلحة" بلاصت "أمازيغ"، "أمازيغية"، لي يقدر يخلق إلتباس ف لفهامة (واش لمقصود غير لمعنى لخاص لمتعلق ب منطقة سوس، ؤلا لمعنى لعام ديال أمازيغ)، و داكشي علاش "أمازيغ"، "أمازيغية" ف نضري حسن.

Ideophagous (مداكرة) 12:07، 4 يناير 2024 (+01)

سلام @Ideophagous, حالياً كيبانلي أهم حاجة هي لمحتوى أو ماشي شكل د لكتابة. أنا ضد هاد تبديلات كاملين حيت مكيبانليشي أيحسنو لمقال. Yosh cvd (مداكرة) 13:31، 4 يناير 2024 (+01)

Anass Sedrati @Reda benkhadra @Xiquet @Dalinanir @Mohamed.mdb @SADIQUI @BocchusMaziɣ @APAHEL @Ali ahmed andalousi @عصام أزناك @سمير تامر @OussamaOuh @Omarboulma1926 @Yosh cvd.

التبديلات اللي درت أنا بالمصادر ديالها و على راسها الاحصاء الرسمي ديال 2014 اللي هو كيحذفوا باش يبين ان عدد متكلمي العربية الدارجة قليل

ملي كيكون مصدر رسمي كيلغي كل المصادر الاخرى فما بالك بشخص ما وضعش مصدر من الاساس و معتمد على الايديولوجية ديالو كمصدر.

و النقاط اللي ذكر مردود عليها مسبقا في التعديل و حتى في نفس المقال بلغات اخرى

يعني قبل الغاء التعديل و اغلاق المقال على الاقل راجع ما كتب و قارنه بالمقالات الاخرى بدل خدمة العكز و لا تحكيم الرأي و الايديولوجية Listorien (مداكرة) 14:17، 4 يناير 2024 (+01)

@Listorien على ماشفت، مازدتي تا مصدر ف لمقال، بل ب لعكس حيدتي فقرات ب لمصادر ديالهوم. لمقال ب طبيعة لحال باقي فيه بزاف ما يتّصلح و يتطور، و عدد لمصادر لي فيه قليل ب لمقارنة معا لحجم ديالو. بنّسبة ل لإحصائيات د 2014، راني زدت الرقم لي كاتهضر عليه (90,9% د الناطقين ب الداريجة) ب لمصدر. ب النسبة ل لعبارة لي موراها ديال عدد الناطقين ب اللوغة لأم، يلا درنا ستينتاج من لإحصائيات الرسمية نيت، حيت عندنا 26,8% د الناطقين ب لأمازيغية، يعني نقدرو نقدّرو عدد الناطقين ب الداريجة ك لوغة أم ب 73,2% (كاينين وخا داكشي عتيراضات على النتائج د لإحصائيات، حيت فما كيتعلق ب اللوغة لأم ماكانوش أسئلة مباشرة، شوف هاد لمقال ديال الجزيرة). غير هوّ بشكل عام مامزيانش نديرو ستينتاجات من ريوسنا، على حساب السياسات و لحكام لمعمول بيها هنا. متلاً يقدرو يكونو ناس كابرين ب لأمازيغية و الداريجة بجوج كا لوغات أم، يعني خاصنا شي مصدر لي كيعطينا النسبة مباشرةً. لمصدر لموتوق لوحيد لي لقيت تال دابا هوّ إتنولوڭ، و دايرين فيه 27 مليون ناطق ب اللوغة لأم من بين 32 مليون (الصفحة مأرشڤة ف 2019)، شي لي كيعطينا 84%. إدن هادشي لي زدت ف لمقال ب لمصدر. يلا شي حد عندو مصادر خرين، يحطهوم هنا، و نشوفو كيفاش نقادو هادشي. يلا ستدعات لقضية نديرو فقرة خاصة غير على لإحصائيات د الناطقين ب جميع لأرقام و لمصادر لي متوفرين. Ideophagous (مداكرة) 16:26، 4 يناير 2024 (+01)

سلام خاي @Yosh cvd. صراحة لمقال ف لأصل كاين فيه بزاف مايتّصلح، داكشي علاش بانت ليّا هادي فرصة مزيانة باش نطوّرو لمقال و لمحتوى ديالو، و مزيان يكونو عندنا وجهات نضر مختالفين على لموضوع باش يكون توازن ف لأراء. مبدئيا لمقال ديال الداريجة ف ويكيپيديا ب الداريجة خاصو يكون أحسن مقال على هاد لموضوع ف لويكيپيديات كاملين، مي باقين ناقصين فيه بزاف د لمسايل بحال لوصف ديال لفونولوجيا و لڭرامير. Ideophagous (مداكرة) 17:17، 4 يناير 2024 (+01)

ما عمر مقال العربية الدارجة ما يكون احسن مقال طالما كتستميت في انشاءه حسب ايديولوجيتك

و قولك ( نقدرو نقدّرو عدد الناطقين بالعربية كلغة ام حسب الناطقين بتاشلحيت و غيرها ) هو مردود

ماشي شرط ان الناطق بتاشلحيت هي لهجته الام يقدر يكون تعلمها بعدما تعلم العربية

و ما تنساش أن كلامك حول ان بنية العربية الدارجة هي بنية الشلحة، و هذا قول كتقولوه بوحدكم بينما عند اللغويين هي لهجة عربية بنفس البنية و التركيب و الصرف للدارجات و العاميات الاخرى و المقال اللي باللغة العربية الفصحى كيوضح ذاك الشي بالتفصيل الممل إضافة للمقال لهجات عربية (يالاه سير اجري و عدل عليهم)

اما اقحامك لكلمات من قبيل 'مي' الفرنسية بدل "ولكن" اللي بالعربية الدارجة راه كيوضح انك كتحاول تضخ اكبر قدر ديال المصطلحات الاجنبية باش تخرج لنا بفكرة ان العرببية - اللي اصلا المغاربة بين اللي كيسميوها الْعَرْبية و اللي كيسميوها الدارجة - ماشي عربية، أو ملي تعجز كتدعي ان بنيتها ماشي نفس بنيات اللهجات العرببية الاخرى

او كتحاول ترجع معجمها مكون بالنصف من العربية و بالنصف من حوايج اخرى يعني باغي تخرج رابح باي شيء.

ااااه سبحان الله سابقا كانت العربية الدارجة 70 في المئة و دابا ولات 84 في المئة ؟ و ايثنولوك المصدر الموثوق حسب رايك كياخذ بعين الاعتبار احصاء 2004 بخصوص لهجات الشلوح، يعني كتخلي 2014 و كتمشي ل 2004 باش تمرر افكارك.

و من الاساس في مقالات اللغات و اللهجات بكل اللغات المهم هو عدد الناطقين فقط انت اللي كتركز على عدد الناطقين بها كلغة ام و عدد الناطقين بها كلغة ثانوية باش تحاول تبين الارقام صغيرة.

اما الفقرات اللي حيدت فهي فقرات خرجتي فيها على النص و بديتي كتهدر على امور بعيدة على العربية الدارجة، ها البونيقيين ها الفينيقيين ها الوندال، المهم كتحاول تقحم اكبر قدر ديال الشعوب في القضية باش تبعدها عن اصلها و معجمها و بنيتها و تركيبها العربيين.و القضية عكس ما كتموه ماشي وجهات نظر، شوية غتقولو على العربية الفصحى (ماشي عربية) و تعتابروها وجهة نظر.

و من غير مصادرك المبنية على مقالات لنشطاء امازيغ كيف كيسميو راسهم و مقالاتهم باينة مقالات ناس بعاد على اللسانيات و التخصص و الايديولوجية كتقطر منهم، را ايثنولوك اللي سميتيه مصدر موثوق كيسميها دارجة او العربية المغربية، موروكان آرابيك، علاش كتحذف أي كلمة فيها عربية ياك الموقع موثوق ؟ و لا موثوق فقط في ما تشتهيه نفسك ؟

Anass Sedrati @Reda benkhadra @Xiquet @Dalinanir @Mohamed.mdb @SADIQUI @BocchusMaziɣ @APAHEL @Ali ahmed andalousi @عصام أزناك @سمير تامر @OussamaOuh @Omarboulma1926 @Yosh cvd.

Ideophagous@Ideophagous Listorien (مداكرة) 18:06، 4 يناير 2024 (+01)

@Listorien من لأحسن تتجنب لإتهامات الشخصية و ركّز على صلب لموضوع، ناقش لفكرة ماشي الشخص. وإلا راك ماغاديش تطوّل ف هاد لمشروع و غادي تكون غير ضيّعتي وقتك بلا فايدة.

1. "قولك نقدرو نقدّرو عدد الناطقين" => هاداك غير نقاش على كيفاش نقدرو نديرو عدد ؤلا نسبة الناطقين ب الداريجة. يلا ركّزتي مزيان و كمّلتي لقراية و طليتي على لمقال دابا، غادي تلقى بلي زدت نسبة د الناطقين بشكل عام على حساب لإحصاء د 2014، و نسبة الناطقين ب اللوغة لأم على حساب إتنولوڭ، لي هيّ أعلى من النسبة لي كنتي داير نتا براسك. ف اللخر، لمصادر لي خاص يحكمو ف لمحتوى ماشي الرأي الشخصي.
2. "و من الاساس في مقالات اللغات و اللهجات بكل اللغات المهم هو عدد الناطقين فقط" => ب لعكس، أغلبية د لمقالات دايرين الناطقين ب اللوغة لأم L1، و الناطقين بيها كا لوغة تانوية L2.
3. "فقرات خرجتي فيها على النص و بديتي كتهدر على امور بعيدة على العربية الدارجة" => هاديك فقرة كنت زدتها باش نعطي السياق لعام ديال التاريخ د اللوغات ف لمغريب. ف نضري هاد السياق مهم باش نفهمو كيفاش تطورات الداريجة، حيت نيت كانلقاو فيها مصطلحات قدام بزاف من اللاتينية (بحال "فلّوس" pullus) و ليونانية لقديمة (متلا "بلّارج" pellargos). هاد لمسايل كيتناقشو ف جميع لحالات، ماشي كيجي كتاتبي واحد و كيقرر بوحدو شنو خاص يكون و شنو ماخاصش يكون.
4. "و من غير مصادرك المبنية على مقالات لنشطاء امازيغ" => يلا بانو ليك مقالات ديال "نشطاء أمازيغ"، ماعليك غير تزيد معلومات من مصادر ديال ناس لي ماشي "نشطاء أمازيغ"، و نشوفو ديك الساع كيفاش نوازنو لمقال. على دكر هادشي نيت، ها هوّ قدامي كتاب عنوانو Initiation to language: A Moroccan perspective ديال أستاد اللسانيات ف جامعة لقاضي عياض عبد الله لحلوي، و ها شنو كاتب (صفحة 15):

   it has always been my thought that Moroccan Darija is a beautiful blend of the Amazigh language and some vaiety of Arabic... the phonology, the morphology, the syntax, and some aspects of the vocabulary of this language are evidently Amazigh ... طرجامة: كان ديما كيبان ليّا بلي الداريجة لمغريبية هيّ خليط زوين ديال لأمازيغية و شي لهجة عربية... لفونولوجيا، لمورفولوجيا، و النحو ديالها و بعض لمضاهر ديال لموعجام ديال هاد اللوغة أمازيغيين بشكل واضح ...

5. "اما اقحامك لكلمات من قبيل 'مى الفرنسية بدل "ولكن"" => شخصياً كانخدّمهوم بجوج. مرة خرة، الداريجة هيّ لهضرة د لمغاربا، و فيها كلمات متداولين من أصول متعددة. يلا ركّزتي مزيان معا لهضرة د الناس ف الشاريع ف شي مدينة كبيرة، غادي تلقى بلي "مي" كاتخدّم عادي ف لهضرة وسط لكلمات لي أصلها عربي، يعني ماكاينش شي وجه د لإعتراض عليها، من غير بنادم لي صحة باغي "ينقي" لهضرة د لمغاربا من أي مصطلحات ماشي عربية ف لأصل. و هادا أصلا ماشي موضوعنا. تا حد مافارض عليك كيفاش تكتب، و عندك لألاف د لمواضيع تقدر تكتب عليهوم ف هاد لموسوعة ب الشكل لي كيناسبك.
6. "را ايثنولوك اللي سميتيه مصدر موثوق كيسميها دارجة او العربية المغربية" => خاص نشوفو لكلمة لي كيخدّمو لمغاربا، ماشي نديرو طرجامة حرفية من النڭليزية ؤلا أي لوغة خرة، من غير يلا ماعندناش مصطلح متداول ف لمغريب ل شي فكرة ؤلا مفهوم. لمغاربا كيسميو لوغتهوم "الدارجة" ؤلا "الداريجة". لمصطلحات لخرين بحال "الدارجة المغربية"، "العربية الدارجة"، و غيرهوم كاينين و راهوم مدكورين ف لمقال، ولاكين ماشي هوما لمصطلحات لي متداولين كتر، فا مايمكنش نغلّبو النادر على لمتداول.

Ideophagous (مداكرة) 19:00، 4 يناير 2024 (+01)